__ يامال الشين .. كرة قدم للحريم __

تحية للجميع ,,,



مساء الفل والكادي .. والرياضة

وماإلك الا هيفا :p

المشكلة ان اكثر اللي بيدخلون من هالشيون

تدرون عاد .. من زينهن البنات

مافرق الا الشنبات :D


وعلى فكرة ... سلامي للجميع ياحلوين (^_^)


ماعلينا ...

وصلني بالميل وحبيت انشره مع شوي بهارات :p

وتم اقراره من الرئاسة العامة للرعاية والشابات


بعد التعادل المر مع ايران

وضعف فرص التاهل للنهائيات

بدأت الانظار تتجه الى «الحريم» لعلهن ينجزن ما عجز عنه الرجال في تحقيق البطولات

اوعلى الاقل يخرجن بصورة «رجولية» اكثر من منتخبنا «الله يخليه لنا»

وبما ان الدورة بدأت فقد حصلنا من مصدرنا السري على القوانين الخاصة بها :


1. يسمح استبدال اللاعبة بالخادمة في الفترات التي تتعب بها !!!

2. تم تغيير مسمى «حارسة» مرمى لمخالفتها للبرستيج بمسى «مديرة علاقات عامة»

3. لا توجد «لاعبة وسط» في الفريقين لمخالفتها للاخلاق يوجد هجوم ودفاع فقط!!

4. لا يسمح «بالحش» في الملعب بأي صورة ,,, وفي حالة «حش» لاعبة بأخرى في منطقة الجزاء يحتسب ضربة جزاء.

5. لا يجوز فوز فريق على الآخر بأكثر من هدف مراعاة لمشاعر الفريق المهزوم.

6. في حالة «الخشونة» من لاعبة ضد أخرى ,,, على «الحكمة» ان تحل الخلاف وديا بدلا من احتساب «فاول»
حتى لا تكبر المشكلة ويتدخل الاهل. <== اعجبتني ذي (^_*)

7. امكان الفرق الاستعانة «بشركات» لتوصيل الكرة منها ولها ,,, بدل الركض خلف الكرة. <--- ياعيني

8. تم تغيير مخالفة «لمسة يد» الى مسمى اكثر حضارية وهي «لمسة حنان»!! <-- اموووت في كذا

9. يمكن للاعبة حمل حقيبتها على ألا تحمل فيها ادوات حادة. <--- يعني لا تشيل صورتها :p

10. يمكن للاعبة المتزوجة الطبخ اثناء اللعب ,,, ويلزم الاتحاد بتوفير مطبخ في كل ملعب. <-- ماطبخن في بيوتهن بيطبخن هنا .. كثر منها

11. يسمح للاعبة «بالاتصال في صديق» مرة واحدة فقط عندما تتورط مع الكرة!! <--- دقة وتقفل

12. لا يوجد دوري للسن العام ,,, بل دوري «تحت 18 سنة» فقط ,,, وذلك لتشجيع جميع الحريم بلا استثناء للعب الكرة. <-- مبدا الرياضة للجميع انبسطن يالله

13. في حالة التعادل بين الفريقين ,,, يعتبر الفريق الاكثر اناقة هو الفائز او من يملكون «سيارات اكشخ» <-- او اللي لسانهن اطول :p

14. تم الغاء قانون كشف التسلل ,,, لأن اللجنة تعبوا وهم يشرحون القانون و«مافي فايدة»!!





ودي اشوف وحدة بس تسوي دبل كيك او تضرب بالراس وشلون :p
الله يقويكم ...

رئيس رابطة المشجعين والعلاج الطبيعي

أنــــــــــــــــــــــــا و بــــــــــــــــــــــــس

N@IF

لحظة بس خل أستوعب ..

ميييييين .. الواد نايف هنا

ماادري ليه المنتدى هذا يخليني أتكلم مصري .. أحس لايق عليه ماأدري ليه ..
يمكن عشان الواد صبحي .. أأأ قصد لمسات :p

نسينا نرحب فيك يانايف ..

