شرح كيفية تركيب برنامج Vb على الجهاز الشخصي

مرحبا شباب ، هذا موضوع الكثير يطلبه وهو بخصوص تركيب برنامج المنتدى على الجهاز الشخصي ، ما اخبي عليكم العملية سهلة جداً فوق ماتتصورون كل اللي عليك تحمل برنامج معين وتسوي بعض الاعدادات البسيطة وبعدها تقدر تشغل المنتدى على الجهاز الشخصي LOCALHOST .نتوكل على الله ونبدأ الشرح

أول شي لازم ننزل البرنامج هذا لان كل شغلنا رايح يكون من خلاله .

اضغط هنا لتحميل البرنامج مباشرة

بعد انهاء عملية الداون لود للبرنامج ، سوي للبرنامج تنصيب في جهازك ، وسوي إعادة تشغيل في حال انه طلب منك .

زين الوضع لغاية هنا ؟؟


طيب بعد عملية التنصيب نجي للشغل المهم ، اول شي جهز ملفات برنامج المنتدى كلها وحطها في مجلد وسميه مثلا vb ، بعد هالعملية روح لجهاز الكمبيوتر MY COMPUTER وشغله ( بمعنى افتحه ) ، وروح للقرص C ، تجد من ضمن المجلدات مجلد اسمه apache اضغط عليه ، تجد تحت هالمجلد 11 مجلد ، كل اللي يهمك من هالمجلدات مجلد اسمه htdocs ادخل على هالمجلد وخلك عنده ، الحين حنا ماسوينا مجلد برنامج المنتدى وسميناه vb ؟؟ انقل هالمجلد الى المجلد المذكور htdocs بخاصية نسخ ولصق ، بعد ماتنقل مجلد برنامج المنتدى ، ادخل عليه وروح لمجلد admin ومن تحته ابحث عن ملف اسمه config.php او config.php3 ، حسب امتداد ملفاتك ، المهم افتح هالملف وقوم بعمل التالي :

$dbservertype='mysql' اتركها مثل ماهي ولا تغير فيها اي شي .

$servername='localhost' خلها مثل ماهي هنا او اذا كانت شي ثاني خلها مثل ماهي مكتوبة ، كل اللي عليك تغييره localhost في حال ماكنت مكتوبة .

server
$dbusername='' اسم مستخدم قاعدة البيانات ، اتركها فاضية وان كان مكتوب فيها شي امسحه وخلها فاضية .

$dbpassword='' كلمة السر لمستخدم قاعدة البيانات ، هم بعد خلها فاضية وان كان فيها شي امسحها .

$dbname='test' هذه اهم شي ، ولازم تنتبهون لها ، هذه اسم قاعدة البيانات ، بإمكانك إنشاء وحدة وبإمكانك كتابة mysql او حطها مثل ماهو مكتوب test الثنتين تنزل مع البرنامج بشكل افتراضي .

====================

الحين انت كملت كل الخصائص العامة لتشغل ملفات من امتداد php او php3 وليس برنامج المنتديات فقط .

=================
نجي الحين للتطبيق العملي :

بعد ماحملت البرنامج طبعاً رايح تلاقيه ضمن قائمة البرامج باسم php triad for windows ، روح للبرنامج من قائمة البرامج وادخل على القائمة الفرعية الخاصة به ، تلاقي اربع اختيارات اول واحد start apache ، ثاني واحد start my sql ، والثالث stop apache ، والرابع ، uninstall .

اللي مطلوب منكم سلمكم الله تشغيل اول واحد وحتلاقونه بهالصورة


بعدين تشغيل الاختيار الثاني اللي هو start mysql وحتلاقونه بهالصورة



بالنسبة لهالعملية شاشة اmysql بتفتح وتروح في ثواني عادي

بعد ماتقوم بهالمهام روح لمتصفح الانترنت واكتب هالامر
http://localhost واضغط enter انتر ، تفتح معاك هالصورة


اذا متصفحك مافتح لك هالصفحة اللي في الصورة فيه طريقة ثانية تلعب على المتصفح ، بدل ماتكتب
http://localhost ، اكتب هالارقام 127.0.0.1 واضغط انتر ، لالالالالالالالالالا بد في وحدة من الحالات تفتح معاك الصفحة اللي في الصورة .

