تعالي تعالي واسمعي مني التفصيل =علومٍ مخبيها على الناس ما تدري
أنا ضعت في بحر الهوى ما عرفت احيل = تقلبت فيه أيام كني على الجمري
حسبت أن قلبي قاسي ما يحب الميل = أثرني سريع الميل يا ناس من بدري
شربت الهوى كاسات واليوم جاء التكميل = على شط نهر الحب والنهر بي يجري
وقمت اقطف اورودٍ واشكل بها تشكيل = ابيها هديه لك مع وافر العذري
ألا يا حبيب القلب عطلتني تعطيل = وصرت الأسير اللي فقد معظم الصبري
يقولون من شافوك والعلم بالتقويل = وانا احس في نفسي كلام العرب جسري
ويا ليت تسمح لي ترى زايد التطفيل = وبعض الفضول اللي نويت انثره نثري
ركبت الخيال اللي مشابي ظلام الليل = واشوفك خيال اقرب من الواقع الحصري
جمالك ملكني واصبح الفكر فيك يخيل = خيالي حكرته عندك وصرت منجبري
جمالك طبيعي ما تزينت بالتجميل = وشعرك سواد الليل واسود من الحجري
عيونك وساع ورمشها زايد التطويل = وزايد حورها والحور منك منحدري
اشوفك مثل شمسٍ ولا دونها تظليل = وأنا الليل اشوفك مثل نجم السماء يسري
طويله قصيره فاتنه ما لها تعديل = انيقه جميله صعبه اوصفك يا عمري
صغيره اميره عالمك فيه عدل وميل = لك الحلم علم وليت حلمي يجي فجري
اديبه رتيبه عالم اخر بلا تفصيل = كفايه ولو زدت الحكي قلت يا عطري