وانتبه ترى البنات هنا مسوين رباطية ( متعوب عليها ذي :D ) ضدكم .. يعني مافرق الا الشنبات والسوالف هذي ماتمشي عليهم .. لا تقول ماقلت لك :o

وهذا تعليقي على الموضوع ..


كأنك داري يانايف .. زمان أيام الاحتراف كنت أمووووت وأضرب بالراس .. وفي كل مرة تبوء محاولاتي بالفشل للأسف
شكل الكروة وهي جاية كذا من بعيد يخوف عشان كذا أبعد عنها وأتركها ..

هذا غير إنه إذا فريقي يبي ينهزم هزيمة ساحقة وفي وقت قياسي خل يعيني مديرة علاقات عامة .. عشان أنا ماأرد كورة من عند الباب خايبة .. طبعي كريمة عاد شسوي لكم .. :p

أكثر وحدة تحب تمرير الكورة وتوزيعها .. طبعي متعاونة ولا أبخل بشي :p

ماأحب أصارخ كثير , وما أطيق اللي يهاوشني على كورة ضيعتها .. مو هم يقولون الفشل طريقك إلى النجاح .. ؟

لكن على العموم .. القوانين مناسبة .. ان شاء الله اتحاد ناجح بكل المقاييس .. طبعا إذا أضفنا أهم ميزة للاتحاد هذا .. ألا وهي .. إن أعضاء الفرق بنـــــــــــــات .. :o

يعطيك العافية ..


الشمــــــــس

هلااااا والله وغلا بنايف وبس ...



لا لا مو معقول ابدا ... اخيرا وصلت ...



انا ما صدقت نفسي يوم شفت رحبوا بالعضو الجديد انا وبس ...


احسب المنتدى قام يهوجس ... ويرحب فيني ..:D ..


هذي والله الساعه المباركة اللى شرفتنا به ...


والله يسعد الريح الطيبة اللى حذفتك علينا ..( المعذرة التعبير خاني من قوة الشوق .. ..


يا هلا والله وغلا بنايف ...

( بس كفاية ترحيب تراك لزقت ...:o ..




تصدق فكرة رائعه ...

على الاقل علشان لا يصجون هذول البنات بحقوقهم الضائعه ...


والمساواة معنا ... خلهم يذوقون طعم المساواة ..


يوم يجيهم عبدالله سليمان بمقص ...( اخاف ينكسر الكعب العالي ...




بس اعجبتني هذي ...



يمكن للاعبة حمل حقيبتها على ألا تحمل فيها ادوات حادة. <--- يعني لا تشيل صورتها ...:D :D


تم تغيير مخالفة «لمسة يد» الى مسمى اكثر حضارية وهي «لمسة حنان»!! ... .. حسرة ما حصلوها رجالهم ...



تسلم يا نايف ..


وخلهم يشربون المقلب ... ..




سلام ...

هاااه ياعاشقوه ..

تعاال هنا تعال ..

وانت ماصدقت تلقى فرصة ؟!

وش يصجونا .. وماحصلوها رجالهم .. وماأدري إيش ..
شوف عاشقوه .. انت توك متخرج .. وعلى وش جواز .. يعني انتبه
لا تتهور وتقول شي تندم عليه طووول عمرك :p

وبعدين لو لو لعبنا يعني على بالك بنعطي سليمان ولا بنعطيك وجه مثلا .. :D
حدكم المدرجات استاد الملك اللي فوق بعد .. (ماأعرف أي درجة لا تحرجوني .. )

خلوهم ( البنات أقصد ) يلعبون وتشوفون إذا ماجابوا كاس العالم بكبره :o
بسحرهم مو بلعبهم :p


الله يستر وش بيجيني ألحين .. بس يالله أهو كله بثوابه ..

