بسم الله الرحمن الرحيم
السلام عليكم ورحمة الله وبركاته ..
كيف حالكم .. عساكم بخير ..؟
أطلق شي بالدنيا
لاصرت تكتب موضوع رياضي
وأنت قاعدن تسمع ألبوم ( الأسرار ) حق فهد المساعد
خلونا ندخل في موضوعنا
//
" الحزم " يقدمها على طبق من ذهب " للهلال "
وكالعادة مباراة دامية جمعت " الشباب " بـ " الأهلي " ..!!
//
بالأمس القريب
إنتهت مباراة الشباب والأهلي
بفوز شبابي بـ 3 أهداف مقابل هدفين للأهلي
مباراة لا تحمل أي ذرة من تلك التي تسمى " الروح الرياضية "
كعادتهم في لقاءاتهم ..
عوّدونا على المشاكل والروح الغير رياضية ..!!
بصراحة وأنا قاعد أشوف المباراة
كنت أقول هذي مو مباراة تليق بمسمى
" دوري المحترفين السعودي " ..!!
لجنة الفشل .. جاءت بقرارات
أشوفها قليلة جداً ..
إيقاف " ناصر الشمراني " من ( الشباب )
و " وليد عبدربه " و " محمد مسعد " من ( الأهلي )
لمدة مباراتين .. ولكن كالعادة
بعد مضي نصف المدة
وهي مباراة واحدة
سيتم العفو عنهم ..!!
ما أقول إلا .. الله يصبر هالفريقين على بعض
نروح لـ مباريات أمس
الإتحاد والحزم
كـ عادة الإتحاد
يقاتل حتى آخر ثانية بالمباراة
بصراحة هو الفريق اللي أقول أنه يلعب لين مابعد الدقيقة :: 90 ::
مو مثل بعض الفرق اللي تضمن الفوز
وخلاص تهيّت باقي المباراة
مباراة حلوة
كان الحزم فيها متفوق
حتى بعد الهدف الثالث للحزم
جاء " بلنتي " للحزم
ولكن لم يحسب " كالعادة " ..
وإرتدت للإتحاد وجاب منها التعادل ..
في آخر ثواني المبارة ..!
الحزم اللي ما كنا نتوقع ولا 1 % أنه يوقف في وجه الإتحاد
سلب منه نقطتين وكسب الثالثة ..
وعطّل الإتحاد عن مشوارهـ نحو الصدارة ..!!
أما مباراة الهلال ونجران
هنا كلام ثاني
عودة قوية جداً جداً جداً لقناص الكرة السعودية " ياسر القحطاني "
الهلال بالأمس إنتقم من الفريق الوحيد اللي وقف في وجهه
وقدر يدك حصونه بـ ( سباعيه ) نظيفة ..
الهلال حتى الآن ماخسر إلا مباراة وحدهـ بس .. وهي قدام ( نجران )
وأيضاً حتى الآن أكبر نتيجة سجلها الهلال أمام ( نجران )
الهلال عرف كيف ينتقم من الحسن اليامي وكتيبته ..
موضوع آخر .. وخلونا نتعمق في كتيبة الفريق الأزرق
محمد العنبر .. ما أقدر أقول غير أنه مبدع وقليله بحقه
ماقدر يسجل في مباراة الأمس .. بس صنع هدفين ..
ويلهامسون .. مستواهـ يتطوّر من مباراة لأخرى
سجل هدف وصنع هدفين .. وقدم كم كورة إستعراضية
خالد عزيز .. أنا ما أدري وش راح يكون شكل الهلال بدونه
ماشاء الله عليه .. ( جدار ) الله لا يضرهـ
ماجد المرشدي .. رجّعنا لـ زمن الإمبراطور ( صالح النعيمه )
لذلك .. نقدر نسميه الآن بـ ( الإمبراطور ) ..
أحمد الفريدي .. ( فيلسوف الكرة السعودية القادم )
نقدر نسميه ( خليفة يوسف الثنيان )
لمساته ساحرة ومبدع
ياسر القحطاني .. ياسر هالمرة عاد ..
ولكن مو أي عودة .. عاد عودة قوية جداً جداً جداً
نقدر نقول .. أنه قدّم جرس إنذار صارخ
للمنتخبات الخليجيه .. ويقول لهم تراني جايكم بالدورة الجايه ومعاي مالك ووراي نور وعطيف سجل أربع أهداف .. وصنع الهدف الخامس بطريقة خرافية جداً
عودة حميدهـ يا ياسر
ختاماً ..
كل التوفيق لـ كتيبة الصقور الخضر
كل التوفيق لـ منتخبنا السعودي
بـ كأس الخليج للمنتخبات في دورتها الـ 19 في عمان ..