ياقهر ليه يبه ذبحته

صباحكم ومساءكم ورد وفل وياسمين

اخبار الجميع ان شاء الله بخير

ياناس صارت لي سالفه والى الحين افكر به

تعرفون صرصار الليل اللى بعض الناس يسمونه الجدجد هذاك اللى يطلع صووت بالليل واكثر شي بالبر >>>>>امحق توصيف عزالله فهمتوا

المهم سوى لنا مفاجاه وزانا بالبيت وماشاء الله جلس ثلاث ايام ببيتنا
ياناس عليه صوووت يهز البيت المهم كل ليله نسمعه في كل البيت ومانقدر نحدد موقعه وتعرفوني قويه اخوف نزلت تحت بالحوش الساعه 3
وادوره وابن اللذينه يحس ويسكت واذا طلعت فووق زاد بالصووت شكله يعاند هههه ومن بكره تم القبض عليه متلبس بالمطبخ واذا جينا وفتحنا النور عليه يسكت عاد حنا لعبنا معه شوي نسكر النور ونفتحه >>>>نذاله على اصول
المهم سكرت النور وقربت لمه قلت لازم اكتشف
لان كانت عندي معلومه وقلت لازم اتاكد وخليت وحده من خواتي تفتح النور ياسبحان الله صدق الله قادر على كل شي فعلا هالصوت القوي اللى يصدره عند احتكاك رجلينه وحركة رجلينه غريبه شوي وفعلا جلست اتامل في خلق الله وشلون هالصوت هالقوي يطلع بمجرد احتكاك رجلينه سبحان الله

وبعدين جبت جوالى وقلت بسجل صوته لانه كان يعجبني واستمتع به
وفعلا سجلته وجيت بسمعه والا اتفاجا مو معقوول ياناس والله مافيه صووت كاني ماسجلت وشلون مايطلع وهو صووته قوي واسمعه وانا فووق
وهو تحت بجد ماني مصدقه وشكيت قلت يمكن ماسجلت زين وعادت التسجيل ونفس اول مافيه صووت جبت جوال اختى ونفس الشي
والغريبه كان معي اخوي الصغير وانا اسجل ثاني مره وطلع صووت اخوي وصوته ماطلع وجبت المسجل ههههههههه ادري بتقولون متعبه نفسه بس انا احب انى اكتشف
المهم سجلت بالمسجل وماطلع و من يوم السالفه وهو شاغل تفكيري نفس اعرف وش السبب

ولا عاد يوم قلت لااهلى ماصدقوني يقولون انتى ماسجلتي زين واللى يقول هذا جنى بسم الله واللى يقوول هذا حسي .و.و.
قلت خلاص اخليه بكرا بكمل تجاربي >>>>اخص يانيوتن
وقمت الصبح ورحت ادوره
وللاسف لقيت الوالد قضي عليه وذبحه يقول ازعجنا ماخلنا ننام
وانا كنت في ذيك اللحظه بموووت من القهر انى ماكملت تجاربي واكتشفت السبب اللى خلاه مايطلع بالتسجيل


والى الحين وانا نفسي اعرف وش الفايده من احتكاك رجلينه
وشو السبب اللى خلاه مايطلع بالتسجيل
فيه احد قد مر عليه كذا


وبس

اول شئ يا ملقووووووفه وش اللي ينزلك 3 الفجر الحوش

بجد ما تخافين ...؟؟
انا اذا كنت فوق وابي شئ من المطبخ اموت ولا انزل

ثاني شئ
هذا شغل الشغالة تدوره ,,, أنتي ما تخافي ...؟؟

ثالث شئ يمكن والله اعلم بوووووووو جني

ههههههههههااااااااااااااى

رابع شئ تراه صرصور

ههههههاااااااى

وربي ضحكتيني..
الحين ابوك ربي يخليه لكم ليش ماشاله ورماه في الفناء الخارجي للمنزل<<لايفوتك اللغة

يعني ماعنده تفاهم..يعيني لو احد سوى فيكم ازعاج واقلق يومه وش بيسوي وياه؟؟
يبيلي اسير عليكم شخص من العرب واخليه يقلقل يوم ابوك واشوف اش بيسوس فيه..

