|
||ترفيه وَمسآبقآت مَرَح ، تسلية ، مسابقات ، فعاليات .. الخ |
|
أدوات الموضوع |
28 / 08 / 2002, 21 : 10 PM | #1 | |||||||
مشترك اساسي
شكراً: 0
تم شكره 0 مرة في 0 مشاركة
|
هذي لهجة بلادي,,,,, وش لهجت بلادكم
مرحبا حبايبي الحلوين.......
سأطرح لهجات مشتهره في بلادي وأقصد بالذات منطقة القصيم وضواحيها وارجو من الأخوان والا خوات أن يذكر كل شخص اللهجات المشهوره في بلاده ومنطقته وتكون من اللهجات القديمة ( القح ) <<<<<< ياعيني عليكي يا عويشقه وعلى الغه العربيه هذى لهجه ديرتى 00 سأبدء اول بالكلمة ومن ثمّ تفسيرها........ " مير " اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الاعراب ، يوضع لتزيين الجملة ،، مثال : الله مير يسلمك ، الله مير ياخذك " غديه " وتعني : كوده !! ،، وفسر الماء بعد الجهد بالماء أي ليته او لو إنّه . " ومصع " دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير بغى يمصعن " ياهملالي " ...منتشرة عند النحوتين والنظولين ، مثال : رقيّة : مادريتي نورة توظفت ؟ حصة : ياهملالي عنده واسطة ،،، منقهررررة " واخزياه " مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة هو الوجه المغسول بمرق " ( اللي مايستحي ابد ) " أويق " هذه الكلمة تنتشر عند البلوغين أي الملاقيف ، معناها أناظر وأناظر معناها أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، رقيّة : أبد ، أويق على اللي يفحطون ورازّتن تستخدم للسخرية وهي بمعني مطلّعته بزود " أعبطه " أعجنه واسويبه عبيطة " قوه " كلمة من أصل إنقليزي " والله محنب سهلين " معناها تخاويني؟ ، مثال : حصة : قوه معي للسوق ،، رقيّة : مشينا ، كلش إلا السوق ، تخاويها وهي مغمضه " حوّل " وراكم طيرتوا عيونكم بي ، ترى منيب بمحوّل ، (متهاوشين من يركب قدّام ) يعني : مانيب نازل لو تنقّزت بلوفكم ومانيب تستخدم للرفض مع الإصرار بالعناد ومدّة اللسان " شنق " تعني : جهة وليس شنق بمنى القتل بالمشنأه " هماه " وتجي بمعنى " مب كذا - مو " " نيم " وتعني : نائم مثال : "حصّة : وين الدّحمي ؟؟؟ رقيّة : به مير نيم ( وأتحدى أحد فاهم شيء ههههههه ) " تهقى " تعني : تظن؟ ، والاسم منها " هقوتي " اي أغلب ظني ،، مثال : حصة : تهقين رقيّة تجي ؟ " بوه " أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وانت ماط بوزك شوي " يهوجس " سرحان ، يفكر والأغلب أنّه مدلّخ وماهوب داري باللي حوله تحياتي لكم وللقصمان خاصه......عاشقه.. |
|||||||
|
||||||||
28 / 08 / 2002, 34 : 10 PM | #2 | |||||||
عضو شرف
شكراً: 0
تم شكره 0 مرة في 0 مشاركة
|
ههههههه .. هلا بعاشقة العفلقة ... :D
خلاص ..... انتي مترجمة الوئام للغة القصيمية ... :D طيب .. انا بشارك ..... أول كلمة هي ... السلوقي ... :D جمعها هو ..... سلاقين ... مثال .. جدتي تقول للوالد ...:: خالد .. وين عيالك السلاقين ؟! وبعد عندنا كلمة منتشرة ... وهي (( الهقوة )) .. مثال ... ماهقيت فلان بينجح ..... معنها .. ماتوقعت فلان بينجح ... وبعد عندنا كلمة .. وهي (( زوليّة )) ... يعني سجادة كبيرة .. والله هذا اللي في بالي الحين .... وإذا تذكرت شيء .. أبشري من عيوني ...... سلاام .. |
|||||||
|
||||||||
28 / 08 / 2002, 06 : 11 PM | #3 | |||||||
عضو شرف
شكراً: 0
تم شكره 0 مرة في 0 مشاركة
|
ههههههههههههه 000
المهم لهجة بلادي رقيقه واجد 000 مقل هالكلمه 000 بنسوار 000 ومهناها اهلا وسهلا 000 :D وبونجور ومعناها 00 مرحبا فيك :D وغوغيغا 000 ومعناها 000 لحظه ادورها بالقاموس :D |
|||||||
مين "أجازي"
مين يا ترى صار في طبعه "قــاســي" الكلمة كلمة مرة "تجرح" ومرة .. فيها " التراضـي"
|
||||||||
29 / 08 / 2002, 21 : 06 AM | #4 | |||||||
وئامي مميز
شكراً: 0
تم شكره 0 مرة في 0 مشاركة
|
من وين أنت يا سمير ؟؟؟؟
أنا أجمع ما بين معجم عشوقه وسمير .... أكيد إني أقع في الوسط ما بين القصيم و ؟؟؟؟؟ |
|||||||
كل شخص أقابله يَفضُلني في شئ ما .... ولذلك يمكنني أن أتعلم منه هذا الشئ
|
||||||||
29 / 08 / 2002, 43 : 06 PM | #5 | |||||||
وئامي جديد
شكراً: 0
تم شكره 0 مرة في 0 مشاركة
|
عاد في الخرج وخاصة عندنا في........