الشمــــــــــس

تحية للجميع ,,,



مساء الفل والكادي

والرياضة اللي راحت فيها


كيفكم شباب وصبايا <-- حلوة صبايا .. نايف ميشيل الله لا يهينه:p

ماعلينا

نقول بسم الله ونشوف الفاكسات اللي وصلتنا


اول فاكس من وحدة شينة مسمية روحها الشمس

على بالها تمويه .. كان غيرك اشطر ياماما ... حدك لمبة كهرباء كوع :p

نرجع للانسة لمبة تقول بفاكسها انها لهجتها مصرية من الدكتورات

اقنعيني اول انك تروحين الكلية :p



وحلوة الرباطية ذي ... ودي اشوف بنات يهاوشون بخخخخخخ

والله يانا مرة شفتلك وحدة تهاوش بياع يمني بالعقارية ... مسكيييين
شرشحته

وامحق من صفات .. اجل مديرة علاقات عامة .... انواع الفصفص وحفلات الكيك والشاي


ومع كل هدف حفلة DJ :p

قال ايش .. الفشل طريق النجاح ....بخخخخخخخخخخخخ

حلوة وملعوبة وبالثمنطعش

واحلى منها سالفة الكورة من بعيد شكلها يخوف بخخخخخخ

الا وانتي الصادقة ماتبين التسريحة تخرب :p


وعلى طاري الهواش ... ماتبين احد يهاوشك اجل ...

هذي وهي كورة

اجل لو تعبن بلوت وش تسووون


اقول كيف الحال (^_^)

.
.
.
.
.



نجي للفاكس اللي بعده من عاشق الحجاز ...

اييييييييييه هو ماغيره باقي عايش !!!

حشاا .. عمره اطول من فرعون :p


وشكرا على الترحيب ... بس بلاش كلمة (عضو جديد) تعرفني استحي واخجل وخدودي تصير مثل البرتقال يوم الخميس بعد العصر


اما سالفة المنتدى يرحب فيك ماعلييييييييييييش

هو يدور الفكة منك اصلا :p



ولعنبو الترحيب اللي زي كذا ... ياعيني على الرومانسية والشوق اللي تعرفه

روووح يا شييييييييييييخ

مالت عليك (^_^)


لكن تعال هنا لا تروح


وش عبدالله سليمان يكسر !!! من جدك انت

والله ان يفتح كباري مع البنات وسعابيله تغطي الملعب ... هين لو عرف يقطع كورة فما بالك يكسرهن :p



اما البنات ... بخخخخخ

ودي اشوف الشمس و abs ونانا المطفوقة و بنت عنيزة وفطامي والقمر البحار و ريوف

بخخخخخخخ

امحق من فريق

والله ان تشوفهن يتعازمن على الكورة

كله كوم .. ولا شفتهم يلبسون شراريب ..

يقولون شراباتنا مهيب زينة وعععع ياااااي

ويروحون يشترون طقم شرابات هيلاهوب <--- غير لاست هوب والله :p



ولا لو تشوفهم وقت الاحماء واللف على الملعب ...

هاتك ياعباية ولثام .. على بالهن شارع الحوامل (^_^) لووووووووووووول


ياخي يفقعن المرارة ....


مرة حكمت لهن مباراة ... يوم صفرت ابي احسب فاول ...

الا وواحدة بالشنطة على خشتي الرقيقة

قال ايش .. اصفر اناديها ابي ارقمها !!!!

لا يابوي العمر مش بعزأة <--- لا احد يسالني وشلون كتبتها او نطقها .. سويت كوبي باست من موقع السي ان ان بالصعيد (^_*)



خلنا نشوف اخرتها معهن


اشوفك على خير حبيبي (^_^) وسلامي لكل الحبايب



وراجع للصرقعة


وليكن شعارنا ...


رزق الهبل ان لم تقطعه سده واستريح %^%^$*%^$)*



أنـــــــــــــــــــا و بـــــــــــــــــــــس

N@IF

عاشقوه ... .. (هذا اكيد واحد زعلان مني ..:D ...


تعرفيني عاد في اشتغلال الفرص ... ما اكود ...




بعدين لازم يعني تذكريني ... بالبلاوي اللى متظرتني .. ..


يوووووه لا احد يسمعني الحين ...


اسمحلي ما اقدر اتكلم اكثر من كذا .. لاني تحت الرقابة العامة .. ...


