|
بوحْ الشعِر والنثر .. للشعر الفصيح والشعبي والنثر " المنقول " |
|
أدوات الموضوع |
21 / 03 / 2009, 10 : 12 PM | #1 | |||||||
" شاعـر "
شكراً: 0
تم شكره 0 مرة في 0 مشاركة
|
،،،،،وداعا ياجلعوده (ام رجوم) وداعا وداعا،،،،،،،
السلام عليكم
امضيت مع النوق قرابه خمسه اشهرفي منطقه ام رجوم كان بتاريخ18 /10 / 1429هـ الى22 / 3 / 1430 هـ كان وقت ربيع وخير ولاواجهنا الاكل علوم طيبه من جلعوده واهلها وتعرفت على النشامى هناك والان ابي ارتكز علوا والله يعين العتبان على اذاجيتهم وإلي رجعه بحول الله لياصدق الوسمي الزمان الجاي .............. وداعا يااحبابي وداعا ياتلك الاطلال وداعا ياجيراني ومعارفي وداعا وداعا .... ..... اباسوق ذودي واترك العرق وام ارجوم . وابترك صياهدها ولافي حيله ... ليل سقتهاواعليت. ابالقا ميت شغموم. يازين النياق لياتقافت محيله ... بعدسمنت (الونقى)عليها الشحم كوم. تفازر ظهرها من شحمها تشيله. .... الي سلم والعربان كل له اسلوم. ماحد قد رضي بالناقصه والهزيله ... وداعا فمان الله ياهل خبه الحوم. نبي نلتقي بايام وقت جميله ... يارتاج حصيان(ن)لهايطرب البوم. فمان الكريم الجيب فريت ويله ... بترس الثلاثه والكفر جنطه اكروم. شحطته بنمره لين تسمع عويله ... على داركم ياصحابنا شافو غيوم. تلاوح بروقه يعجب اللي يخيله ... يقولون طاح الصيف في عبلة المصلوم. واناحالف اللي دين ترعى طويله ... ابكاركبار الروس مع رثمة اخشوم. لياطاح صيف بنجد خجيت سيله ... عيوني جزت معا يهنابها النوم. مغير اتقلب لابس لي خميله ... انافي عنا والوقت يجلب لي اهموم. اباردعلى عدان نجد العليله ... اباروح للهيلا عسى عزها دوم. ولو ماحصل منهم لقينا بديله ... صحيح العرب مابين معطى ومحروم. وانا هقوتي فيهم عيال القبيله ........ وداعا وداعا إلي ان نلتقي وداعا .. .... |
|||||||
|
||||||||
21 / 03 / 2009, 16 : 12 PM | #2 | ||||||||||||||||
مدير عام المنتديات
شكراً: 265
تم شكره 102 مرة في 99 مشاركة
|
...........
... الله الله
واذا ربعت الديرة ترانا ناوين نخطرك ونبي نربع ونصيف ونشتي عندك قصيدة رااائعه جميلة ومعبرة ابداع الجسر لايختلف عليه اثنان ومنحك لقب " شاعر " لم يأتِ من فراغ ابدعت يالجسر وكما هو الابداع المعهود منك ... |
||||||||||||||||
|
|||||||||||||||||
21 / 03 / 2009, 44 : 11 PM | #3 | |||||||
وئامي جديد
شكراً: 0
تم شكره 0 مرة في 0 مشاركة
|
الي سلم والعربان كل له اسلوم.
ماحد قد رضي بالناقصه والهزيله ... الله صح لسانك ابيات في قمة الروعه والله يحيك لجيت عتابه... |
|||||||
|
||||||||
22 / 03 / 2009, 07 : 11 AM | #4 | |||||||
" شاعـر "
شكراً: 0
تم شكره 0 مرة في 0 مشاركة
|
الاخ العزيز وافي
يسعدني مرورك هلا والله وغلا ارحب والله اذاجيت واذا وصلنا لديار الهيلا بحول الله ابي اعلمك باالمكان وتزورنا وتشرب من در البكار المصاغير بحول الله بس توعدني انك تجي اقول الله يحييك عدد مواطيك تقبل تحياتي ................ ............ ....... الاخ سلطان العتيبي هلاوالله وغلا يسعدني مرورك شرفتنا حفظك الله اسمع عاد لازم تقوم بحق الظيافه اذاوصلناكم وهذا شي مهب غريب عليكم انتم اهل كرم وعلوم طيبه ههههههه ترى الذود قد نزلت مع العتش يوم الجمعه الماضي تحرو لنا يوم الاربعاء بحول الله شكرا لمرورك حفظك الله تقبل تحياتي |
|||||||
|
||||||||
22 / 03 / 2009, 57 : 06 PM | #5 | |||||||
عضو شرف
شكراً: 0
تم شكره مرة واحدة في مشاركة واحدة
|
شاعر يالجسر
بـيّض الله وجهكــ وصح لسـآآنكــ ويامحلى الطلعه مع شرواكـم بـ هالأجواء اللي ترد الروح لاعدمنــا إطلاالتكــ المشووقه دآآئمـا :: |
|||||||
::
|
||||||||
22 / 03 / 2009, 12 : 11 PM | #6 | |||||||
" شاعـر "
شكراً: 0
تم شكره 0 مرة في 0 مشاركة
|
صح السانك وعلا شانك
بدعت وابدعت لاهنت |
|||||||
|
||||||||
23 / 03 / 2009, 40 : 10 AM | #7 | |||||||
" شاعـر "
شكراً: 0
تم شكره 0 مرة في 0 مشاركة
|
المتهور
........... يسعد صباحك بالخير والمسرات الله يحييك في اي وقت سير جاي ابشر بالحليب والعلوم الزينه وتمش في بر ابوصبيح على ماقالو يسعدني تواجدك .... تحياتي لك |
|||||||
|
||||||||
23 / 03 / 2009, 34 : 08 PM | #8 | |||||||
مدير المتابعه والتطوير
شكراً: 0
تم شكره 24 مرة في 23 مشاركة
|
يقولون طاح الصيف في عبلة المصلوم = واناحالف اللي دين ترعى طويله ابكاركبار الروس مع رثمة اخشوم = لياطاح صيف بنجد خجيت سيله يقولون طاح الصيف .. وأنا أقول أنك مبدع بما تعني الكلمة من معنى أبيات كأنها لوحة مرسومة ونتخيل ترجمة الأبيات بها . ما أروعك اخي الجسر وصح لسانك سيدي ,,, |
|||||||
اعطني قوة المنطق واترك لك منطق القوة
|
||||||||
25 / 03 / 2009, 18 : 12 AM | #9 | |||||||
" شاعـر "
شكراً: 0
تم شكره 0 مرة في 0 مشاركة
|
ابو خالد البجادي
... الله يحييك عدد مواطيك مرحبا الف ...... الرائع هو تواجدك معنا اشكرك على المرور لاعدمناك حبيبي .... تحياتي لك واشواقي |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
@@ وداعا ياوئامي الغالي ...وداعا @@ | الوجود | ملتقى الأصدقاء | 3 | 21 / 01 / 2003 21 : 09 PM |
@@ وداعا ياوئامي الغالي ...وداعا @@ | الوجود | بوحْ الشعِر والنثر .. | 4 | 14 / 01 / 2003 01 : 03 AM |
@@ وداعا ياوئامي الغالي ...وداعا @@ | الوجود | ||ترفيه وَمسآبقآت | 3 | 13 / 01 / 2003 55 : 11 AM |
وداعا ..... | جومانه | بوحْ الشعِر والنثر .. | 4 | 28 / 12 / 2002 41 : 05 PM |