أنا غرامـي وإنبساطـي وعيـدي .. تفريعة القرناس بأرضٍ بها صيـد

ياللي طلبتوا نبـذةٍ مـن قصيـدي=عن واقع المعقول لأنقص ولا أزيد
أنا غرامـي وإنبساطـي وعيـدي=تفريعة القرناس بأرضٍ بها صيـد
إليا شطّب الصيحان روس الزبيدي=والعشب جالـه بالمثانـي عناقيـد
والبدو مـا يبـدا لهـم بالشديـدي=تسعين ليلـة ماحكـوا بالمواريـد
ضيق بهـم در الغنـم والجميـدي=مايشربـون إلا حليـب المجاديـد
والبل وبرها طار وأبـدل جديـدي=ورودم على الفطر سواة المجاليـد
ومن فضل ربي كل يـومٍ تزيـدي=قامت عشايرهـا تسـن المفاريـد
والصبح تسمع للطيـور تغريـدي=ليل الشتا طولـه عليهـن سراميـد
هذيـك والله منوتـي ياعضـيـدي=لاساقه الله من صـدوق المواعيـد
ماكفـه تديـر لرجـم المفـيـدي=وذوب على خشم الخدار ومشاحيد
مجهود من نـو الجبـاه السديـدي=وحصل لها قبل العقـارب تماديـد
غثوه على روس الشجر والهضيدي=وسـاق وتساقـا للنفـود وتخاديـد
وفيض على فيحان ريف المعيـدي=نبي لنـا بإشعـاف لوقـا مطاريـد
على وسـوق مقربـات البعيـدي=من فوقهن يازيـن مـزح الأواليـد
لافـرع النـادر وطلعـه وكيـدي=وحول على جول الحباري تقل حيد
وسلط على الخرب النشيط العنيدي=حاسه وداسـه والحبـاري ملابيـد
يقضي بها الصقـار يـوم جديـدي=في ساعـة مابـه وجيـه مقاريـد
هذا هـوا بالـي وهـذا رصيـدي=سوق النظر بين السهال الجراهيـد
لو كان من طرد الولع ما استفيـدي=فتقٍ بقلبـي واعـذروا يالأجاويـد
ونومي تحت طل النجوم الجليـدي=عنـدي كنـب ومنجـد زل تنجيـد
لو لامني خطـو الغشيـم البليـدي=طرد الولـع مابـه عليّـه مناقيـد
وشوف الفياض المخضرة يالحميدي=وشمة ذعاذيع الهوى عندنـا عيـد
وللكيف ذوق ولااستماع النشيـدي=لاقلطـوا رسـلان وإلا بغـاديـد
ثنتيـن هيـل وثالثتهـن عـويـدي=وكلٍّ على ماتطلب النفـس وتريـد
وقدوعهن من طلع حدب الجريـدي=أحسن نمونه من نما شـرع الغيـد
وسوالـفٍ ماقيـل فيهـا جحيـدي=بالصيـد لانمّـة ولاهـي هرابيـد
ساعات نقضيهـا ويـوم سعيـدي=ولادامت الدنيا لعامـر وأبـا زيـد
الـدايـم الله والفـنـا للعبـيـدي=والرزق عند منـزل الـدر بالديـد
محيي الهشيم اللي عروقه هميـدي=رزاق ماتحت الصخور الجلاميـد
والله يدبرنـا عـلـى مايـريـدي=وصلوا على اللي وحد الدين توحيد

الشاعر الكبير / بدر الحويفي الحربي

من كبار شعراء الخيج العربي

تنفيــذا للطلــب



... ... ...

وحيــد الشرقيــــه

قصيــدهـ راائـــعــــه وذووقـ

ياذووقــ

لاعدمنـــا إطلالتــكـ

وصــحـ لســان الحــربـــــي


تحيــــــــــاتــــيــ..

سلمت يداااك وحيد الشرقيه


على اختياااارك لهذه القصيدة الاكثر من راااائعه


لابن العم بدر بن عواد الحويفي

تقبل تحيااااااتي استاااذي

..
.

صح نقلكـ وصح لسان قــايلـ هـا ..

.
..

تسلم ياغالي

وصح لسانك ولسان الشاعر

بــــــــــــــــــــــــــــــــــــــدر

اختيار مميز

اخوك /
الـــســ ابوياسر ــــنــاف

	المشاركة الأصلية كتبت بواسطة وحيد الشرقيه

	وللكيف ذوق ولااستماع النشيـدي=لاقلطـوا رسـلان وإلا بغـاديـد ثنتيـن هيـل وثالثتهـن عـويـدي=وكلٍّ على ماتطلب النفـس وتريـد وقدوعهن من طلع حدب الجريـدي=أحسن نمونه من نما شـرع الغيـد وسوالـفٍ ماقيـل فيهـا جحيـدي=بالصيـد لانمّـة ولاهـي هرابيـد ساعات نقضيهـا ويـوم سعيـدي=ولادامت الدنيا لعامـر وأبـا زيـد

الله..الله..
ابيات رااائعه..
وفي وقتها ياوحيد..
مع انتهاء فصل الشتاء وحلول ربيع الصحاري..

صح لسان شاعرها..
وسلمت يمينك..

بسم الله الرحمن الرحيم

وحيد الشرقية

السلام عليكم ورحمة الله وبركاته


الله الله

اختيار رااااااااااااااااااقي وذوق عالي

بدر الحويفي شاعر كبــــــــــــــــــــــــــــير

امتعتنا بهذه الراقيه الرائعه والجميله
والله يعطيك الصحه والعاااااااااااااافيه



أخــــــوك
حسام الشعر

وحيد الشرقيه ..

رائع بتواجدك ... رائع بأنتقائك ..

عهدنا منك الابداع والتميز ..

اشكرك من الصميم على هذا الاختيار الراقي ..

تقبل مروري ..

ودمت في رعاية المولى

.................

...

بدر الحويفي

والله والنعم فيه وفيك


شاعر رائع
واختيار موفق

ذوق رفيع عهدناه منك



شكراً لذوقك الرفيع


كلك ذوق


...

أ
ب
د
ع
ت

اللإنتقاء

أخي وحيد الشرقية

ِ
سـ أتركها هكـذا كـ ناطحة السحاب ..

كي لا تحركها عواصف ..

فـ تبقى شامخة ..!!