في بيتنا خكري

--------------------------------------------------------------------------------
يوم الأحد 12 شعبان 1422هـ الساعة 4.30 عصرا :
صحيت من النوم على صوت الجوال وش ذا الإزعاج
أنا: نعم
المتصل: كيفك حبيبي ؟ وشلونك ؟
أنا: هلا عيوني .. كيف الصحة ؟ بشرني عنك ؟
المتصل: الحمدلله..كلش زين..آسف عالإزعاج شكلي صحيتك من النوم
أنا: لا اش دعوة متعودين على حركاتك..كيف الأهل والأخوان
المتصل: يسلمون عليك..باقي انت بالرياض؟
أنا: لا نقلت الحبشة..وين تبيني أروح الله يهديك؟
المتصل: لا أبد.. بس أنا قلت بتمل وتهج أي ديرةأو تتزوج
أنا: فال الله ولا فالك .. مستريحين كذا
المتصل: أقول مابي أطول عليك وبغيتك في خدمة ويعلم الله إني مستحي منك..لكن ما قصدتك إلا أنا واثق إنك ما تردني خايب
أنا: أبشر والله لو تبي عيوني
المتصل: خل عيونك لك عاد من زينهن(شانت الأخلاق) شف أخوي سامي بيجي الرياض بعد بكرة..وده يقدم في معهد حاسب آلي..وبغيتك تستقبله لا هنت وثاني يوم توديه المطار..وترى رحلته الساعة 6 المغرب
أنا: بس كيف أعرفه؟
المتصل: بيلبس كاب أحمر .. يالله شاو وأنا بدق عليك وقت ثاني باااااااااااااااااااااااي
=================
وبعد ما ولعت سقارتين بديت أصحا {مهوب انا}
مين هذا اللي اتصل علي لا وأخوه بيجيني بعد
وعبثا حاولت أتذكر صوته
أتصل أسأله من انت؟
صعبة..وش بيقول سكران والا سكران؟
والا يمكن يقول يوم درى ان أخوي بيجيه قام يصرف
ويمكن يكون واحد من الجماعة وانا ناسيه والله البلشة
الثلاثاء 14 شعبان 1422 هـ الساعة 5.45 مساء:
في صالة القدوم بمطار الملك خالد بالرياض:
أنا واقف عند البوابة منتظر ذا اللي بيجي
وأقول الحين ان شفته بأعرفه والا بأعرف أخوه وارتاح
واحيان أقول شكله مقلب مسويه واحد من الربع الله ياخذهم أخذ عزيز مقتدر
وأحيان أفكر : ان جا الرجال وين أوديه؟ عندي عيال عمي محمد وعبدالرحمن والشقة صغيرة
لكن هم بيسافرون بكرة .. يعني ليلة وحدة مهيب مشكلة.. يمدحون فندق البطحا
وبينما أنا بين حيص بيص ( لاحد يسأل عن معناها.. والله إني ما أدري) بدأ المسافرون في الخروج من الصالة
وانا أطالع..هاه كاب أحمر..إلا الحين..إلا الحين..هاه والا ذاك الآدمي ماشاء الله تبارك الله وش ذا الزين ؟
أحيانا يحس الواحد إنه تمساح فعلا
وأروح أسأله انت سامي ، ويقول: إيوة ..كويس انك جيت .. لأني ما أعرف شي في الرياض بالمررررررة
أنا صار شكلي كذا من كلامه المكسر ولهجته المايعة
قلت: الله يحييك..هات الشنطة
وابتل للمواقف وهو يحاول يلحقني مهو قادر(طبعا..كيف يقدر يمشي في ذا الجينز الضيق بيتشقق)
ومليون ألف واحد وقفوه : تبي سيارة يالشيخ
مع ان الشنطة في يدي أنا ومع ذلك ماحد سأل فية
ما علينا... وصلنا السيارة قال سامي:
ياي سيارتك كامري لا ومديل قديم 2000
ليه ما تشتري فياقرا والا لكزس؟ اه
أنامن الداخل ومن الخارج لأن أمي حلفت علية أشتري كامري ههههه
وفي الطريق بديت أسأله عن اخوه ( ودي أعرف مين أرسل لي هذي البلوة؟)أخبار أخوك ااااا (ودي يكمل لي الاسم)
سامي: مبسوط يسلم عليك كثير السلام اه (عيا ما يقول اسمه)
أنا: والوالد أخباره؟
سامي : زي الفل يا عمري اه (ودي أعرف سر التنهيدة ذي اللي كل كلمة والثانية )
سامي: والله ما تصدق قد ايش أخوية يعزك ويحبك ودايما يكلمني عنك
أنا: !!!
وهنا خطرت لي فكرة مخيفة الولد جايب معاه شنطة كبيرة جدا .. كم ناوي يجلس عندي؟؟؟؟
============
أنا كنت محرج كيف أقوله انه بينام الليلة في فندق فبديت أمهد للموضوع
الصراحة ماأدري وش أقول لك يا سامي بس الشقة عندي فيها مشكلة الليلة( يا شين الانبراشة)
سامي: كيف يعني؟؟
أنا: يعني فيها أعمال صيانة(والله لو اني ساكن في مصنع)
سامي: والمعنى؟؟
أنا : يعني بوديك فندق يا روح امك يالله وين تحب تروح؟
سامي: ماريوت طبعا
أنا :
ماريوت؟؟؟؟؟؟؟؟؟؟؟؟؟؟؟؟؟؟؟
(ماريوت مررة وحدة يا ابن ال... الحين أنا في حياتي ما دخلت ماريوت
وتبيني أوديك ماريوت
