اخواتي واخواتي السلام عليكم ورحمة الله وبركااته
واسعد الله اوقاتكم بكل خيرر
يبدو ان عدوى التخاريف قد انتقلت اليّ!!
هذه تخاريف لم تكتمل!!
اعذروني على التقصير!!
واعذروني على الغيااب!!
فأنتم خير من يقدر الظروووف
..
.......
الصباح اللي فقد ذاك الترف=طال وقته يالهنوف المترفه
ماشكتك الا العيون اللي عرف=دمعها معنى الليالي المقرفه
وماشكاك إلا فؤادٍ قد شرف=يوم حبّك والأماني تجرفه
حتى اصبح في غرامك منجرف=وأنت تدري بالغرام وتعرفه
وتدري إن الدمع بغيابك ذرف=والسبب آهه بقلبي مسرفه
فرحتي ماتت وصداتك قرف=وضحكتي حلمٍ عيوني تذرفه
بس لو أدري علامك تنحرف=عن مسارٍ ماهقيتك تحرفه
.......
الحب ياصاحبي الوافي=ماهوب كلمه وننطقها
الحب نبع الغلا الصافي=وروحٍ مع الوقت نعشقها
الحب ثوب الهوى الضافي=ورسمه جميله ننسقها
هذا هو الحب ياوافي=إرسم حدوده ووثّقها
......
انا ماهمني حزني ولو وقتي غدى شاحب =انا حزني غدى مني غدى واحد من اصحابي
انا ماعكر اجوائي سوى من عدني صاحب=رفيقٍ انكشف كذبه وصار اليوم كذّابي
الا ياشين ضيقٍ جا مع الطعنات متصاحب=تخاوو ضدي وقامت هموم الوقت تثعابي
من الضيقه يضيق اليوم فيني هالفضا الراحب=واحس بخافقي ضوٍ من الحرقه تصلاّبي
.....
ياتل قلبي ياحمد من عروقه=تل الرشا دلوٍ ثقيل العراوي
وياويل نفسٍ بالعذاب مخنوقه=ذاقت من الفرقا هموم وبلاوي
على الذي روحي لشوفه شفوقه=باول شهر هجري تركني خلاوي
ياكبر ذنبه يوم قفّى وشوقه=داخل فؤادي صادحٍ بالغناوي
وياكبر جرحه يوم بيّن عقوقه=انكر هوى قلبٍ بحبه نقاوي
ابوعيونٍ ناعساتٍ سروقه=تسرق بنظرتها فؤاد الهواوي
......
والله إن البعد يالغالي صعيب=لاحصل فجأه يودي للعذاب
والجفا بعد الغلا جرحه رهيب=والعنا بعد الفرح هم وصواب
والحبايب جرحهم دايم عطيب=ماتفيد ابه الأداوي لو تجاب
والعزى للي سواتي مايثيب=مايخفّفه العزى كبر المصاب
انتظر ترجع تداوي ياطبيب=جرحك اللي بالهوى زاد التهاب
وانتبه لاجيت ياخلي تغيب=قلبي المجروح مايقوى الغياب
....
والله إني من غيابك في قلق=والليالي في فراقك مقلقه
والفؤاد اللي يحبك منغلق=صك بابه والمحاني مغلقه
وطير شوقي لأجل شوفك منطلق=وماخذ بقلبي بطوله مطلقه
الغلا كنّه لغيرك ماانخلق=جل ربٍ يمّ غيرك ماخلقه
عطّره وقتي تباشير وألق=علقه في جو حبك علقه
ولاتخلي دمع عيني يندلق=وكاس حبي انتبه لاتدلقه
خل قلبي في حياتك معتلق=وطالبك ياصاحبي لاتطلقه
والصباح اللي بجبينك منفلق=اذكره ربٍ عظيمٍ يفلقه