يـا الله يـا وهـاب يـا رب الأرباب =يـا مـوجـدٍ طـب الـقلوب العليله
يـا خـالق الأفلاك يا محصي الأملاك =تـكـف شـر الـنـاس حالٍ وحيله
وتـرحـم فقيرٍ ذاب قلبه ولا تاب =وتـبـدل الـسـيـات يا الله فضيله
أنـا فـقـيـر أعـمـال والقلب ميال =قـلـبـي ضـعيف ولا يشيل الثقيله
الـذنـب يـا كـثـره وعـثر بعثره =لـكـن مـا نـي نـاسي الله واخيله
امـشي مع الشارع واشوف المصارع =واغـض طـرفـي لكن الوضع عيله
احـيان اشوف الناس ما فيهم احساس = واحـيـان اقـول الرجل يسوى قبيله
عـنـونـت لـي اكتاب عنوان جذاب =وجـلـست اعدد فيه واعرف حصيله
عـددت مـا قـدمت واقبلت واخرت =ولـقـيـت نـفسي حادرٍ مع مسيله
لانـي مـع اهل الحلم والحكم والعلم =ولانـي مـع الـدجـه ولانـي هبيله
احـيـان اقـول امسيت واحيان ياليت =واحـيـان اقـول اني رقيت الطويله
احـس نـفـسي فوق واقول مطفوق =واقـول لا عـادي خـيـال ومخيله
أنـا مـع اهـل الجود والحبل ممدود =اعـرف اسـلوم اهل الوجيه الجميله
الـطـيـب قـدمـته وعندي ثمرته =مـا دام راسـي حـي مـا هي قليله
لا جـانـي الـلافـي وهو كان حافي =يـمـشـي عـزيـز ولا نرده ذليله
الـنـاس فـيـهم حال والمال هطال =الـمـال مـا يـبغى المخازن تشيله
الله عـطـاك الـخير وانته معه غير =تـظـن مـا لـك جـاك فـكرٍ وحيله
مـسـكـين يا غاوي علومك بلاوي =مـا كـل رجـالٍ يـوصـف دلـيله
بـعـض العرب لا جاك قال الله اغواك =يـخـلـفك عن درب السنع والوسيله
يـجـيـب لـك معذار مع فكرته سار =غـاوي ولا احـبـه عـسـاه الغليله
ما يعرف المعروف يمشي على الشوف =نـفـسـه تقوده والسنع ما يجي له
تـرى الـرجـال افعال يا طيب الفال =لا تـنـكـر الـمـعروف والله وكيله
لـلـه اقـدم خـيـر لا غـير لا غير =الـنـاس مـا تـرحـم اعلومٍ فشيله
امـشي مع اهل الطيب ما نذكر العيب =الـعـيـب عـند اللي يطوي صميله
عـلـمي مع البرهان والرجل عنوان =ورجـلٍ بـلا عـنوان ضايع حصيله
إن كـان مـا جاء خير يا طير يا طير =اكـفـخ بـجـنـحانك ورزقك تجيله
لا تـنـسدح وتقول رزقي على طول =يـا تـي وانـا نايم .. اعلومك هبيله
هـذا كـلامـي لـيش مدري علامي =قـلـتـه وانـا عـيني بدمعي كحيله
كـلـمـه عـلى الخاطر بعدها قناطر =خـواطـر تـسـرح والاخرى دخيله
وصـلاة ربـي دوم مـا طار ويحوم =طـيـر الـقـميري يوم يصدح هديله
عـلـى نـبـي الـدين عد الملايين =شـفـيـعـنـا صـلو عليه الف ليله
تـرى الـرجـال افعال يا طيب الفال =لا تـنـكـر الـمـعروف والله وكيله
لـلـه اقـدم خـيـر لا غـير لا غير =الـنـاس مـا تـرحـم اعلومٍ فشيله
امـشي مع اهل الطيب ما نذكر العيب =الـعـيـب عـند اللي يطوي صميله
عـلـمي مع البرهان والرجل عنوان =ورجـلٍ بـلا عـنوان ضايع حصيله
وعليكم السلام ورحمة الله وبركاته
أستاذي القدير ( أبو إبراهيم )
هلا والله آآآلف رحب فيك
قصيدة ثمنها تجسده كل كلمة وحرف من كلماتها التي أحتوت على ما يخطر ببيال شاعرها وحكم وأمثال
لا تقدر بمال وتوجيه ونصح لا تعيه سوى القلوب التي تقدر وتدرك معانيه.
قصيد شامله ومعبره .... مدرسه يتعلم منها من لم يعرف ما تهدف إليه من معاني ساميه.
لاهنت أخوي الحسام وبيض الله وجهك على هذه الراقيه
وصح لسانك مليون ولا يكفون وسلمت يمناك
لاعدمناك ولا عدمنا إبداعك المعهود وتألقك الذي لا يستغرب