تأهل المنتخب السعودي لدور الثماطنعش في نهائيات كأس العالم
بدون مايلعبون " بدري على البرازيل تسوي زينا " لأنهم فايزين على السنغال قبل البطوله والسنغال فازت على السويد
في دور السطعش يعني انحن فزنا على السويد في هالبطوله وكسّرنا روسهم
وردينا لهم هزيمتهم لنا في كاس العالم 94 ، ( الله يذكر ناصر الجوهر بالخير )
والزبده ان السنغال فازوا بالهدف الذهبي اللي سجله المهاجم هنري كامارا في الوقت الاضافي من المباراة
وأنا أشهد ان هالافارقه ماينتحارشون أبد ويتعاقبون الفتّ كل مادجّ منتخب طلع منتخب ثاني أخير منه ،
فعقب ابداع الكاميرون ثم نيجيريا هذي السنغال تبدع في هالمونديال ويكفي كرشتهم لفرنسا ،
والأكيد ان السنغاليين مهمب مستوعبين تأهلهم الا عقب ثلاثة أشهر لأنها أول مشاركه لهم ولا توقّعوا انهم يبدّعون هالابداع
وعلى فكره ترانا انحن اللي مودّين السنغال لليابان في طيارتنا يعني الكاس نبي نتقاسمه انحن وياهم ان خذوه ، وأكيد ان ناصر الجوهر عقب المباراة لقى بعض نقاط الضعف
في السنغال وعلّم بها مدرّبهم وعطاه بعد على دربه كذا خطه عشان يلعبون بها والا كان ماشمّوا التأهل " مشكلتنا ان انحن حاقرين أنفسنا .. والا ترانا منحنب سهلين 00
ويااااااحلالات الانا في الطياره متغالطين معهم في التكارنه ، وخذنا تكارنتهم وخذوا تكارنتنا وبدّلنا الفنايل ولا من شاف ولا من دري ،
كان هالحين انحن متأهلين صدق لدور الثمانيه وكان ثمانيه المانيا تجي في ظهور السنغال ، بس ما الله أراد وياليت كل التكارنه مثل لاعبين السنغال
مير البلا الا جو مثل لاعبينا اللي لا وجه ٍ في المقعد ولا ... المهم بس وش توقعون تفوز السنغال في مباراتها الجايه ويتأهل منتخبنا لدور الاربعة والا لا ؟
غط ساقك لا تغرينا
والله من الملح
حظهم ان صالح كامل مهوب سنغالي ولا كانو ما شمو المباراة