اعذروا وافي على ازعاجه !!!!!!

[c]هذي القصيدة طبيت فيها [/c] [c]بالصدفة على طريقي[/c] [c]في أوائل المنتدى [/c] [c]كانت بتهرب مني [/c] [c]لكن بحكم إني المحارب [/c] [c]سيطرت عليها وجبتها لكم مثلما هي [/c] [c]لا عدلت ولا بدلت [/c] [c]تفضلوا [/c] [c]وتقبلوا تحياتي [/c] [c]واعذروا الوافي على ازعاجه [/c] [c]____________[/c] [poet font="Simplified Arabic,14,black,normal,normal" bkcolor="" bkimage="" border="double,4,gray" type=0 line=200% align=center use=sp char="" num="0,black"]

ان كان مالك بقلبي يالغضي حاجه=رده ويمكن يجي له شخص محتاجي
رده بجرحه ومتنازل عن علاجه =وعسى الزمن لي كفيل ببلسم علاجي
مادام شرع الهوى ضيعت منهاجه = وش هو له اتعب ونهجك عكس منهاجي
يالصاحب اللي تذوب الشمس بحجاجه = لاوالله الا قتلت لضحكة حجاجي
حبك بروحي سرى في ليل معراجه = وامضى بدمي على ميثاق معراجي
واصبحت قلبي عليكم زايد خلاجه = وامسيت كلي حنين وشوق وخلاجي
وقمت اتقلب مثل بن على صاجه = صبر وصبره نفد ثم اقلق الصاجي
من بعد ماكنت نور القلب وسراجه = اليوم اقول أمس كان لقلبي سراجي
اليا اقبل الليل همي جهز افواجه = واليا انهزم فوج تاخذ ثاره افواجي
في بحر حزني غريق اصارع امواجه = اشهق وارد الزفير بغبة امواجي
والرجل صارت مع الخليان دواجه = يالين سموني العربان دواجي
يامن هو اللي لنفسه دور احراجه = مثلي من اجلك وضعت النفس باحراجي
كان انت صدقت فيني هرج هراجه = انا الذي ماسمع بك هرج هراجي
ترى صحيح البخاري غير ابن ماجه = والملح لو زاد نعرف نكهة الماجي
عزااه ياقلب ضيع درب مخراجه = ضيعتني قبل اعرف لدرب مخراجي
العيد قرب وكل ينظر افراجه = وانا الذي مانوى المحبوب لافراجي
ياخيبة الحظ لامن عاد بادراجه = وعودت مكسور خاطر تايه ادراجي
طولتها واعذروا وافي على ازعاجه = والمعذرة ياوليف الروح لازعاجي







[/poet]

[c]...............

.....


لا لا لا
المرة هذي اعذروا المحارب على ازعاجه

انا مرة وحده وطلبت منكم العذر
اما المحارب يزعجكم ويقول اعذروا وافي
هذا ظلم ولهذا احتج وباعلى الصوت اقول لكم
العـــــــــــــدالة مفقــــــــــــودة
الازعاج مو مني انا

وحيجي لك يوم يالمحااااااارب



الله يسلمك المحارب
انت عاد اعذرني لهالتخاااريف
وهم يعذروك على الازعااج
مااشي ياقمر
؟


الف شكر المحارب
وروعة القصيدة يكمن في اختيارك لها
فطالما انها نالت رضى المحارب واستحسانه
ساكون راضٍ عنها



سلمت

كلك ذوق


...

[/c]

الأخ العزيز .. المحارب ..
تسلم على هالأختيار الرائع .. للأستاذنا العزيز ..وافي ..

واسمح لي اتعدى على حقوق موضوعك .. و انشر احد قصائد الأستاذ وافي .. .. وبـ المره ننشر اغلب قصايده لتذكير بها .. ..




[poet font="Simplified Arabic,14,black,normal,normal" bkcolor="" bkimage="" border="groove,6,burlywood" type=0 line=200% align=center use=sp char="" num="0,burlywood"]



يـــارب


لاوالله الا حل وقت المعاناة

وصارت جروح اول على جروح تالي


لاوالله الا كل شيء فقدناه

لامكـــسب باقــــي ولا راس مــالي


لاوالله الا راحة القلب تجفاه

وعزي لــمن حـــاله غـدت مثل حالي


لاوالله الا الهم بالحال يبراه

احــتل حالي واودع الحــال بـــالي


لا والله الا كل دمع نثرناه

وطــال الـــعذاب وجاير الوقت طالي


ياللي تشرفني وللخط تقراه

دعواتـــكم والله ســـميع الســـــؤالي


يالله عجل بالفرج والمواساة

للي شكى غدر الزمن واللـــيالي



وافـــــــي
[/poet]

[c]رووووووووووووووووووعه..

بصراحه قراتها 3 مراااااات ..

وعازمه الوالد علشان يقراها معي ..

ارق تحياتي ..[/c]

عزيزي المحارب
كلمات جميلة وقصيدة رائعة
وتسلم على هذا الإختيار الرائـــــــــــع

المحارب هلا ومرحبا

عاذرينه يالمحارب لا تحمل هم

اختيار جميل محمّل بالمعاناة

المعهودة من صاحبها

المحارب .. تقبل مني كل الشكر والتقدير ,,,

إخواني وأخواتي الكرام

أشكر لكم حضوركم ، وأشكر لكم إطراءكم الجميل

والنابع من جمال أرواحكم .. وبإسمي وإسمكم

أشكر حبيبنا ومديرنا ( الوافي ) على ما يبذله من مجهودات موفقة

بإذن الله .. وعل هذه الرائعة ..

سأخصص من وقتي لكم في البحث عن الماضي العزيز لأسرة

الوئام ، سآخذهم واحدا واحدا واضعهم بما سطروه من حروف ذهبية

أما أعينكم لتروا كيف كانوا ، وماذا قالوا في سماء الإعجاب

تقبلوا جميعا ارق تحياتي

لله درك يالمحارب

عن جد قصيده تستاهل ان تحط حواليها اطار من ذهب


رائعه من مديرنا


تحياتي إلكم

........

...


الف شكر المحارب

الف شكر سديم


الف شكر لكل من شرف الموضوع

منكم الابداع واليكم


واعذروا وافي على ازعاجه


تحياتي ...

ههههههههه
قال يعني وافينا سوى لة مخرج
المحارب تعال ابيك تكسر الفنجال وتلحم الدلة وتقدع سكري
بس يشرط ابي اعرف مكان البير اللي تغرف منة قصائد الوافي اقصد
تخاريفة زي ما يحب يسميها وخلني انا وانت نجلس نخرف عليها الين
تقضي الدلة لانة بصراحة قصيدة جميلة ورائعة وحزينة على ذوق الوافي
لا تتأخر محاربوة
تسلم على الاختيار ويسلم من قالها
تحياتي