وداعة الله مابقى للغلا روح

**رحـــــــــيل** ● · 25 / 02 / 2012, 21 : 10 PM

وداعـة الله مابـقـى للـغـلا روح
وش حيلتي والعشق ينـزف وريـده

سامح حبيبك وانت معفي ومسمـوح
لكـن طلبتـك تسمـع اخـر قصيـده

قصيدة(ن) خذها على شيـك مفتـوح
من واحد(ن) ماقد نشد عـن رصيـده

فقير مـال ولكـن انـه غنـي روح
ويملـك مفاتيـح الحيـاه السعـيـده

لـو ان قلبـه لاخفـق كلـه جـروح
ولاهو من اصحـاب القلـوب البليـده

يحزن لحزن الناس ويسـج وينـوح
ويفرح لكل النـاس لـو هـي بعيـده

ومن منطلق سـر العلاقـات والبـوح
بعلمـك شـي(ن) عسـى تستفـيـده

يمكن تمرك ساعة الضيـق وتـروح
وتقـول عـدت والليـالـي مـديـده

وانـا اقـزر ضيقـة فراقـك مـزوح
هذي سنـه والعلـم عييـت اصيـده

عقبك قصيدي يسجعه نايـح الـدوح
وعقبـك تـرى ماللشرايـد شريـده

وعقبك لو اخفي ضيقة الصدر مفضوح
كلـه لعيـنـك يالمـهـاة الفـريـده

مضرم عليك ودلـة وصالـك تفـوح
فـي جنبهـا جمـر وتحتهـا وقيـده

والحين تبغى الوصل والا تبـا تـروح
بعد سمعـت اغلـى واخـر قصيـده

للشاعر / محمد مريبد العازمي
راقت لي

...

**عطر الحروف** ● · 25 / 02 / 2012, 30 : 10 PM

اقتباس:

المشاركة الأصلية كتبت بواسطة رحـــــــــيل

[ALIGN=CENTER][TABLE1="width:85%;border:4px double gray;"][CELL="filter:;"][ALIGN=center]

يمكن تمرك ساعة الضيـق وتـروح
وتقـول عـدت والليـالـي مـديـده

وانـا اقـزر ضيقـة فراقـك مـزوح
هذي سنـه والعلـم عييـت اصيـده

...

صح لسان الشاعر
وسلمت يمينك يالغلاا على نقل لهذة الابيات الرائعه
يعطيك العافيه لاعدمناك يارب
لروحك جنائن الورد..

**شموع الغربية** ● · 25 / 02 / 2012, 33 : 10 PM

ورااااااق لي ماراق لك يارحييييل
أبدع كثيرا ابن مريبد
اعجبني هذا الاختيااار
من ذااائقه جزلة اعتادت اختيار الجزل والابداع
لاهنت عزيزتي ،سلمت يمناك
دمت بكل خير

**خلف الجابري** ● · 26 / 02 / 2012, 03 : 03 AM

..

اصلا يكفي انها للشاعر بن مريبد

يعني غصب تكوون راائعه

ومدام ذاائقتك نقلت لهذا الشااعر وربك ان عندك ذاائقه رفييعه وذووق

مااقول الا صح لساان بن مريبد

وسلم انااملك وافكرك

شكرا رحيـل من الاعمااق

لك تحيه

**ســـواج** ● · 26 / 02 / 2012, 31 : 09 PM

صح لسان الشاعر

وسلمت يدينك على النقل

ذائقه رائعه
مميزه بكل ماتطرحينه

تقبلي مروري

**سهم القصيد** ● · 26 / 02 / 2012, 39 : 09 PM

رحـــــــــيل

اشكرك على حسن الاختيار

وصح السان الشاعر// محمد مريبد

الله يعطيك العافية

**أجهلك بس أتخيلك** ● · 26 / 02 / 2012, 36 : 10 PM

وداعـة الله مابـقـى للـغـلا روح
وش حيلتي والعشق ينـزف وريـده

راق لي كثييييييرآ وجائةع الجرح يا العازمي

تسلم يمينك رحيل ابدعتي في الذوق والاختيار

تقبلي مروري

**ملكة الاحساس** ● · 27 / 02 / 2012, 36 : 12 AM

صح لساااااان قايلها
قصيدة رائعه

ربي يسعدك ياعسل

**رحـــــــــيل** ● · 27 / 02 / 2012, 39 : 08 AM

...

غربة مشاعر ~
ربي يسلمك من كل شر
نورتي يالغاليه
كل الود

شموع الغربيه ~
ذوق راقي وشرفني ان يرقى ذوقي لمستواه
ربي يسلمك
دامت روحك بكل خير

خلف الجابري ~
شرف كبير ان تنال اعجابك
شاعر بمستواك لايروق له الا الافضل
الشكر لنور حضورك
اهلا بك

سواج ~
التميز يكمل بمرورك
عسى ربي يسلمك من كل شر
ياهلا بك

سهم القصيد ~
اشكرك على هذا المرور
الله يعافيك
ياهلا بك

اجهلك بس اتخيلك ~
الله يسلمك من كل شر
راقني ان راقت لك
ياهلا بك دوووم

ملكة الاحساس ~
ربي يسعدك
لاهنتي على هذا التواجد

**wafei** ● · 27 / 02 / 2012, 43 : 08 AM

اقتباس:

يحزن لحزن الناس ويسـج وينـوح
ويفرح لكل النـاس لـو هـي بعيـده

ومن منطلق سـر العلاقـات والبـوح
بعلمـك شـي(ن) عسـى تستفـيـده

يمكن تمرك ساعة الضيـق وتـروح
وتقـول عـدت والليـالـي مـديـده

وانـا اقـزر ضيقـة فراقـك مـزوح
هذي سنـه والعلـم عييـت اصيـده

جداً رائعه
جداً معبرة

رااائعه
والأروع ذوقك الرفيع

شكراً لذوقك الرفيع

كلك ذوق

...