موحش الليل فـــ غيابك .. ودمه ثقيل = وكل ما قلت اطوّل صبري .. الليل طال !
وحدةٍ طاولتني بين صمتٍ هزيل = وبين فوضى تناهيدي وزحمة خيال
أشعر انك هنا جنبي .. وادوّر دليل = صوت خطوتك .. والا عطر .. والا ظلال
ويتساقط من الإحساس دمعٍ ذليل = حس في وحدتي واطلق عنانه .. وسال
أختنق بيني وبيني وحزني وكيل = كل ما اصالح الدمعات .. يطرح سؤال
عنك .. عنّي .. عن غيابك .. عن المستحيل = وكل ما اجاوبه .. يضرب لبعدك مثال
غيبتك قبل كم ليلة .. واوّقف واميل = للتعب .. واحتراقٍ ما يخلي مجال
ويطلع الصبح .. لكن ما يداوي عليل = أنعس شوي .. واحلم بك .. وانادي : تعال
وانتبه .. واثر هذا الصبح دمه ثقيل = ما ترك لي من الأحلام شيٍ يقال !
//
//
زايد الرويس
.
.
.