لعنبو قصة غرامٍ كلبوها كلمتين

لعنبو قصة غرام ٍ كل ابوها ,, كلمتين =ابتدينا عند ( احبك ) وانتهينا عند باي
تونا ماقد مشينا في الهوى -- لو خطوتين = وانتهى الموضوع فجأة حتى مدري وش خطاي
انتهى الموضوع.. هيك ؟ بكل سهوله تحكمين =وين احبك ؟ وين اريدك ؟ وين ساكن في حشاي ؟
يمكن انك ما وفيتي يوم جيتي تعشقين =ويمكن انك تحسبيني بتبعك من دون راي
ويمكن اصلا ما عشقتي ,, بس كنتي تلعبين=ويمكن انك ما وصلتي ’’ في هواك ... لمستواي
ويمكن اني ماعرفتك .. في الحقيقه ’’ وش تبين =ويمكن اني -خنت نفسي .. يوم اعطيتك وفاي
علميني : في الهوى _ ياجاهله _ وش تعرفين --؟=تعرفين انك غديتي ( شي ) يجري في دماي
علميني : في العطا والتضحيه --- وش تفهمين ؟؟=لعنبو حيّك عشانك ’’’’ سبت اقرب اقرباي
كنت احطك في عيوني تسرحين وتمرحين =كنت اشيل هموم قلبك ,, وارمي همومي وراي
كنت اطير من السعاده -- يوم اشوفك – تضحكين=كنت ذايب في هواكي مثل ,, سكر وسط ماي
كنت نايم في العسل وارسم من الفرحه ,, سنين =كنت اظنك --قلب عاشق ما سكن وسطه سواي
ما وعيت الا وأنتي في خفوقي ’’’’ تطعنين =ما وعيت الا- وسيفك ,,, في الحشا رايح وجاي
ورده..اي والله ورده ,,,, بس عرفتي تجرحين=كل شي فيني جريح الاااااااا فخامة كبرياي
ما تأثرت بغيابك ويش يعني دمعتين ؟؟=بكره انسى صدقيني وارجع بكامل قواي
ادري ان حنا افترقنا بس ,, ابفهم حاجتين=علميني وش كسبتي ؟ وعلميني ’’ وش خطاي "
اصلا الموضوع كله ما تعدى كلمتين =التقينا عند ( احبك )!!!!,, وافترقنا عند ( باي)!!!!

انشالله تعجبكم واسمحوا لي على القصور

و اللي يعرف شااااعرهاااا يعلمنا

سلمت الايادي الليدي

قصيده جميله

والشاعر مانيب اعرفه

تحياااتي

محمد السبيعي

السلام عليكم ورحمة الله وبركاته


قصيده رائعه صح لسان الشاعر


وسلمت يد الناقل



وشكرا ليدي عمشا

السلام عليكم ورحمة الله وبركاته
الأخـت الرااائعه ( اللـيدي عمشا )
أسعد الله أيامك بطاعته ورضاه
دائماً تتميزين من خلال مشاركاتك الرااقية
إختيار راائع وقصيدة جميلة ومعبرة بنفس الوقت عن أغلبية أحباب هذا الزمن
مبدعه وذواقه في أختياراتك الجميلة
أختي الكريمة والله ما أعرف قائل القصيدة ولكن من خلال البحث توصلت إلى هذا الأسم الذي تبينه الصورة

ووجدت العديد من المنتديات ولكن منها الذي يطلب التسجيل ومنها المغلق للصيانه وهاكذا
على كل الأحوال تمتعنا بقراءة منقولك المميز وأعجبنا بمحتواه
صح لسان قايلها
وسلمت يمناك ولاعدمناك يالليدي عمشا
لاهنتي ووفقك ربي واسعدك
وتقبلي خالص تحياتي وتقديري؛؛

ورده..اي والله ورده ,,,, بس عرفتـي تجرحيـن
كل شي فينـي جريـح الاااااااا فخامـة كبريـاي

مـا تأثـرت بغيابـك ويـش يعنـي دمعتيـن ؟؟
بكـره انسـى صدقينـي وارجـع بكامـل قـواي



اللللللللللللللله ... سجلي اعجابي ياليدينا

دائماً مشاركاتك مميزه ياوئاميه

لاعدمناك.

الليدي عمشا

روووعه x روووعه x روووعه

صح لسان الشاعر

وتسلم يمنااااك

اختيار رائع ليدي عمشا
الله يعطيك العافية

بسم الله الرحمن الرحيم

الليدي عمشا

تسلمين على هالذوق الرائع

قصيدة اعجبتني كثير

وبالنسبة لقائلها مااعرفه

لكن الاسلوب شبيه جداً لأسلوب حامد زيد

والله العالم

على العموم الف شكر لك

.

الليدي عمشى..
منغوووووووووومه رااااائعه تلك القصيده..كلماتها سهله خفيفه...
وان كان شاعرها مجهول الهويه لكن القصيده اتت لتثبت هويتها..
اعجبتني فعلا عند قرائتها لاول وهله..
و قد قرأتها قبل ان اطلع على موضوعك هذا..
سجلي اعجابي بالقصيده..وبااختيارك..

اختك.
شروووق

الاعزاء

محمد السبيعي ، غريب ، عازف الناي ، حالمه ، سديم ، لولوه الغامدي ، جنان ، وشروق

اسعد الله جميع اوقاتكم بطاعته

مروركم وتعقيبكم اسعدني كثيرااااا

وزاد من جمال القصيده تواجدكم الاجمل

التمس منكم العذر لتأخري في الرد


تحياااااتي للجميع