نعم شاعر نعم شاعر وللشعر الفخر كلَّه = ويفخر به ويعجز مايصل حوله ولا يمَّه
يسطر لي بيوت الشعر من دقه ومن جلَّه = بحر لامن كتب جات القصايد كلها جمَّه
يقول ان الشعر توه بداه وماملك قلَّه = وهو شاعر كبير وقد وصل في عالي القمَّه
قريت الشعر من عنده وله هيبه وله طلَّه = عرفته يوم يكتب للقصايد حطني همَّه
يضيق البال والخاطر ليا منه بعد ظلَّه = وليا منه رجع همي يروح وزالت الغمَّه
ولو يقسى علي أغفر خطاه ونغفر الزلَّه = وأقول إنه نسى بعض الكلام يضيع مالمَّه
وهو مثلي يسامحني وقلبه صافي الملَّه = تمنيته يعاتبني ياليت يقول لو كلمه
أنا عنده بإحساسي وله بين الملا حلَّه = وهو عندي مشاعر حب مخزونه وملتمَّه
أعرفه زين مايقبل يجي في موقف الذلَّه = عزيز النفس يابعده عن الغيبات والنمَّه
ليامني طلبته قال سمي روحي افداً له = ويشري خاطري كلَّه ولو كان الثمن دمَّه
ولا بالغت في مدحه ولا مدحي وصل لله = ولو قدمت له عمري ربحت وروحي اتلمَّه
دخل قلبي دخل قلبي سكن في داخل الفلَّه = فرح قلبي فرح قلبي وفي باب الغلا ضمَّه