وانتي الله يصلحك يالمدلوخه ليش ماشلتيه وحطيتيه في الغرفة او في الحوش؟؟؟
هو من ناحية انه صوته ماينتج الا نتاج احتكاك كراعينه فهذه اكيد صحيحه بس والله يانيوتن اني ماادري ليش ماتسجل يمكن في شغله تخص الترددات والموجات الصوتية المنبعثة منه الله اعلم..

بس يانيوتن اذا جيتي تسوين تجارب خليها في غرفتك ولاسويلك خيمة في الحوش وحطي تجاربك فيها..

ذكرتيني بخنفوس كنت ابي اكشف عنه تحت المجهر قمت اليوم الثاني وشكل خالي مزاجه معكر..اخذه وغرز فيه كفرات السيارات اللعبة من وسط جسمه بالعرض؟؟؟>>>وصلت الصورة ياجماعة؟؟؟

المهم المسكين صار يمشي الين خلص بنزينه وتعطل مدى الحياة..

اما انك طلعتي منتي بهينة..
المهم ياكولمبس اذا عرفتي وش السبب خبرينا...

يسعدك ربي ياملوكتي..

ملوووووووووكه
ترا انا اول مره ادري ان الصوت ناتج من احتكاك ارجله

وسالفة ماطلع صوته غريبه...!!

لأنه في الافلام الوثائقيه والملسلات احيانا يطلع صوته

مممممممم
من وين اجيب لي صرصور اجرب؟؟؟؟؟؟؟

اتوقع عند غزاله الخبر اليقين لانه تخصصها.


اذا استجد معاك شي افيدينا

	المشاركة الأصلية كتبت بواسطة النبض الحزين

	اول شئ يا ملقووووووفه وش اللي ينزلك 3 الفجر الحوش بجد ما تخافين ...؟؟

ههههههههههه اول شي هذا مو لقافه هذا علم وتجارب هههههه
بس بجد هو فيه خوف شوي بس حبي للعلم والاستكشاف هو اللى خلني انزل >>>تعلمي مني

	المشاركة الأصلية كتبت بواسطة النبض الحزين

	ثاني شئ هذا شغل الشغالة تدوره ,,, أنتي ما تخافي ...؟؟

واللى ماعنده شغاله انتى بس تعال عندي واوريك تجاربي على اي نووع وخاصة الصراصير ههههههه

	المشاركة الأصلية كتبت بواسطة النبض الحزين

	ثالث شئ يمكن والله اعلم بوووووووو جني

والله شكيت انه جني ههههههه

	المشاركة الأصلية كتبت بواسطة النبض الحزين

	رابع شئ تراه صرصور ههههههاااااااى

واذا صرصور مافيه شي >>>>يعني قويه

بس بجد صوته يعجبني

نبووضه
ربي يسعدك ياشيخه وتصرين مثلي ههههههههه

	المشاركة الأصلية كتبت بواسطة غزالة الجنوب

	وربي ضحكتيني.. الحين ابوك ربي يخليه لكم ليش ماشاله ورماه في الفناء الخارجي للمنزل<<لايفوتك اللغة ..

ههههههههههههههههه

دوووم الضحكه ان شاء الله

بجد والله انقهرت يوم قمت وليقيته مات ولابعد ابوي اذبحه وعلى طوول رماه في الفناء الخارجي حتى ماشفته والقيت عليه النظره الوداعيه هههههه يقوول ازعجنا وانا اقول له بالعكس صووته رووعه بس على قوله انه ماراح يستفيد اذا رماه في الفناء الخارجي على قولك تعرفين هو يطير وعلى طووول يطب ببتنا فقال ازين حل الذبح

	المشاركة الأصلية كتبت بواسطة غزالة الجنوب

	:: يعني ماعنده تفاهم..يعيني لو احد سوى فيكم ازعاج واقلق يومه وش بيسوي وياه؟؟ يبيلي اسير عليكم شخص من العرب واخليه يقلقل يوم ابوك واشوف اش بيسوس فيه.. ..

