من يكمل باقيها ...

**أبو خـ البجادي ـالد** ● · 28 / 02 / 2010, 39 : 08 PM

ساعة جلس صفي وكفه بكفي = والنور مطفي والمخاليق هجّاع

قلت اسقني تكفى بكفك ويكفي = يمكن تطفي واهج ٍ بين الاضلاع

المطلوب .. هل لهذه القصيدة بقية ؟؟

ومن هو شاعرها ..

ياليت اللي يعرف يتكرم ويجيب باقي الأبيات وله الشكر ,,,

**اموره** ● · 28 / 02 / 2010, 50 : 08 PM

هلا ابو خالد

والله ما اعرفها وبحثت عنها مالقيتها <<<<< ياذكيه يعني هو مابحث قبلك خخخخ

كان ودي اكملها لك بس ماحصل

ان شاء الله تلاقيها ونستمتع فيها كلنا

**أبو خـ البجادي ـالد** ● · 28 / 02 / 2010, 08 : 09 PM

أهلين بالأموره ..

يوم شفت ردك بسرعة قلت أكيد اموره جابت العيد .

صحيح بحثت عنها لكن للأسف لم أجدها ..

اشكرك امورتي وطلتك تكفي ,,

**ملكة الاحساس** ● · 28 / 02 / 2010, 40 : 09 PM

هلا ابو خالد
عندي وانا بنت ابوي نقره لعرض الصورة في صفحة مستقلة

تفضل

ساعة جلـس صفّـي وكفّـه بكفّـي
والنّور مطفـي والمخاليـق هجّاع

"
قلت اسقنـي تكفـى بكفّـك ويكفـي
يمكن يطفّي واهج(ن) بين الاضـلاع

"
أخذت شفّـي خايـف اللّيـل يقفـي
والصبح يلفي واسمر اللّـون يرتـاع

"
حكم الهوى عرفـي قانـون مخفـي
والقرب يشفي كـلّ حايـر وملتـاع

"
وارسلت طرفي شفت امامي وخلفـي
وارخيت كتفي قلت يا حلو الاطبـاع

"
نصفك ونصفي لو جمعناها يصفـِي
عطفك وعطفي والهوى اشكال وانواع

"
مانته بمعفي قبلـة(ن) منـك تدفـي
جسمي وتطفي لوعة الشوق في ساع

من القصائد القديمة للشاعر
علي القحطاني

**أبو خـ البجادي ـالد** ● · 28 / 02 / 2010, 22 : 10 PM

والله وكفو والنعم ببنت ابوها ملووووكه

عزا الله قول وفعل وجبتيها ..

مش عارف كيف اشكرك والله ..

بصراحة ابيات حلوة فيها شفافية لأبعد حد ..

مانته بمعفي قبلتن منك تدفي
جسمي وتطفي لوعة الشوق في ساع

هههههههههههههههه كلام في الصميم ..

صح لسان الشاعر على القحطاني ..

وتسلم اناملك ملوووووكه

**شموع الغربية** ● · 01 / 03 / 2010, 09 : 12 AM

هلا ابو خااالد
عز الله انها عندي ومن اليوم احاااول اصلح الاتصاااال يقفل معي
هي معرووفه لعلي القحطاااني وقصيدة قديمة غنااها عدد من الفانين القدمااء امثال عيسى الاحساائي وغيره>>>طبعا ماني من اهل الاغاني بس سالت واحد عندي وقاالهاا
ما شاء الله الغلا ملوووكة جاابتها ماقصرت

**أبو خـ البجادي ـالد** ● · 15 / 03 / 2010, 03 : 10 AM

اقتباس:

المشاركة الأصلية كتبت بواسطة شموع الغربية

هلا ابو خااالد
عز الله انها عندي ومن اليوم احاااول اصلح الاتصاااال يقفل معي
هي معرووفه لعلي القحطاااني وقصيدة قديمة غنااها عدد من الفانين القدمااء امثال عيسى الاحساائي وغيره>>>طبعا ماني من اهل الاغاني بس سالت واحد عندي وقاالهاا
ما شاء الله الغلا ملوووكة جاابتها ماقصرت

وجودك ياشموع يكفي

وما شاء الله عليك اضفتي معلومة مهمة

ربنا يعطيك العافية ....

**wafei** ● · 15 / 03 / 2010, 04 : 08 PM

...............

...

الله يابو خالد يسامحك

رجعتنا لزمان الغي " اتحداك تعرف معنى الغي "

هذي الله يسلمك مثل ماقالوا الجماعة لـ علي القحطاني وغناها الفنان الشعبي عبدالله الحوشان
وانا اشهد اني من هالسنين يوم كنا وكان .. كنت معجب بهالكلمات واسمهر عليها بالليل واتخيل المنظر واخش جو لين انام ثم تعالي ياحلوووم
بصفي وكفه وكفي والنور مطفى ووو
هههه

فعلاً هي من كلمات علي القحطاني
وكلماتها مثل مااوردتها ملوكه

...

**أبو خـ البجادي ـالد** ● · 15 / 03 / 2010, 08 : 10 PM

اقتباس:

المشاركة الأصلية كتبت بواسطة wafei

...............

...

الله يابو خالد يسامحك

رجعتنا لزمان الغي " اتحداك تعرف معنى الغي "

هذي الله يسلمك مثل ماقالوا الجماعة لـ علي القحطاني وغناها الفنان الشعبي عبدالله الحوشان
وانا اشهد اني من هالسنين يوم كنا وكان .. كنت معجب بهالكلمات واسمهر عليها بالليل واتخيل المنظر واخش جو لين انام ثم تعالي ياحلوووم
بصفي وكفه وكفي والنور مطفى ووو
هههه

فعلاً هي من كلمات علي القحطاني
وكلماتها مثل مااوردتها ملوكه

...

الله الله يا وافينا أجل رجعناك ريوس لأيام الغي

يا اخي الغي اعتقد انه الجهل ؟؟ بس الجهل للي مو متعلم وشلون جت هذي ..

المهم يقول الشاعر ,,,

وما انا الا من غزية إن غوت
غويت وإن ترشد غزية أرشدُ

يا اخي انت خشيت جو مع الكلمات واحنا ما خشينا جو نقره لعرض الصورة في صفحة مستقلة

وين اقدر احصل شريطها ..

بصراحة كلماتها حلوة وتصف المكان اللي هم فيه بس مدري وينه ,,,

تحياتنا المعطرة لمن مر من هنا ,,,,

**عازف الإيقاع** ● · 16 / 03 / 2010, 29 : 12 AM

رائعه يابو خالد

سلمت يمينك