شوفو (((رهين العذاب))) شو سوى !!؟؟؟

بسم الله الرحمن الرحيم

رهين العذاب

السلام عليكم ورحمة الله وبركاته

استقبل بريدي الخاص هذا اليوم ابيات رائعه
وفيها عتب لطيف بشأن حذف قصيده
أو اختفاءها
وفي اعتقادي أن اختفاء القصيده بشأن
بعض التعديلات على المنتدى

يقول رهين العذاب

ياحسام انا كثرت علي المشاريه=من شاعرٍ قرمٍ كريمٍ سنافي
افرح الا من حل بالقلب طاريه=وافرح الى غنى بزين القوافي
جبته لكم كني لك الله شاريه=بالطيب غالبني وبالشعر وافي
والرجل تعرف يالمطيري مواريه=رجلٍ عريب ومن قرومٍ نظافي
جبت القصيدة ودي اني اجاريه=لكنها حذفت ولا هي تشافي
هات الخبر ياعلنا اليوم نرضيه=قدام لا نطلب فريق المطافي

وقد حاولت ان اجاريه
ببعض ما عندي وانتم
تعلمون أنني شاعر مبتديء
ومن الصعب ان اجاري
شعراء الوئام لكن الجود
من الموجود

يقول الحسام

هذا البحر لا هاج ما احدٍ يماديه = والبحر له مينا وفيه المرافي
إن كان ما تسبح تمتع بشاطيه = شط البحر يغنيك خل السوافي
رهين دوك العلم قاصي ودانيه = والعذر لله ثم للقرم ضافي
ما شفت انا اللي قلت والحق نبديه = والحق ما يهفيه غير الهوافي
المشكله واقول ما فيه ما فيه = يمكن من التنظيم حل الخلافي
وافي سهر ليله عسى الله يخليه = وايضا الشفاء ما نام خلا اللحافي
هذا العذر وابشر وخاطرك نرضيه = والحرف عيده والنتيجه عوافي

"""""""""""

وش نقول وش نخلي
الشاعر المحبوب رهين العذاب
يتشره بان له قصيده حذفت
وهذا لن ولا ولم يصير ابدا
والحسااااام رد عليه بأروع الرود

صحت السنتكم جميعااا ايهاا الموهوبين
على العموم اخي رهين العذاب ان كان الكلام جدي
فصدقني ان هذا لم يحدث ابدا .

ولكن يبدو ان هناك خلل ٍ ما حدث.
وعليك التأكد من ذلك

تحياتي لكما جميعااا


السيف

لا.......لا.......لا..........لا..........لا

ومليون لا

ابو ابراهيم ما صار بريدك الخاص هذا!!!!!

الله لا يجزاك الا بكل خير

احرجتني وش يقولون عني اعضاء الوئام

اكيد بيقولون هذا ما عنده الا المطالب

لكن تدري ابسامحك هذي المره بس بشرط

لا تجيب اللي على المسنجر
ههههههههههههههههههه

والله ماادري وش اقول بس ابطلبك حق عند السيف

تولم وجيب لك كفيل ولزيم

لك مني كل الحب

بسم الله الرحمن الرحيم

رهين العذاب

السلام عليكم ورحمة الله وبركاته

هلا والله وغلا فيك اخي الفاضل

شوف اللي على الماسنجر ما راح اجيبها

تكفي اللي على البريد الخاص ..

وبعدين انا لي طلب ..


ايوه طلب






كلش





ولا





السيف




تكفى






دور غيره





هذا يدور علي اي شيء





كيف وعاد جاه واحد من عوانيه




والله ما يقطع راسه سيفين





وبعدين السيف ما تنفع فيه الواسطه





يا حليلك يا رهين العذاب





والله ثم والله



تطلب حق عند السيف غير يعطيك الحق وافي وكافي


هذا السيف اسم على مسمى


ويا حبني لكم ............. كثروا من الملاحظات والشكاوي


ترى المنتديات ما يحليها غير الخروج عن المألوف في حدود


خروجنا هذا .


