سلام الله على ظلـم الفـراق وقسّـوة الأيـام = عسى ربي يسهلّ لك طريقـك وتحيـا وتـدوم
رح ووجهك بياضه من بياض الصبح ماينـلام = وانا من مدّة ايدين البخت يرضينـي المقسـوم
وش بيدّي وقف حظ الفقيـر وماتـت الأحـلام = إذا حبّك من أوّل يوم وفراقـك مـن أوّل يـوم
رقبتي قفلتين وسيف هجرانـك مسيـرة عـام = جلدني وأنكرتني ملحة العشـره وربعـي قـوم
يهونها لو أن الحـظ يسّلـك مسّلـك الأقـدام = ماكان أوصل حدود الأرض وأعوّد وأنا محـروم
تصافق لك معاليق الضماير يا بعـد مـن قـام = وخلاني خصيم لوسعة الصـدر ولذيـذ النـوم
أداري عبرةٍ ضامت عيونـي والعيـون تضـام = وأكبّر هقوتي لا كبرت الشرهـه وكبـر اللـوم
ياويلي من مناديب الضنون وطرقـة الأوهـام = تساويني معك في خانـة المحمـود والمذمـوم
تشوف أنّك على حد اليمن وتشوفني في الشـام = واشوف إنّا على وجه الحياه إثنين توم وتـوم
تذكّر وانت عنّـي بعـد الأبـوّه عـن الأيتـام = رهين الغربه اللي من ديـاره ماتجيـه علـوم
بعد مادار عام من المفارق يـا غـرام العـام = وروحي مابقـى الا زفرتيـن وتبلـغ الحلقـوم
لا ترخص قيمتي لامـن تذكرتـك وأنـا قـدام = وجيهن تذكر الظالم ولا تـدري عـن المظلـوم
مابعتك بالسحايب والبروق السمـر والأنسـام = وساموني بتلويحة وداع وبعـت بـأوّل سـوم
سئمت العيش (نون وصاد) واللذات (سين ولام) = بنـادم والبنـادم حيلتـه ماتوجـد المـعـدوم
مادام الصحف جفت وأنت رحت ورفعت الأقلام = على حبٍ من أوّل يوم وفـراقٍ مـن أوّل يـوم
مدغم ابو شيبه
.
.
.