خلّوها

28 / 05 / 2002, 06 : 12 AM

يامرحبا ترحيبة مثل المطر = تشمل على اهل المنتدى ورجالها
والمشرفين وكل عضو تشمله=واللي عقد روس الحبال يحلها
ضيف جديد وساكن بشاطي البحر = يبغى يسولف والسوالف قالها
قبلي رجالٍ قالت العز لهله = واللي عقد روس الحبال يحلها

28 / 05 / 2002, 13 : 02 AM

الله الله يالجهني
مبدع والله واللي عقد روس الحبال يحلها
مشكور اخوي وسلامك ارسلتة من قلبك تراة وصل قلبي
هدية رائعة ومقبولة على العين والراس

تسلم يالجهني اخو وعزيز بعد

تقبل تحيات اخوك نمر

28 / 05 / 2002, 29 : 08 AM

تحياتي لأخوي ( الجهني )
لا يغرك .. تراي ما نيب شاعرة جن
مثل السيف والمحارب .. الله يعافيهم
خذ مني مساهماتي على قدي
ويسامحوني اخواني واخواتي على التجاوز
فيه شعراء وشاعرات ابلغ مني
بس انا ودي اتسلى معكم واعيش الحرف الذي عشقته

تفضل الله لا يهينك يالجهني

اهلا هلا ترحيبة تملا السطر=بحروف ولهانه وطيب اقوالها
ارسم هدفنا يازميلي وازهله=واللي عقد روس الحبال يحلها
ترحيبتي تشرق عليكم من قطر=ربعي هل الدوحه ونعم رجالها
ياصاحبي خل العلوم مسهَله=واللي عقد روس الحبال يحلها

28 / 05 / 2002, 35 : 08 AM

يا مرحبا عد المطر بالي حضر = ترحيبة كثر النحل وعيالها
المنتدى يفخر وانته من هله = واللي عقد روس الحبال يحلها
الدار دارك والفخر ثم الفخر = بني جهينه تفتخر برجالها
اكتب قصيدك وارسله ثم ارسله = واللي عقد روس الحبال يحلها

28 / 05 / 2002, 29 : 04 PM

يامرحبا حرف (ن) تجّلى للقمر = ينزف وتحكي كلمتة موالها
والقاف لازم لاتزاحم نمهله = واللي عقد روس الحبال يحلها
قالوا زمان (ن) عندكم نلقى الخبر = صادق وربي بقولته من حالها
من جيت بالقاف الحلو ذا تحمله = واللي عقد روس الحببال يحلها

هلا وغلا بالجهني

واعذرني

اختك

روح

28 / 05 / 2002, 34 : 04 PM

السلام عليكم اخوي نمر 2003

الف شكر على مرورك الكريم

وابداء رأيك

كلك ذوق والله يعطيك العافيه

اخوك / الجهني

28 / 05 / 2002, 59 : 04 PM

هلا ومرحبا بالولهانه

انا لاأستطيع ان اقول انك لست شاعره

لأن ردك هو الجواب

مشكوره على المشاركه

واستلمي لاهنتي

دام البقاء باللي خفا واللي ظهر = واللي قرا واللي كتب مرسالها
بعض العرب مشكورة ومجمّله = واللي عقد روس الحبال يحلها
ياأهل الخليج العصر مايسبق ظهر = شوف المعالي ياصعب منوالها
والخير يطلع لك براس السنبله = واللي عقد روس الحبال يحلها

28 / 05 / 2002, 09 : 05 PM

اهلاً وسهلاً باأخوي السيف 11

الله يعطيك العافيه على المشاركه الحلوه

واستلم اخوي لاهنت

دنياك يالصاحب ترى مد وجزر = والمعركه عنوانها خيالها
واحد يعرف العلم 0 واحد يجهله = واللي عقد روس الحبال يحلها
لو غاب نجم سهيل يطلع لك قمر = لكن شمسك مالقيت بدالها
وان جاك بالتحريم كيف تحلله = واللي عقد روس الحبال يحلها

28 / 05 / 2002, 38 : 05 PM

لاغار شكل الورد من شكل الزهر = يصبح (سفينه) موج يصفق جالها
والقاف باقي ليت كل يقبله = واللي عقد روس الحبال يحلها
انظر لنهر النيل ماغادرمصر = مثل القمم تسكن بروس جبالها
والمرجله ياروح ساس المرجله = واللي عقد روس الحبال يحلها

وتقبلي تحياتي وتقديري

اخوك / الجهني

28 / 05 / 2002, 38 : 05 PM

سقيا الغروس بدارنا ماي النهر=والناس تحلم بالسقا ما طالها
ماي الملوحة يعلم الله ما اقبله=واللي عقد روس الحبال يحلها
ولهانة الدوحة سوالفها فخر=لا شك والدنيا تلف حبالها
خطواتها فوق الضماير زلزله=واللي عقد روس الحبال يحلها

الذين يشاهدون محتوى الموضوع الآن : 1 ( الأعضاء 0 والزوار 1)