|
ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء |
|
أدوات الموضوع |
30 / 10 / 2004, 41 : 04 AM | #91 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
الحلقات القادمة
الإستعلامات : الحقيقة مدري وش اقول لكم 00لكن انتو مسلمين ومؤمنين بالقضاء والقدر الاستعلامات : المصاب في هذي الغرفة توفى من لحظات ام محمد : هاه 00توفى ؟ نتابع الاحداث مع الجزء الثالث والاخير والمتكون من 6 حلقات |
|||||||
|
||||||||
31 / 10 / 2004, 30 : 04 AM | #92 | |||||||
أسطورة الوئام
شكراً: 0
تم شكره 3 مرة في 3 مشاركة
|
مشاركة: ((//)) خربشاااااااااااات ((//))
اقلقو الرجال بحياته :vb_smoke:
مايسوا عليه :i723: لايكون محمد اللي .. ... .. هقوتي واحد ثاني بس الاستعلامات غلطانين والا حدا الي صدمهم راح فيها .. وبيضيع شباب محمد :i723: الافكار صارت تودي وتجيب .. لاتبطي يا الشفا :vb_gedo2: . . |
|||||||
اللهم استرني فوق الارض و تحت الارض و يوم العرض
|
||||||||
01 / 11 / 2004, 24 : 04 AM | #93 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
هلا وغلا
سديم مرحبتين فيك ان شاء الله الجاي اجمل واروع شكرا لك وعلى متابعتك |
|||||||
|
||||||||
26 / 11 / 2004, 25 : 12 PM | #94 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
بنتظر الحلقة الاخيرة <<<<< متعودة دايم ماتابع من المسلسلات الا الاخيرة عشان فيها الزبدة
|
|||||||
حَسْبـِي .. أنِّي أُنْثـَى ..
|
||||||||
28 / 11 / 2004, 39 : 08 PM | #95 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
ونكمل ماوقفنا عليه
كان هناك اتصال آخر الليل من المستشفى ردت ام محمد على التلفون ام محمد : مين ؟ محمد : انا محمد 00وش اخباركم ؟ ام محمد : وش فيك يامحمد 00عسى ماشر محمد : ابد والله سويت حادث بسيط لكني ولله الحمد بخير واتصلت عليكم عشان ماتقلقون علي ام محمد : سويت حادث ؟ متى ؟ محمد : لما طلعت منكم الظاهر اني كنت سرحان وصدمت سيارة شرطة 00بس الحمد لله جت سليمه ام محمد : وانت بخير ؟ محمد : ايه الحمد لله بخير 00اصابات بسيطة ويمكن بكرة او بعده اطلع ام محمد : كله من بنت ال 00 محمد : خلاص امي 00ماصار الا الخير ام محمد : شف يا محمد اذا طلعت من المستشفى بالسلامه لازم تشوف لك حل مع هالحرمه هالمرة جت سليمه لكن الله يستر من الجايات محمد : الله يكتب اللي فيه الخير 00انا الحين تعبان بس حبيت اطمنكم ام محمد : خلاص ونا امك 00احنا اذا جا وقت الزياره جيناك 00تبي شي نجيبه معنا محمد : مابي الا سلامتكم ولا تتعبون نفسكم 00انا يمكن اطلع ام محمد : لو طلعت عطنا خبر محمد : ياليت تقولين لسمر عشان ماتنشغل علي ام محمد : عشتو 00سمر في سابع نومه ماهي مهتمه ولا على بالها انت يامحمد على نياتك زي امك محمد : خلاص 00عن اذنك ودي ارتاح شوي ام محمد : مع السلامه سمر مانامت طول الليل تنتظر مكالمه من محمد عشان يطمنها ام محمد نامت وماقالت لسمر عن اللي صار لمحمد 00كانت تبي تخليها قلقانه وفي الصباح نزلت سمر 00طبعا سمر مانامت لسا سمر : صباح الخير خالتي ام محمد : صباح النور 00وش فيك ياكافي قايمه من الفجر سمر : ونا نمت أصلا 00 محمد ماتصل ؟ ام محمد : وليش تسألين عنه ؟ صدق لاقالوا يقتل القتيل ويمشي في جنازته سمر مابغت تطول السالفه ورجعت غرفتها واتصلت على امها ام سمر :وش فيك سمر صوتك ماهو عاجبني سمر : انا مانمت من امبارح ام سمر : ليه يابنتي 00فيك شي ؟ سمر : محمد طلع من امس ومارجع لحد الآن ولا حتى اتصل ام سمر : وماتصل عليكم ؟ سمر : طلع وهو زعلان 00 انا خايفة عليه 00حاسه فيه شي ام سمر : ماسألتي امه ؟ سمر : الا سألتها 00شكلها عندها خبر عنه ومو راضيه تقول لي لما جا وقت الزيارة ام محمد وبنتها ساره راحو للمستشفى وبدون مايقولون لسمر وفي المستشفى : ام محمد : تعرفين غرفته ؟ ساره : لا 00ماسألتيه لما اتصل ام محمد : وهو عطاني فرصه اسأله 00كلهم كلمتين وسكر التلفون ساره : طيب تعالي نسأل الإستعلامات الإستعلامات : هلا اختي 00وش بغيتي ؟ ساره : بغيت اسأل عن غرفة مريض عندكم اسمه محمد الاستعلامات : لحظة اشوف 00 اسمه محمد ؟ ساره : ايه الإستعلامات : اللي سوى حادث ؟ ام محمد : كله منها الله ياخذ عمرها الإستعلامات : انتو أهله ؟ ام محمد : انا امه وذي اخته 00وراك تحقق معنا ؟ وين غرفته ترى مابقى وقت على الزياره الإستعلامات : الحقيقة مدري وش اقول لكم 00لكن انتو مسلمين ومؤمنين بالقضاء والقدر ساره : وش يعني ؟ غرفة اخوي وين ؟ ام محمد : وش فيك ؟ وين غرفة ولدي ؟ الإستعلامات : محمد حصل عنده نزيف داخلي وتوفى ام محمد : هاه 00توفى ؟ ونتابع حديثنا لاحقا ان شاءالله |
|||||||
|
||||||||
28 / 11 / 2004, 42 : 08 PM | #96 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
كنا قد توقفنا في حديثنا السابق في المستشفى
ام محمد بعد ما سمعت خبر موت محمد أغمي عليها 00اما ساره فكانت في وضع لا تحسد عليه أمها مغمي عليها واخوها توفى سمر في البيت تنتظر اخبار عن محمد 00وفجأة تلفون البيت يرن سمر : الووه محمد : هلا سمر سمر : محمد ؟ ماطلعت ؟ محمد : لا لسا باقي شوي فحوصات واطلع 00غريبه محد جاني المستشفى كنت محتاج شوي ملابس سمر : ليه امك وسمر ماجوك ؟ محمد : ماجاني أحد والزيارة خلصت سمر : غريبه 00انا لما نزلت قالوا لي ان امك وسمر راحوا للمستشفى 00وين راحوا ؟ محمد : ترى اقلقتيني عليهم 00ارجوك اذا ارجعوا كلميني على تحويلة المستشفى سمر : ان شالله في المستشفى كان الموضوع زي توقعاتكم 00كان هناك لبس في الموضوع تشابه أسماء موظف الإستعلامات الله يهديه استعجل وماتأكد من الإسم كامل مدير المستشفى بنفسه حضر لغرفة محمد وقدم اعتذاره عن هالخطا الغير مقصود من الموظف ووعدهم بعقابه على إهماله سمر : وبس ؟ وامي اللي بغت تروح فيها بسبب اهمال موظفكم مدير المستشفى : والله يختي انا مستاء من الموضوع أكثر منك لكن ماباليد حيلة ان شاءلله امك بتقوم بالسلامه 00ممكن تعطيني اسم اخوك كامل مدير المستشفى راح لغرفة محمد وشرح له الموضوع واعتذر منه حضر محمد لغرفة امه وسلم عليهم 00كانت فرحة امه كبيره بسلامة ولدها ان شاءالله بعد هالحادثة ام محمد تاخذ درس وتبطل تنكيد بمحمد وزوجته فعلا ام محمد تغيرت عن أول ولمدة شهرين 00لكن ابو طبيع مايخلي طبعه رجعت ام محمد لمشاكلها مع سمر 00وتطورت المشاكل أكثر واكثر حتى كرههتها في عيشتها سمر تقول خلاص مقدر اتحمل اكثر من كذا 00نادت محمد سمر : شوف محمد 00انا خلاص ماقدر اتحمل 00اعصابي كل يوم تتعب اكثر واكثر 00شف لك حل مع امك محمد : وش تبيني اسوي 00هاذي امي ياسمر سمر : ونا تحملتها اكثر من سنه عشان خاطرك لكن زي منت شايف كل مالها تزيد محمد : والحل ؟ سمر : نطلع بيت لوحدنا ومو مشكلة لو كان قريب منهم محمد : هالموضوع تناقشنا فيه كثير وانتي عارفه جوابي سمر : ونا خلاص استويت وماقدر على هالعيشة 00بروح لبيت اهلي وانت راجع نفسك محمد : الله يهديك 00بلاش تعقدين الأمور خلك مع اولادك وان شالله نلقا حل لهالموضوع سمر : من سنه وانت تقول هالكلام 00خلاص يامحمد من جد ماقدر اتحمل راحت سمر لبيت امها 00ام محمد مبسوطه طبعا 00كلمت محمد ام محمد :وش اخبار سمر ؟ محمد :مافيه اخبار جديده 00بس راكبه راسها الا تبي بيت ام محمد : لو تسمع كلامي يامحمد ؟ محمد : ونا من متى عصيتك ؟ ام محمد : اتركها ولا تسأل عنها 00هالحين عيالك ماشالله عليهم كبار وماعليهم خوف محمد : وش يعني ؟ ام محمد : يعني تزوج يا محمد 00انت زواجك هذا من بدايته ونا ماني مرتاحه منه انت تعتبر نفسك متزوج حرمه ؟ محمد : يؤ 00اجل متزوج رجال ؟ ام محمد : هاذي ماهي حرمه 00ذي خزان مشاكل ياساتر عليها محمد : يعني ؟ ام محمد : يعني مالك الا الزواج محمد : اتزوج ؟ ثانيه ؟ ام محمد : ايه ثانيه 00ليه منت رجال ؟ محمد : الا رجال 00بس وش دخل الرجوله في هالموضوع ؟ ام محمد : يقول المثل يا محمد طق النسا بالنسا ولا تطقهم بالعصا محمد : واجلس اطقهم الا متى ؟ 00صراحه صعبه ام محمد : شف انا حاطه عيني على وحده ياهي بتريحك 00حرمه على كيفك محمد : شلون على كيفي ؟ بعدين متى دورتي ولقيتي ؟ ام محمد : حرمه يامحمد عقل وثقل تتمنى الكلام منها مو زي سمر ياكافي ملسونه هاذي يامحمد ماتتكلم الا اذا طلبت منها الكلام واذا تكلمت كلامها بالقطاره محمد : انتي تتكلمين من جدك ؟ ام محمد : هالأمور يا محمد مافيها مزح محمد : وعيالي ؟ ام محمد : الله واكبر عليك 00عيالك عيالي واحنا بنشرط عليهم ان عيالك معك هاه 00 نتوكل على الله ونخطبها ؟ محمد :تخطبونها ؟ امممممممممممم في حديثنا القادم 00هل يرضى محمد بالزواج على سمر ؟ صراحه مدري <<<<<<<<<<<< حلوه ماتدري ؟ |
|||||||
|
||||||||
28 / 11 / 2004, 43 : 08 PM | #97 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
وتتابع الأحداث وصار اللي مفروض مايصير