الحين نجي علشان نركب برنامج المنتدى ، بعد مافتحنا الصفحة اللي في الصورة ، كل اللي عليك تكتب هالمسار بعد العنوان اللي وضحناه مباشرة
admin/install.php/ ، تفتح معاك صفحة تركيب المنتدى ، بدايتها صفحة ترحيبية ، اضغط على الامر Next step --> ، في هالحالة يبدأ عمل ملف config.php ، من حيث الاعدادت الخاصة باسم مستخدم قاعدة البيانات واسمها واسم خادم القاعدة ، طبعاً هذه كلنا حطيناها من قبل ، طابقها باللي موجود ضمن المربعات الموجودة في الصفحة ، واذا لقيتها صحيحة اضغط على
continue without updating vaues ، الخطوة اللي بعدها عملية الاتصال مع قاعدة البيانات ، في حال تم الاتصال تجيك هالرسالة
Attempting to attach to database...

Connection succeeded! The database already exists.

Click here to continue -->

Click here to continue and reset the database to an empty one -->

=================

هالاختيار Click here to continue --> يخليك تكمل تركيب البرنامج بدون حذف او تصفير قاعدة البيانات يعني مسح كل محتوياتها ،

Click here to continue and reset the database to an empty one -->
هالاختيار هو مسح جميع الجداول الموجودة في قاعدة البيانات يعني تصير كنها جديدة ، لنا حديث حول هذين الامرين في وقت ثاني .

المهم بحكم انك منزل البرنامج توك وبعد جهازك خالي من اي محتويات في قاعدة البيانات ، اضغط على الاختيار الثاني للاحتياط فقط .

بعد الضغط على الاختيار الثاني ، يتم مسح الجداول الموجودة في القاعدة وتنصيب جداول برنامج المنتدى ، روح لنهاية الصفحة واضغط على الامر Next step --> طبعاً لازم تلاقي فوقها هالجملة Tables set up successfully ، الحين البرنامج رايح يركب الاوسمة والتراميز المسموحة لك وكثير خصائص . في نهاية الصفحة اضغط على الامر Next step --> ، بعد ظغطك على الامر هذا البرنامج راح يبحث عن ملف vBulletin.style اللي هو ملف التعريب ، ويسوي له استيراد import ، بعد استيراده اضغط على الامر Next step --> علشان تبدأ في وضع خيارات منتداك من اسم للمنتدى واسم موقعك وعناوينهم وبريد الدعم الفني للمنتدى .
بعد الضغط على الامر تجد انه فتح صفحة وضع الخيارات وهذا شرحها
BB Title اسم للمنتدى
Home Title اسم لموقعك
BB URL رابط منتداك
Home URL عنوان موقعك
Webmaster email address ايميل صاحب الموقع او المنتدى .
بعد تعبئة البيانات اضغط على الزر اللي في النهاية .

تفتح معك صفحة جديدة ويخبرك البرنامج بأن العملية التالية هي عملية تعريفك على البرنامج بأنك انت صاحب المنتدى administrator .
User Name اسم المشرف العام على المنتدى
password كلمة السر للمشرف العام .
Email Address ايميل المشرف العام .
بعد الانتهاء من وضع البيانات اضغط على الزر الموجود في نهاية النموذج .


مبروك ، هذا انت ركبت المنتدى بنجاح تاااااااااااااااام .
الصفحة اللي تشوفها قدامك هي صفحة تخبرك بنجاح التركيب خرابيط مالهم مالها داعي ، لكن اللي مهم هو في النهاية ، يجب عليك حذف الملف اللي اسمه install.php تجده في مجلد admin . بعد كذا اضغط على هالرابط
The control panel can be found here
اضغط على كلمة here بعد حذفك للملف . وبكذا تفتح معاك نافذة البرنامج واقول لكم مبروك البرنامج تركب

وجزا الله الف خير الاخ دار العرب من منتديات دار العرب
تحياتي

تحياتي اخوي المجنون الهلالي

يعطيك العافية اخوي وماقصرت وسبق طرح الموضوع على الوصلة

http://www.mahroom.com/forum/showthr...&threadid=9944

يعطيك العافية ياغالي والله يوفقك تحياتي

المسافر..