يمه يا كذبها أبلى سعاد ؟؟؟

هذه القصيدة للشاعر المبدع عبدالكريم المهنا امل ان تنال اعجابكم

(( أبلـــى سُعـــاد ...! ))

يُمـــه...
وين أبوي...؟!
قلتي بيجيء بُكـــرة...
وقلتي بيجيء بُكـــرة...!
متى يجيء بُكـــرة...؟!
أنا أعـــرف الصبح يصير هو بُكـــره...!
وكل يوم يجينا الصبح
بس مايجي بُكـــرة...!
الله يايُمه...ياكـــرهي لبُكـــرة...!
صبري قضى يُمـــه
معاد فيني حيل


***** ***** *****


يُمـــه...
من يوم ذاك الصوت القوي...
اللي يهـــز البيت وأبوي ماشفته
صوت أيش يايُمـــه...؟!
سمعت معه صـــراخ...
وصوت إسعـــاف...
وحكـــي وبكاء...!
وأنتي تقولين إدخلي في غُـــرفتك...
ودخلت أنا في غُـــرفتي...
وجلست بالحالي...إلين جاء بُكرة...
وأبوي ماشفته...
سهرانه طول الليل


***** ***** *****


يُمـــه...
سمعت من سلمى تقول...
إن أبوها قال....نورة يتيمة..
طبعاً ضحكت وقلت...
ماني يتيمة...
أُمي معي بالبيت...وأبوي...
يبي يجي بُكرة
بس القهر يُمـــه من سالفة بُكره...!
مدري متى بُكرة...؟!
ياويلي يايُمـــه...!
ياويلي منه ويل.


***** ***** *****


يُمـــه...
صديقتي حصة تقول...
أبوي أنا مقتول...!
طبعاً ضحكت وقلت...
من يقتل أبوي...؟!
قالت لي حصة...
ناسٍ يقولون إنهم
أهل الجهاد...والدين...
وهُم مُسلمين...!
ياهي غبية حيل...
ماتدري إن أبلـــى سُعاد قالت لنا مرة...
(( مايقتل المسلم أخوه ))
وأبوي أنا مُسلم...
والعام حجينا سوى...وزرنا الرسول...
يحليلها حصة...
ياهي غبية حيل...


***** ***** *****


يُمـــه...
من جد ودي أسالك...
أشوف بعيونك كلام...!
وأسمع من شفاهك كلام...!
قولي لي يايُمه...
أبوي فعلاً إنقتل...؟!
إذا اليهود اللي قتلوه...الله يايُمه...
ياهو شرف...!
يحشـــر ورى حمزة...عم الرسول
أبلى سُعاد قالت لنا مرة...
(( من مات مقتول وشهيد... يبعث ورى حمزة
...عم الرسول...! ))
ودمه يسيل .


***** ***** *****


يُمـــه...
بس الغريب... أختي عُهود
سمعتها مرة تقول...
أبوي مقتولٍ غدر...وهو يتوضاء للفجر...!
أبوي ماجوه اليهود...؟!
وشلون يايُمـــه...؟!
معقوله المسلم يقتل أخوه...؟!
أبوي أنا مُسلم..يصلي ويصوم...
ودايم يسولف لي عن الجنه...
ويقول لي قصة مُحمد
معقوله يايُمه...؟!
حلال يقتل المسلم أخوه...؟!
ألله...
ياكذبها أبلى سُعاد...!
قالت لنا إنه حرام...!
بس أعتقد فعلاً حرام...!
وشلون يايُمـــه...؟!
ووش صار بالدنياء...؟!
إلا على فكرة...!
وش معنى يايُمـــه كلمة عميل...؟!
وممكن يصير مُسلم عميل...؟!


***** ***** *****


يُمـــه...
أحس بدمعة عيوني أقبلت...
والعادة يمسحها أبوي...!
هالمـــرة خليها تسيل...
أدري بها دمعة يتيم...
وأدري بعد إني يتيمة...!
أبيها تحرق من غدر في روح أبوي...
أبيهاتكبر دمعتي...!
وتلعن اللي حرمني من أبوي...
تكفين يايُمه...
خليها هالمرة تسيل.



تحياتي للجميع
أخوكم
بحر المعاني

.................

...


اختيار موفق لقصيدة رائعة وكلمات معبرة ومؤثرة



شكراً لذوقك الرفيع



كلك ذوق



...

بسم الله الرحمن الرحيم

بحر المعاني

السلام عليكم ورحمة الله وبركاته


بيض الله وجهك على هذه المشاركه
وعلى هذا المنقووووووووول الرائع

بارك الله فيك وفي جهودك
والله يعطيك الصحه والعافيه

اخوك
حسام الشعر

الغاااالي بحر المعااااني


سلمت يدااااك


اختيار ولا اروع


قصيدة راااااائعة


كروعة حضووورك


شرفت (صاحب السمو)


تقبل تحياااتي

الله الله الله

اختيار راااااااائع

تسلم يمناك .. بحر المعاني ..
.



.

شكراااا أخوي بحر المعاني على منقولك الرائع


حقيقة ماقصرت


تمنياتي لك بالتوفيق دائمااااااا



تحياتي
الفارس