محمد مع إلحاح امه كلم سمر محمد : سمر ماودك ترجعين وتفكيني من الإحراجات مع اهلي 00 سمر : انا يا محمد عطيتك رايي 00مسألة اني ارجع عند اهلك شلها من مخك اذا انت شاريني وتهمك راحتي خذ لنا بيت لوحدنا 00 يا محمد انا صار لي اكثر من شهر ماأنام زي الناس والسبب امك محمد : سمر 00امي جالسه تزن على راسي هاليومين تبي تزوجني سمر : خلها تزوجك 00امك تبي وحده على كيفها 00امك يا محمد تبي شغاله ماتبي زوجه انا يا محمد معد اقدر استحمل 00تحملت اللي فيه كفاية محمد : يعني هذا آخر كلام ؟ سمر : ايوه 00ماعندي كلام ثاني أخيرا محمد اقتنع بفكرة الزواج لكن اشترط على امه مايطلق سمر كان رايه يترك فرصه للرجعه لو ماصلحت الزوجه الجديده يرجع لسمر ام محمد : خلاص يامحمد لاتطلقها 00بس صدقني اذا شفت العروسه اللي اخترتها لك بتنسى سمر محمد : نقول ان شالله 00متى بنروح نشوفها ؟ ام محمد : بعد ذي تبي تشوفها ؟ محمد : أكيد لازم اشوفها انتو عارفين مبدأي في الزواج ام محمد : عشتو 00هاذي سمر شفتها وجلست معها والتاليه الله يديم النعمه بس محمد : شوفي 00مسألة اني اتزوج زواج شختك بختك مرفوض 00هاذا زواج يعني سنين مو يوم او اسبوع أجامل ولا اصبر ام محمد : والله يا محمد انك متعبني اكثر من ابوك الله يرحمه ابوك يامحمد مايثني كلمتي لكن انت معاندي وراسك يابس بس ماقول الا الله يصبرني محمد : وش قصدك براسي يابس 00يعني اذا طلبت حق من حقوقي قلتوا راسك يابس 00 رجعنا على موضوعنا الأول ؟ ام محمد : خلاص يا محمد انا بتكلم مع امها بكره 00بس شف اذا وافقوا ترى دقيقتين اجلس وياك معها مابيك تفشلني مع اهلها محمد : زين 00اهم شي اشوفها واتكلم معها لو كلمتين ام محمد تكلمت مع امها وبالطقاق وافقوا وكان الموعد بعد اسبوع وفي اليوم الموعود أخذ محمد امه واخته وراحو لبيت العروسه الجديده محمد : الا ماقلتو لي 00وش اسمها ؟ ام محمد : نسيت اقول لك 00اسمها مها محمد : مها ؟ ام محمد : اسمها حلو 00البنت يامحمد رزينه وثقيله ماهي مطفوقه زي سمر محمد : ايه 00اهم شي تقنعني خلقا وأخلاقا إضافة الى الشكل والمضمون ام محمد : انا متأكده انها بتعجبك 00أهم شي خلك ثقيل اذا شفتها لاتصير مطفوق زي ذيك المره محمد : متى ؟ ام محمد : يوم رحنا نخطب سمر محمد : أها 00تدرون اول مره اروح اخطب وماعندي خبره أما الحين اكتسبت خبره لابأس بها ام محمد : نشوف وفي بيت العروسه 00جت مها وجلست بجانب امها وابوها محمد جلس يطالع فيها شوي وسأل امه : محمد : اقدر اتكلم معها ؟ ام محمد : اصبر لما اسأل امها ام محمد شاورت ام مها والأم شاورت مها وتمت الموافقه على التحدث محمد : هلا مها مها : هلا محمد محمد :وش اخبارك ؟ مها : بخير 00انت وش اخبارك ؟ محمد : انا تمام 00انتي تدرسين ولاخلصتي ؟ مها : رسبت في ثاني ثانوي سنتين قالت امي وجهك مو وجه دراسه خلك معي في البيت ساعديني احسن ام محمد تقرص مها وتشاورها في اذنها 00ياخبله لاتقولين كل شي 00اثقلي فشلتينا وسنتابع حديثنا لاحقا |
|||||||
|
||||||||
28 / 11 / 2004, 46 : 08 PM | #98 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
مساء الخير للجميع
