%% ياسعود %%

**شروق الوئام** ● · 11 / 12 / 2005, 06 : 08 PM

مجموعة قصايد كتبتها سمو الاميره البندري بنت عبدالعزيز حفظها الله في رثاء ولدها وفقيدها
االامير سعود بن بندر رحمه الله

1
)( ياسعود )(

يا سعود كل بالشعر قام ينعاك =ويبين أخصالٍ لشخصك حميده
بالعون حنا كنا ما عرفناك =كل يسافر يم دارٍ بعيده
إمنول ياسعود سلواي جمعاك=تشيل عني كل بلوى شديده
أنت رحلت ووالي العرش ناداك =عساه لك مشتاق صفوة عبيده
عساه يوم الحشر ياسعود يرعاك=يثقل موازينك ولأجرك يزيده
واليوم أنا ياسعود سلواي طرياك =أتابع اخبارك بوسط الجريده

2
)( الدمع غار )(
-
ليت المنايا وقفت عنك ياسعود =خلتك لين أوريتني في ضريحي
ياليتني حطيت انا عنك بالعود =وانت معافا ياوليفي صحيحي
أنت الصديق الصادق الود ياسعود =وأنت الطبيب لقلبي اللي جريحي
أنا أشهد أني عقب فرقاك مقرود =ما أنلام أنا لوكان أصفق وأصيحي
والله لصيحك لين اجاورك ياسعود =الله يجعل جنب قبرك مطيحي
الدمع غار وجفت العين ياسعود =والقلب ينحب والجوارح تصيحي

3
)( ياعزوتي ليه ؟! )(

اللي رحل عني بلحظه وأنا أرجيه =وأدعي بعال الصوت مالي مجيبي
لو ينفدا بالروح والله لفديه =أفديه باللي لي بعيد وقريبي
كل يداواي جرحه اللي سطى فيه =وأنا جروحي كاميه ماتطيبي
ياسعود عني رحت ياعزوتي ليه؟=خليتني ياسعود قلبي صويبي
أمشي مع المخلوق واللي بي أخفيه =واسهر طوال الليل وانحب نحيبي

4
)( جرحي على سعود )(

إن جيت للبيت قام الفكر يلعب بي =وان رحت للخرج صاب القلب ولوالي
ماعاد أميز واعرف الجد واللعبي =غديت مثل الخلوج أمشي على فالي
ياسعود هذي تدابير الوالي ربي =والعبد ماله عن اللي دبر الوالي
جرحي على سعود ماينفع به الطبي =وشلون أبسلي وهو دايم على بالي
أحس صوته يناديني وأنا ألبي =يقول يالغاليه تراي انا الغالي
وشلون أبنساك وانته ساكنٍ قلبي =إنته حبيبي وزولك دايم قبالي

5
)( لين اجتمعتو )(

لين اجتمعتو لدت العين لسعود =قامت تلفت وين قرة نظرها
وين الكريم اللي سلك سكة الجود =كم واحدٍ نفسه كسيره جبرها
أضحك وانا قلبي من الحزن ملهود=وأغضى وأذل العين تنثر دررها
رضيت بالمقسوم وأيامي السود =وكتمت نيران تطاير شررها
أبي رضا ربٍ كريمٍ وماجود =علام مافي برها مع بحرها
لعل يجمعني بهم خير معبود =في جنة الفردوس نقطف ثمرها

6
)( يافهد )(

كل ماقلت أبا اسلى زاد قلبي جروح =قام يصفق خفوقي مثل صفق الهوى
أتصبر ودمعي بالذي بي يبوح =لوبغى القلب ينسى يافهد ماقوى
بالنهار أتجمل والصدر به يفوح =مثل بركان يغلي بانفجاره نوى
لي ضوى الليل أصلي عند ربي وأنوح =مثل مقروص الأفعى لي صرخ والتوى
عقب مظنون عيني يافهد وين أروح =ليتني مت قبله أوقضينا سوى

7
)( أصفق عليك الكف )(

أصفق عليك الكف ياسعود وانوح =مثل الخلوج اللي تردا جهدها
تثور من حزن يجوح الحشى جوح =وقل الجهد ما تنثني منه يدها
طاحت عقب ماقوموها على لوح =خلوج طاول سقمها من ولدها
مثلي وانا حزني على لبة الروح =جدد على النفس الحزينه نكدها

8
)( ليتني ..)(

من يلوم العين لو هلت دموع =ومن يلوم القلب لو صفق وصاح
لي جبيبٍ راح ماطرى الرجوع =ليتني ودعت زوله يوم راح
آه من قلبٍ كفخ بين الضلوع =مثل كفخ الطير مكسو الجناح
ليتني وسط الخلا وأعطش واجوع =ولاسمعت اللي نعى هالك الصباح
ساهرة ياسعود والعالم هجوع =ليت منهو مات قبلك واستراح

اي ابيات اعذب واصدق من ابيات نطق بها لسان ام لولدها

**wafei** ● · 11 / 12 / 2005, 28 : 08 PM

..............

