![افتراضي](images/icons/deficon1.gif)
من قصص الملك فيصل بن عبدالعزيز رحمة الله عليه
السلام عليكم ورحمة الله
حبيت اضيف لكم بعض قصص الملك فيصل رحمه الله
ومن يحفظ له شيً من القصص ياليت يضيفها هنا
يقال في بداية توحيد المملكه العربيه السعوديه كان الملك عبدالعزيز مشغول بتجهيز المقاتلين
وفي يوم من الايام طلب منه ابنه الثاني الملك فيصل ان يزوجه
فقال الملك عبد العزيز يابني الزواج يحتاج مال والمال المتوفر عندنا نحتاجه في تجهيز المقاتلين
انتظر شي من الوقت واذا استقرت امور الدوله زوجناك
فأصر الملك فيصل على الزواج واستعجل والده الملك عبدالعزيز في تلبيه طلبه
قال الملك عبد العزيز اسمع مني هالبيت يمكن تقتنع وتأجل الزواج قال تفضل ياوالدي
قال الملك عبد العزيز
لاصرت بالصمان والليل ممسيك
اطيب لطيف الروح والا المطيه
وكان يقصد لاصرت في صحرى الصمان ماحولك احد وفي ليل
احسن لك يكون عندك ذلول(مطيه) تركب عليها وتوصلك لمكان آمن والا يكون عندك زوجه تموت انت وهي من الضمى في صحرى الصمان
فكان رد الملك فيصل
الله كريم ولا أمر بالتهاليك
ولاأمر برافق جالي الثنيه
وكانه يقول يابوي الله يرضى عليك انت ليش مصعبها
وش الي يوديني الصمان التهلك لوحدي
وليش تحرمني من الزواج الي الله سبحانه اباحه لي
هنا استجاب الملك عبد العزيز لرغبة الملك فيصل وزوجه
|