البارحه مدري وش اللي خذاني = يوم اجنبو عني من الضيقه اشملت
جيت اتكلم بس عيا لساني = ما كني الا مرتكب ذنب واخملت
الله يسامح من ذكرت ونساني = وانا ادري اني لاذكرته تجملت
عانيت وادري كل طيب يعاني = وعلى حساب طعوني الخضر جاملت
ياما خذو مني ولاحدٍ عطاني = من طيبتي في حق نفسي تساهلت
عزاي لامنه تجهم زماني = يممت وجهي للكريم وتوسلت
واللي يبي قربي وبعدي لقاني = امشي على وضح النقا ماتختلت
مرات احس انك معي شخص ثاني = ومرات احس انك حبيبي ومازلت
لاتفرح انك دجت بين المحاني = لو ماتخون الذاكره ماتسللت
عشان ماضيك الجميل وعشاني = حاول تشيل من الوفاء ربع ماشلت
ماني على خبرك حبيبي تراني = حتى عن صغار الاماني تنازلت
.
.
الشاعر .. متعب التركي ..
.
.