السلااااااااام
هذي نقطة من بحر الأشياء اللي رافعة ضغطي ومخليتني أنهبل...
*رفعة ضغط
إنك تروحين لأخوك وتقولينله ودني مشوار ويقولك روحي مع السواق..وإذا ما لقيت أجد يروح معك
وطلعتي لحالك تقوم الدنيا عليك وما تقعد..
*رفعة ضغط
إنك تطلبين من البقالة أو المطعم وتمر ساعة .. وساعتين وثلاث ولا أحد يجي وترجعين تدقين عليهم
وتسألينهم وين الطلب؟؟ ويقولك آسف ما عندنا أحد يوصلك .. وبعد عشر دقايق يدق عليهم أبوك أو
أحد اخوانك ويطلب منهم وما يسكر السماعة إلا والجرس يرن..
*رفعة ضغط
إنك تروحين محل ملابس لحالك وتشترين قطعة.. ومن بكرا تروح اختك مع زوجها وتشتري نفس القطعة
بنص السعر..
*رفعة ضغط
إنك تنحكرين بالبيت شهر وبعدين تطلعين تتمشين مع صديقاتك وكلهم بنات ناس ومحترمات .. وبالآخر
يقولون الناس شوفوا الصايعة ما خلت مكان ما راحت له هي ويا صديقاتها بنات الشوارع..
*رفعة ضغط
ان البنت تلبس عبايه مخصرة وتتمكيج مكياج كامل وعطرها واصل آخر الشارع وتقول للعيال لا
تلحقوني..
*رفعة ضغط
ان أخوك يطلب من أهلك طلب ويقولونله سمعاً وطاعة.. وتجين بعد كم يوم وتطلبين نفس الطلب وتدوخين
السبع دوخات على ما تحصلينه..
وبس خلاص تعبت مع ان فيه أشياء كثيرة رافعة ضغطي بس أنا الحين ما أجمع دااااااااااايخة واللي عنده شي رافع ضغطه يحطه..:vb_gedo2:
مزمز