يعني اي كلمة اقولها الحين ... راح تستخدم ضدي في امن الدولة .. ..




نجي للملعب ...


والله انكم تكسبون كاس العالم ... هذا حسب الموضه اللى مختارينها .. ..


وطبعا الاستايل له دوره ... ...


ام كاس اللعب النظيف هذا في جيوبكم من الحين ..


من قوة نظافة اللعب ما تلمسون الكورة ...:D ..


واذا لمستوها .. لازم تكون مغسولة بفيري ... علشانه يحافظ على نعومة الايدي ...:p ...



نايف ... فتحت علينا باب محن بقده ...

بكرة نجي المنتدى نحصله مقفل ...


بدعوه ان البنات مسوين معسكر تدريب مقفل ...( حياوية ..:D ..



الله يستر ...:o ..

تحية للجميع ,,,






مساء الفل والكادي


الا مساء الكورة اللي راحت وطي

الزاهر النهاردة مش حيجيبوها لبر


شوفي يا ست لمبة ..


سبنالكم الملعب بكبره وروونا شطارتكن

طبعا استحالة تلعبن بملعب مرزوع اخضر وبس

باستثناء بنت عنيزة ماتفرق معها رح تستانس :p

لازم شوي ورد وزهور بارجاء الملعب ...

كله كوم .. ولمن تجي وحدة تركب راسها تبي زهرة الاوركيد !!!

مالت عليها ... حدها نبات ابوعليقة على جدار بيتهم :p



يالله وخري شوي ابي عاشق السوبيا ... قصدي الحجاز :p


عااااشقووووه

الحين من جدك تبي تدخل القفص الذهبي ؟؟؟ ودا من ايه ياحسرة بخخخخخخخ


عن جد كنت طااااااييييب وغلبااااااان

ولازم توريها العين الحمرا من البداية

يعني كيف ... مممممم انا اقول لك

اذا قالت لك ... لا تسهر وروح بدري قبل 12
قول .. بكيفي اسهر للوقت اللي ابيه واروح انشالله الساعة 10 مالك شغل :p

واهم شي ... تتعلم الطبخ ... ماله داعي تطفر من المطاعم



وش اللي خلاك تستعجل ... كان عندك لبنان بكبرها والشام .. رح وتنقى

والحين عرض عشان المدارس.. تزوج واحدة والثانية مجانا :p

لا وابشرك ... حامل بعد ... يؤيؤيؤيؤ ماقلت شي (-_-)



وحلوة حياوية ذي .... لوووووووووووووووووووووووول


يابوي ان تاخذك الواحدة اربع لفات وانت مادريت وش السالفة

وكمان اي حياوية ذولا .... مقاس انتصار الشراح او مسواك :p


وعلى ايه ياحسرة

بالعكس .. اشوف الواحدة فيهن .. واحد من الشباب :p


لوووووووووووول

جبنا العيد



يالله عيوني ... اشوفك على خير


هذا لو شاتتك الخطيبة شلوووووت بخخخخخخخخخخخ





شعارنا ...

لا للانكشاح والفسيخ .. نعم للرز والبطيخ

ايه تذكرت ...



الفنانة فيهن اللي تعرف تسوي كبسة :p ولو غيرت .. صارت الكبسة فسفوري !!!!

احنا لاحقينها منين ولا منين

يابا طييييييييير






أنـــــــــــا و بــــــــــــس

N@IF

مين

لحظه ادعك عيوني:D

يمكني احلم

لا والله صدق

نايف انا وبس
اهلييييييييييين وسهليييييييين
يامرحبااا يامرحباااا
نورك غطا عالكهرباء


اخبر الناس اول مايسجلون بالمنتدى

يتنحنحون

يسلمون

يقلون يااااولد

علشان اللي وده يتغطى يتغطى واللي وده يتغبى يتغبى :D

تعرف البنات اللي عندنا حيويات

يقول اشتقت لكم ؟؟وانتم ماشتقتولي

وهيييييك حكي :D

مهب على طول موضوع خبط لزق

لا وش موضوعه

تصدق خوش اقتراح

ليه لا

الحمدلله بكل شي تفوقنا عليكم ( فيه ناس بتطلع عيونهم من روسهم ايه تفوقنا عندكم مانع )