وش أسوي الشكوى لله)
وفي الفندق ما ارتاح خوينا إلين خصرني 800ريال مقابل ليلة واحدة
ووديت أبو الشباب غرفته وأول شي سواه شغل التلفزيون وقال لي ضبط لي القنوات ودخل الحمام(وانتم بكرامة)
أنا جالس أضبط القنوات ناداني وقال أطلب لي عشا بيض اومليت وزبدة وستيك وعصير هاواي
وبعد نص ساعة جا العشا وبغيت أموت يوم شفت الفاتورة
وفجأة خرج من الحمام وصد عنه الروم سيرفس يوم شافه (يحسبه المدام) كان حاط مكياج كامل بروج ومسكرة وظل الخ الخ الخ
======================
وفي نفس الوقت في شقتي دار هذا الحوار بين عيال عمي:
محمد:يا خي ما تلاحظ ان معمع(اسم الدلع حقي)((واحد توهق باليوزر)) متكدر عشاننا بنسافر بذي السرعة
عبد الرحمن : والله انك صادق..لكن ضروري نسافر
محمد:ياخي لو جلسنا عنده إلى يوم الأحد ما فرقت معنا
عبدالرحمن:وانت صادق ونسافر وهو راضي
محمد : بس لا تعلمه خلها مفاجأة
===================
وطلعت من ماريوت بعد ما طلعت روحي من القهر وأمر الصراف أشيك عالحساب
لا زين باقي 600 ريال وعشرة أيام على الراتب ..تكفي ان شاء الله
وأشري عشا وداعي للعيال بـ 97ريال من النافورة الله يخرب بيوتهم وأطلع ألقا مخالفة على السيارة موقف خاطيء وأرجع من الزعل على هندي راكب سيكل ويطيح الهندي وانبلش فيه... ويتجمعون الملاقيف يتفرجون وأعطي الهندي 50 ريال أبغى أخلص
وينقز واحد ماله داعي : خمسين بس بغيت تكسر الرجال وأعدمت سيكله وتعطيه خمسين بس؟؟؟
( وش حرق رز ذا الملقوف ؟؟)
ويرجع الهندي الخمسين يوم سمع كلامه
وأمسك أبو هنود على جنب وأعطيه سبعين ريال وقلت له تراني عارف إن ما عندك إقامة ..خذ السبعين وانقلع أحسن لك
واركب سيارتي وامشي وانا أشوف الملقوف يطارد الهندي يسأله كم عطاك؟؟
=================
وفي منتصف الليل:
إيييييييييييييييييييييييييييييييييش؟؟؟؟
(علموني الشباب إنهم قرروا يقعدون للأحد)
أنا : بس يا شباب كيف بتسوون بالحجز؟
الشباب: بسيطة والله لو سافرنا نقل ( لعن أبو اللزقة)
أنا: لا مستحيل أخليكم تسافرون نقل
محمد: ولا يهمك أنا كلمت واحد من أخوياي بيدور لنا حجز؟
انا: من الداخل ومن الخارج
=====================
وفي الدوام جتني فكرة قوهانمية :
أخذت ورقة رسمية وطبعت عليها تكليفي بدورة كشفية في رفحا لمدة أسبوع وختمتها بالختم( أول مرة أشوف واحد يختم بالختم)
وجبتها الشقة ورسمت علامات الزعل على وجهي وعلمتهم (شكلهم ما صدقوني .. بس المهم إنهم سافروا في نفس اليوم)
===================
ورحت للأخ الفندق وسألته رحت تقدم اليوم
سامي: ليه العجلة( طبعا منت دافع شي من جيبك)وبعدين أنا ما أدل في الرياض
أنا: يمدحون التكسي يا حبيبي
سامي:إيش إيش إيش؟؟؟؟ تبغاني أركب تكسي
لا عمري أهل التكاسي أخلاقهم وسخة ويضايقوني
أنا: شيل شنطتك قبل لا أرتكب جريمة
(وطبعا كان شي متوقع إني ألقا عليه فاتورة تلفون بـ 135ريال قال إيش ..قال يغازل)
====================
وفي السيارة يسألني وهو حاط المراية على وجهه : خلصت أعمال الصيانة؟
أنا : أي صيانة؟؟(حبل الكذب ماش..)
سامي: صيانة شقتك يادبتي(نسيت أقولكم انه سماني ((دبته)) )
أنا : إيه خلصت الله يهديك هههه
سامي: منت ملاحظ ان جو الرياض خرررب بشرتي؟؟
أنا : والله أنا ما أشوف بشرة .. ما أشوف الا مكياج
سامي: لازم أسوي حمام زيت والا أصير زيك يععع
أنا : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سامي: مر الصيدلية يا دبتي
أنا : لييه؟؟
سامي: أبغى كرات زيت
( وطبعا لم يكتفي بكرات الزيت واشترى بـ250 ريال)
====================
وفي الشقة تركته إلين نام وفتشت في محفظته وشنطته واكتشفت:
1- أني ما أعرفه ولا أعرف أخوه
2- إن ما معاه ولا ريال
3- إن معدله في الثانوية زي وجهه لا زي وجهي أنا
4- إن عنده ملابس نسائية كاملة بما فيها البرقع
5- إن عنده أخت ساكنة في الرياض ورقم تلفونها في حي الروضة
6- إن ما عنده تذكرة عودة
7- إني بألعن خامسه وخامس إللي خلفوه