...

مقتطفات رائعه
لكلمات تستمطر العيون

رحم الله موتى المسلمين
وألهم اهلهم وذويهم الصبر والسلوان

وآآآآآآآآآه آآآآآآآه
ويانعمة النسيان

شكراً لذوقك الرفيع

كلك ذوق

...

**السعيد2** ● · 11 / 12 / 2005, 54 : 08 PM

أختي شروق
لن نجد أصدق من دمعة الأم على ولدها
وما أصدقها عندما تتحول شعرا يلامس القلوب
وليس لنا إلا الدعاء للفقيد بالرحمة والمغفرة ولذويه بالصبر والسلوان
ولك أنت أختي شروق بأن يبقيك لنا باقة من الإبداع
وأن يديم عليك الصحة والعافية

**شروق الوئام** ● · 12 / 12 / 2005, 57 : 07 PM

سيدي وافــــــي:
شكرا لمرورك وردك الندي

اقتباس:

رحم الله موتى المسلمين
وألهم اهلهم وذويهم الصبر والسلوان

اميــــــــــــــــــن

**شروق الوئام** ● · 12 / 12 / 2005, 58 : 07 PM

اخـــــــي السعيد:

اقتباس:

لن نجد أصدق من دمعة الأم على ولدها
وما أصدقها عندما تتحول شعرا يلامس القلوب

لم اجد اضافه ولا كلمات اضيفها بالرد عليك...اجمل من كلماتك..
شكرا لك ولمرورك

**al_samer** ● · 12 / 12 / 2005, 13 : 09 PM

سلمت يداكي شرووق

الله يرحم آمواات المسلمين

مشكووووره

**شروق الوئام** ● · 12 / 12 / 2005, 38 : 09 PM

فارس:
الله يسلمك..
واميــن الله يرحم اموات المسلمين

**عازف الناي** ● · 14 / 12 / 2005, 29 : 01 AM

الأخت الغالية ( شروووق )
أسعد الله أيامك بطاعته ورضاه
أختيارك لايضاهيه روعة وتميز سوى الهدف والتذكير بما ينتظرنا جميعاً
يعطيك ربي الصحه والعافية
والله يرحمنا ويرحم أمواتنا وأموات المسلمين جميعاً ويختم لنا بالعمل الصالح
وهذه هي سنة الله في خلقه حثُ جعل لكلٍ منهم أجل مسمى ينتظره لايعلمهُ إلا هو سبحانه وتعالى
وفقد الإنسان لعزيزٍ عليه يؤلمه ويحزنه ولكن الإيمان بالقدر خيره وشره هو المهم والأهم
وما الرثاء إلا تعبيراً عن مكانة الفقيد لدى من فقده.
مشاركة هادفه ورااائعه كما عودتنا شروووق دائماً
لاعدمناك ولاعدمنا إبداعك وجزاك الله خير
وآآآلف شكر وتقدير
وتقبلي خالص تقديري وأحترامي؛

**شروق الوئام** ● · 14 / 12 / 2005, 13 : 02 AM

عـــــــــــــــــازف اوتار القصيــــــــــــد هنـــــــــــا يامرحبـــــــــــــا يامرحبــــــــــــــا..
يقولون من طول الغيبات جاب الغنايم...
تبي توهقه<<<<
اسعــــــــــد اللـــــــــه ايامــــــــك ولياليــــــــــــــــك يااخـــــــــــي الكريــــــــــــم..والشكـــــــــــــر موصــــــــــول لك ولحضــــــــــورك ولــــــــردك الراقــــــــي المتمــــــــيز كما عهدنـــــــــــاه وعهدنـــــــــــاك..

اقتباس:

ولكن الإيمان بالقدر خيره وشره هو المهم والأهم
وما الرثاء إلا تعبيراً عن مكانة الفقيد لدى من فقده.

صدقـــــــــــــــت..

**الليدي عمشا** ● · 14 / 12 / 2005, 08 : 09 AM

شرووووووووووووووووق

اسعد الله صباحك

سلمت يمينك ياغاليه على هالاختيار

كلك ذوووووق

وصح لسان الاميره البندري

نسأل الله ان يجبر و يهون مصائب المسلمين وان يغفر لموتاهم

لاعدمنااااااااااااااااااااك

تحياااااااااااااااتي