مساء الخير ...على أحلى عالم ..عالم الوئام
حبيت أسمعكم قصيده قريتها وأعجبتني ..يلا أسمعوا ..أحم .. أحم ..
تضيق صـدور واحـلام وطـموح وينكسر مغبـون = تـزاحـم ذكـريات ويـنفـتح بـاب وتـضـيع آمـال
ويفـل الصــدر مسـباحه جـنون ويسـتمـد جنـون = ويذوب الملح بجـروح الصويب ويـنـصهر فنجال
وانـادي للـقـلوب اللـي تـلون بـالـف لـون ولـون = أحسب أن الجـميـع قلـوبهم مثلي دفـا وظـلال
أمـد يـديـني بكـامل نقـاهـا وافتـخــر وأمــون = وأداري كــل خـيـط يـنقـطـع وأبـدلـه بـوصـال
وأثـر بعض الأوادم لو تضاهر في وفـاه يـخون = تبـيـن زلـه لسـانـه بعـض بـوحه وهـو مـاقــال
هذاك اللي ذبحني في شراييني غـلا وشـطون = بذرته في وريدي لين غصنه في عروقي مال
أخذت سنين أفاخر في غـلاه وترتويه عـيون = وعليه أسدلت رمش العاطفه ليل وسهر وهبــال
شـربته مثـل ماأشـرب عيـون البـاب للـمسـجون = ورويـتـه مـثل ماتـروي دروب الـتفـرقـه رحــال
عطيته مثل ماتعـطي الحنـون لـطفلها المشطون = وأخـذت أكبـر جحود ولا لقـيت اللي يـسر البال
وعـرفت أن الاماني لـيل داكـن وانحـدارظــنون = وقطعت أخرخيوط الشك وأعطيت اليقين الفال
ونبت في الـذاكره طفل حلم يـرسم سماه مزون = ونسـي يـرسم على دفتـر خياله للوجـيه افعال
وكسر مرسامه المبري وضاق من العذاب الكون = ورمـى كـراسـته للـريح وأقـفى بـالألـم يختال
وفتـح صـدره لكل همـوم خلق الله وهو ممنـون = وعطا همه لصدره وأفتخر في صـدره الدهـال
وتضـيق صـدور وقـلوب وأماني والامال تهـون = وتناثر ذكريات وينكسر فاالذاكره علوم رجال
منقول