تقديري واحترامي


الحسام

.........

...



ماشاء الله تبارك الله

الاخ رهين العذاب
لتساؤله بهذه الطريقة دلالة على خلقه الرفيع وصدق اخوته واحترامه للاخرين
وللمكان الذي جمعه بهم
والاخ الحسام ظهر من رده الاهتمام المتمثل في مضمون رده اولاً وفي طرح الموضوع ثانياً
ولاازيد على ماقاله الاخوان الحسام والسيف حول تساؤل الاخ رهين العذاب
مع الشكر لشاعرينا المبدعين
رهين العذاب والحسام


تحياتي


...

اخي الغالي السيف اسعد الله ايامك بطاعته

ما اقول الا حسبي الله ونعم الوكيل

على ابو ابراهيم

الاصول ما كدا ابداً

ارسلتا ليهوو على الخاص

قام نشرها هنا

الزول دا داير ليهو محاكمه

آآآآآي هو زول سمح وحبوب

بس ما يعمل فينا كدا

( سامحني توي جاي من عند الذود واثروا علي الربع)

الموضوع يابو نسب بسيط جداً وانا عارف إنه من المنتدى

لكن وش نسوي بحساموه ياحلالاه ياقضبته

وتراي داخل على الله ثم عليك بالحق يابن الاجواد

تكفى سنايدي يا سنايدي

اخي الغالي الوافي

اسعد الله ايامك بطاعته

والله إنك وافي على اسمك

وانا والله لا يساورني ادنى شك

في ان السبب كان فني

لكن حبيت اداعب الحسام

واخونا ما صدق خبر

ولكن والله إن يبرك للحق عند السيف

ما فيها وفيها

تقبل تحياتي وتقديري

لك مني كل الحب

.........


أبو ابراهيم
سنايدي انت ايو الله
يوم بينت لنا الدرر المنثور هنا
اللي بعض الناس ناوي يخفيها :D

صح لسانك ملايين
وصح لسان رهين

صدا جميل ورائع لصوت رائع أيضا
لاهنتمــــــا

الرسالــــــة الأصلية كتبت بواسطة رهين العذاب

ــــــــــــــ

الزول دا داير ليهو محاكمه

آآآآآي هو زول سمح وحبوب

بس ما يعمل فينا كدا

( سامحني توي جاي من عند الذود واثروا علي الربع)

ــــــــــــــ

هههههههههههه
الذود ؟؟؟؟؟؟؟

والله انك تصلح لي يا ولد:D

رهين

صح لسانك لو انك ما نويت توريناها مير
انت تريد وانا اريد والله يفعل ما يريد ...


تحياتي للجميع

الاخ الغالي ابو تركي

اشوف كن حساااموه معجبك بسواته ذي!!!

انا ياغالي لانها دون المستوى المطلوب

ما نزلتها في المنتدى

لكن تدري حصل الحاصل

والغلطان ما هو الحسام

الغلطان انا اللي ارسله رساله خاصه

بعدين اظنك بدوي مثلي

واعجبك قولي (الذود)

سنايدي انت اخو شده

لك مني كل الحب

	الرّسالة الأصليّة كتبت بواسطة wafei ......... ... ماشاء الله تبارك الله الاخ رهين العذاب لتساؤله بهذه الطريقة دلالة على خلقه الرفيع وصدق اخوته واحترامه للاخرين وللمكان الذي جمعه بهم والاخ الحسام ظهر من رده الاهتمام المتمثل في مضمون رده اولاً وفي طرح الموضوع ثانياً ولاازيد على ماقاله الاخوان الحسام والسيف حول تساؤل الاخ رهين العذاب مع الشكر لشاعرينا المبدعين رهين العذاب والحسام تحياتي ...

صح لسانكم جميع

وليعذرني وافي على اقتباس الرد

تحياتي