يوم الإثنين 20 شعبان 1422 هـ:
ما زال سامي عندي بعد ما فشلت كل محاولاتي في تصريفه:
1- فكرة الدورة لرفحا قال بأروح معاك أسليك
2- فكرة السفر عند أهلي في الخميس والجمعة قال بأنتظرك بس عبي الثلاجة قبل ما تروح
3- أقنعته بزيارة أخته وقفلت جوالي وسهرت برا إلى الساعة 2 ويوم رجعت لقيته عند الباب
4- جبت كم واحد من الشباب عندي الشقة عشان يطفشوه قلبوها خل في الشقة رقص وطرب وإزعاج للجيران
======================
وفي نفس الوقت في الديرة
( في المسجد)
عبدالرحمن ولد عمي: وتصدقون إنه ذبحنا بالمشويات وجلسنا عنده إسبوع ولا ذبح إلا مرة وحدة
الشيبان بصوت واحد:أفا
عبد الرحمن : وبعدين يكذب علينا يقول عنده دورة في رفحا وأنا أدق كل ليلة على تلفونه ألقاه مشغول ..أكيد شغال على الإنترنت
الشيبان بصوت واحد:أفا وعنده انترنت إللي ما يستحي
( في أحد الأفراح )
محمد ولد عمي : لا ويلبس بنطلون ويطلع يتمشى
المدعوين بصوت واحد:أفا
محمد: ويتركنا جالسين ويشغل الإنترنت
المدعوين: أفا وعنده إنترنت إللي ما يستحي
( وقرر الشيخ بن عاطي التبرؤ مني حتى إشعار آخر)
========================
الخميس 18 ذو القعدة 1422 هـ :
مازالت مشكلتي مستمرة مع ذا النشبة لأنه سجل في معهد بالرياض (أنا دفعت المقدم) وناوي يسكن معي
علما بأن وضعي كما يلي:
1- كل أصدقاي يطلبوني فلوس
2- كل أهلي متبرين مني
3- كل أهل العمارة يناظروني بنظرات إحتقار
4- ممنوع من دخول جميع المقاهي وبالذات مقهى الشلال
5- أصبحت مدمن على المنبهات
6- سرت أعرف كل أنواع المكياج
7- سرت أعرف إيش الفرق بين الرقص والشكشة
8- حسن بللونة هو مطربي المفضل يليه جواد العلي
9- سرت أخذ حمام زيت كل ثلاثة أياميعني لازم أشوف لي حل قبل ما أصل لنقطة اللا عودة
ولذلك:
أنا أدور شقة من فترة في السر طبعا
وجوالي بأتنازل عنه مجانا
وعملي أسعى في تغييره
والديون اللي علية الله يعين على تسديدها

|3| |3|

نصائح عامة

1- لا تنام وجوالك مفتوح
2- لا ترد على ارقام ما تعرفها
3- لا تستقبل واحد لابس كاب أحمر لو انه أبوك( )
4- لا تصرف عيال عمك مهما كان السبب
5- إياك إياك إياك ثم إياك تسوي فاهم وتروح ماريوت

الموضوع منقول يعني الاشياء اللي ما فهمتوها لا تسألوني

باااااااااي

ياكثر ما تشلح يا سفاري0000هههههه

لكن الصراحة تشليح موفق :D

يالطيف هادا كله من مكالمه


اففف


تسلم سفاري على مشاركتك الحلوه ونصايحك الاحلى