في حديثنا السابق كان محمد جالس مع مها مها هي الخطيبه او نقول العروسه الجديده سألها سؤال واحد محمد ماأعجبه اسلوبها في الكلام كان يقول في نفسه من أولها يا مها ؟ مها بادرت محمد بهذا السؤال : انت متزوج ؟ محمد : ايه مها : عندك عيال محمد : ايوه مها : طلقت زوجتك ؟ محمد : لا مها : ومتى ناوي تطلقها ؟ محمد : الا ماقلتي لي كم عدد اخوانك مها : اخواني ولا اخواتي ؟ محمد : كلهم مها : 13شخص اربع بنات و 9 اولاد امي الله يعطيها الصحه تجيب ذا ورا ذا دايم طقاق مع ابوي ههههههههههه يقول ابوي وش فيك صايره كنك كفر سياره محمد : كفر سياره ؟ وش قصده ام مها : اقول محمد ترى هذا ماله علاقة بموضوع الخطبه محمد : بنتك هي اللي تتكلم انا ماسألتها ام مها : طيب قومي مها يكفي ام محمد : خلاص خلها تقوم محمد : بس انا ماقلت اللي عندي كله ام مها : كل هذا وماقلت كل اللي عندك محمد : وبنتك عطتني فرصة اتكلم ؟ ام مها : خلاص يا محمد انت شفتها وهي شافتك وتكلمت معها وتكلمت معك اعتقد يكفي ام محمد : يكفي يامحمد 00خلاص احنا بنروح وبعد اسبوعين بينا اتصال ان شاءالله ام مها : الله يكتب اللي فيه الخير ام محمد : آمين قامت ام محمد ومحمد جالس ام محمد : قم يا محمد 00وش تنتظر باولدي؟ محمد : يعني خلصنا ؟ ام محمد : وش تبي بعد 00البنت وشفتها خلنا نروح وفي البيت جلس محمد مع امه يتكلمون في هالموضوع محمد : والله ماني مرتاح من هالبنت ام محمد : ليه ؟ بنت مزيونه وعاقله محمد : بس مصرقعه 00ماشفتيها وهي انواع الفضايح بأهلها ام محمد :يا محمد البنت صريحه وماتعرف تجامل محمد : صريحه ؟ ياخوفي بكره تصير فضيحتي بجلاجل على يديها ام محمد : يامحمد ياولدي لاتنسى ان عندك اربع اولاد ومحد راضي بك وهالبنت وافقت تاخذك محمد : وهذا اللي مخوفني 00ليه وافقت وهي عارفه ظروفي ؟ ام محمد : ياسبحان الله لو رفضتك زعلت لما وافقت خفت 00ماني فاهمتك يا محمد محمد : طيب انتي وش رايك فيها بصراحه ؟ ام محمد : انا رايي انها اللي تنفع لك يا محمد 00توكل على الله وخذها محمد : الله يكتب اللي فيه الخير 00عطوني فرصه اسبوع افكر واقول لكم ام محمد : زين بس لا تتأخر علينا عشان ارد لهم وبعد اسبوع كان قرار محمد ؟ نشوف قرار محمد بس في الحديث القادم ان شاءالله اشوفكم على خير |
|||||||
|
||||||||
28 / 11 / 2004, 48 : 08 PM | #99 | |||||||
عضو شرف
شكراً: 0
تم شكره 0 مرة في 0 مشاركة
|
مشاركة: ((//)) خربشاااااااااااات ((//))
هلا وغلا اردينا نورتينا ونور الموضوع
حياك الله الحلقه الاخيره باقي مطوله هههههههههههه ياليل مطلك |
|||||||
|
||||||||
28 / 11 / 2004, 10 : 09 PM | #100 | |||||||
أسطورة الوئام
شكراً: 0
تم شكره 3 مرة في 3 مشاركة
|
مشاركة: ((//)) خربشاااااااااااات ((//))
ايه .. لعبو بك يا محمد .. وانت ماعندك مانع
شكله بيجيب العيد . . |
|||||||
اللهم استرني فوق الارض و تحت الارض و يوم العرض
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|