ابد مافيه تفاهم بس انتى جربي سيري علينا وجيبي تجاربك معك ونشوف وش يسوي بك
هههههههه

	المشاركة الأصلية كتبت بواسطة غزالة الجنوب

	:: وانتي الله يصلحك يالمدلوخه ليش ماشلتيه وحطيتيه في الغرفة او في الحوش؟؟؟ ..

اما في الغرفه عشان ابوي يعلقني برقبتي في المروحه غرفته جنب غرفتي واكيييد الصوت راح يكوون قوي بس ماخطرت علي الفكره ولا اتهور واسويها هههههههه بس خلاص اذا زرانا مره ثانيه احطه بغرفتي واقوله هذي من افكار الخطيره غزوووله

	المشاركة الأصلية كتبت بواسطة غزالة الجنوب

	:: هو من ناحية انه صوته ماينتج الا نتاج احتكاك كراعينه فهذه اكيد صحيحه بس والله يانيوتن اني ماادري ليش ماتسجل يمكن في شغله تخص الترددات والموجات الصوتية المنبعثة منه الله اعلم.. ..

ايه قبل سمعت انه الصووت ينتج عن احتكاك رجلينه وتاكدت لمن قربت منه بس فعلا حركة رجلينه غريبه وتحسين ودك تجلسين تتاملين فيه

اما الصوووت والله شاغل فكري ماادري ليه ماطلع

	المشاركة الأصلية كتبت بواسطة غزالة الجنوب

	:: بس يانيوتن اذا جيتي تسوين تجارب خليها في غرفتك ولاسويلك خيمة في الحوش وحطي تجاربك فيها.. ..

والله شكلي بحط خيمه في الحوش تصدقين مره لقيت صرصور منقلب على ظهره شكله مفحط وقاطع الدايري ومنقلب المهم حسب معلومه وصلتني وحبيت اجربه مسكت صابون ونقط عليه نقطتين والصرصور راح فيها فطس ههههههههه

	المشاركة الأصلية كتبت بواسطة غزالة الجنوب

	:: اما انك طلعتي منتي بهينة.. المهم ياكولمبس اذا عرفتي وش السبب خبرينا... ..

ايه توك تدرين هذا غير المستخبي هههههههه

وجاري البحث عن السبب انا لازم اعرف يعني لازم

ربي يسعد ايامك ياغزوولتى

	المشاركة الأصلية كتبت بواسطة شروووق

	ملوووووووووكه ترا انا اول مره ادري ان الصوت ناتج من احتكاك ارجله

زين استفدتي معلومه من تجاربي

	المشاركة الأصلية كتبت بواسطة شروووق

	وسالفة ماطلع صوته غريبه...!! لأنه في الافلام الوثائقيه والملسلات احيانا يطلع صوته

ايه صدق غريبه لاني دايم اشوفه في الافلام الوثائقيه بس يمكن بالمسلسلات نغمه موصدق

	المشاركة الأصلية كتبت بواسطة شروووق

	من وين اجيب لي صرصور اجرب؟؟؟؟؟؟؟

تبين ارسل لك ههههههههههه صدق اتمنى يطب واحد في بيتنا

	المشاركة الأصلية كتبت بواسطة شروووق

	اذا استجد معاك شي افيدينا

اكييييد راح اخبركم بس ان شاء الله اعرف

شروووق

ربي يسعدك ياشيخه

..

هههههههههه ماشاء الله عليك ياملوكه ..

والله ياأنا اللى ابقرب لم الصرصور ..

بس اول مره ادري ان الاحتكاك من رجلينه .. انا احسبه يجلس يصفر والا شي <<< شوفو التفكير شلوون هههههههههه

طيب انتي جربي تسجلين فيديو يمكن يضبط ..

..

	انا احسبه يجلس يصفر والا شي

ههههههههههههههههههههههههههه
نفس تفكيري

صدق ياملكة

جاء لك قلب تقعدين تطالعين في الصرصور

انا لو يمر قدامي يكش جلدي

صراحة اكتشفت اك قوية