1ـ درهموا بمعنى اسرعوا 2ـ هيتوا بمعنى تعالوا 3ـ ازهموا أي اتصلوا 4ـ غرشه معناها قارورة 5ـ قوطي أي علبه فاضيه 6ـانخرطوا يعني انسحبوا وقصرانا (جيرانا) يقولون للقدر (مطبخي ) واذكرتس ياعشوق بكلمه قصمنجيه سمعناها من قصرانا في مكه يقولون طزولوه رقم4 بمعنى اضغطوا له رقم 4 (في اللفت ) صح تقولونها والا لا ....:D :D :D |
|||||||
تدور بالهوى مرسى
|
||||||||
29 / 08 / 2002, 06 : 10 PM | #6 | |||||||
عضو شرف
شكراً: 0
تم شكره 0 مرة في 0 مشاركة
|
الفجر الأسير .....
أنا مولود وساكن في الرياض ..... بس أصلي يرجع إلى سدير .... واضح ياتفجييييير ؟! :D أنتي من وين ؟! |
|||||||
|
||||||||
29 / 08 / 2002, 07 : 10 PM | #7 | |||||||
عضو شرف
شكراً: 0
تم شكره 0 مرة في 0 مشاركة
|
مرسى القلوب .....
كلامك مثل كلام أهلي والله ... ماعدا كلمة ( إنخرطوا ) ههههه .. |
|||||||
|
||||||||
30 / 08 / 2002, 45 : 04 AM | #8 | |||||||
عضو شرف
شكراً: 0
تم شكره 0 مرة في 0 مشاركة
|
يا ولد 000
عندنا كلمات حنا بعد البدو 000 مثلا اخوي يقولي يالتيس الاربد 000 الاربد انا عارف انها سبه بس مدري وش معناها :D يمكن التيس الحلو:D وكلمة ابحل 000 تجي من معنى سقها بس سقها يعني مرادف لها :D |
|||||||
مين "أجازي"
مين يا ترى صار في طبعه "قــاســي" الكلمة كلمة مرة "تجرح" ومرة .. فيها " التراضـي"
|
||||||||
30 / 08 / 2002, 57 : 04 AM | #9 | |||||||
وئامى متألق
شكراً: 0
تم شكره 0 مرة في 0 مشاركة
|
ههههههههههههههههههههه
|
|||||||
[FL=http://mypage.ayna.com/dmo3oa/63.SWF] width = 371 height = 155 [/FL]
|
||||||||
30 / 08 / 2002, 04 : 07 AM | #10 | |||||||
وئامي مجتهد
شكراً: 0
تم شكره 0 مرة في 0 مشاركة
|
يا بعدي والله ياعويشقه على الموضوع السنع
بس الله يصلحتس ماخليتي لي شين اكتبوه ... لكن ماجاء ببالي الا هالكلمة .. جَدَعَ.....يجدع....جدعاً.....فهو مجدوع والجدع :: المقصود بوه .. الرمي ويقال : جدعتوه بالزبالة <<أي رميته في الزبالة هذا مايحضر في ذهني الآن ... والله اعلم |
|||||||
[fot1]
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
غفوة فوق لهيب الفكر ..!! | مياسم | || اوْرآق مُلَوَنة .. | 8 | 20 / 05 / 2010 27 : 02 AM |
لكل لهجة حلوتها | ّّHUSAMّّ | ملتقى الأصدقاء | 2 | 11 / 02 / 2007 17 : 04 PM |
$$ صورة مهيب صاحية $$ | بقاياالأمل | ||ترفيه وَمسآبقآت | 5 | 06 / 05 / 2002 56 : 09 AM |
لهيب الاوراااااااق | ظـِلال الأنوثـة | ملتقى الأصدقاء | 3 | 15 / 12 / 2001 40 : 01 PM |
أطفي لهيب الشوق | البـــــدر | بوحْ الشعِر والنثر .. | 5 | 16 / 11 / 2001 59 : 10 AM |