مابقي الا كرة القدم

بس الله لايهينك اهم شي البدل تصير ماركه معروفه

انا وحده ما البس اقل من كرستيان ديور او جفنشي (تسمع بهن خخخخخخ:D :D :D )

صدق يابنات ان صرت انا المدرب والله ان تصير علوم

كان تقضي المباراة وحنا قاعدين تقهوى ونسولف :D :p

علشان كذا بتنازل عن التدريب حفاظا على سمعة الفريق
وبصير رئيسة النادي
مايجيني الا اذا فزنا صوري طالعه بكل الجرايد :o وان نهزمنا اسلم من الكفوف:D

الصرااااااااحه


الصراااااااااااااااااااااحه




ماقرييييييييييييييت ولا شي من طوووله


بس دخلت ارحب


بقراااا بعد ما اصكر النت

المهم


حيااااااااااااااااااااااااااااااكم في منتدانا...
انا وبس===>بنت ولا ولد؟؟؟؟

لو ولد .....
لو بنت اهلييييييييييين وسهليييييييييين:D :D :D :D

تحية للجميع ,,,



مساء الفل والكادي


اي فل واي كادي

مساء الجرجير والكراث :p


لو تدعكيها لباكر ... شينة ووووععععع :p


يووووه ترحب فيني البنت .. ياولد خلك جنتل (^_^)


هلا بك ومرحبا ومسهلا ...

ونوري منور بكل النور اللي تنور وصبوا هالقهوة وزيدوها هييييييييل



بخخخخخخخخخخخخخخخ

منتيب عاقلة (( هيك حكي))) لووووووووووووووووووووول

ميب لايقة ابد

يؤيؤيؤيؤيؤ

ذكرتيني بواحد الله يذكره بالخير .. اشترك ببرنامج من سيربح المليون

وطلب الاتصال بصديق .. ويكلم خويه مستعجل :

اقول بسرعة ماعندنا الا ثلاثين ثانية .. وش رايك ؟؟

احذف اجابتين او اختار الجمهور ؟ :p

<--- وش دخلها مدري .. بس بغيت اقولها (^_^)



اقول ياعنيزاوية .... او بنت عنيزة مافرقت واجد (^_^)


الا مشتاق لكم حيل حيل .. لدرجة اني من كثر الشوق صرت اوزعه افطار صائم :p


وموضوعي خبط لزق

حراااام عليكي ياشيخة


متعوووووووووب عليه

ميل وصلني واخذت احط بهارات لين تملح ونزلته :p




وكمان لايق عليك اسم مدير بخخخخخخخخخ


مو ناقصك الا بشت و دقن خفيف والكرشة موجودة :p


وسالفة بنات المنتدى حياوية بخخخخخخخخخخخخخخخخخخ

كثري منها كاتشب ومايونيز برة وحبه سفن اب



الحين لا قابلت الواحدة منكن اخاف على عمري

تجي تسولف معها .. وتضحك .. ههههاااااااااااااااااااي .. كفو ... طق !!!!

حشا ... وش بقالنا ...


شوفوا وش حليلنا

عندك مثلا مظلوم ... ولد نويعم والشعر مسبسب ولا يتعامل الا مع زيت املا وعععععععععععع




واسف عيوني ماتنفعين مديرة او رئيسة النادي

محنا ناقصين نشتري البدل من البطحا و عتيقة و اسواق المبارك :p



قال ايش .. ماركات ..

ذكرتيني يوم اهديتك كرت فلاش ... وزعلتي علي اسبوع

وراك يابنت عنيزة ..

قلتي لي : مالي دخل ابي كرت كلوركس !!!!!!

لعنبو كذا ياشييييخ


قال ايش .. قال ماركات :p





شعارنا ..


ماطارت امرأة وارتفعت .. الا وجابت العيد :p





أنـــــــــــا و بـــــــــــس

N@IF