يا وافي .. بعيرنا (عليان) أصابته عين ابن مجلـّي!!!

>>>>>>>>><<<<<<<<<<<

يا وافي ولا يهونون أهل الوئام

بعيرنا (عليان) اللي مسيوم بـ600 ألف لقطه حبيب بن مجلـّي
بعين ، وله شهر مريض وطايحن تحت الوايت ،،،
وصدق الرسول صلى الله عليه وسلم حيث قال : (العين حق، تدخل
الرجل القبر وتدخل الجمل القدر) أو كما قال .
والواجب ان الا نسان اذا رأى ما يعجبه أن يذكر الله ويدعو بالبركة
لكن وين اللي يطبق هذا اليوم ؟؟؟

[poet font="MS Sans Serif,4,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أقوووووووول :

ياوافي الوافي يخوك افطنلي=اصيح باعلىالصوت،هل توحيني؟
قول : ايه وابك انهج علي ارسلـّي=رايك لعل الرب . به يشفيني
ليتك تراني يوم ارامح ظلـّي=فالقايلة لا طاف طيفه فيني
ابعيرنا اللي فالثمام ايفلـّي=بامن وبمان وزيلته تبريني
عليه سوم(ن) فالغلا متعلـّي=ميتين مع ميتين مع ميتيني
سومة شريطي(ن) يطيح رضا(ن) لـّي=يبغاني اعقد بيعته في حيني
ساموه ليل اهلال سبعه هلـّي=وحل السبب به عصر يوم اثنيني2
عين اقشر(ن) يُدعى . حبيب مجلـّي=وجهن كريه اعور حدى العينيني!
عساه للـّي حجم تسعه ملـّي=اللي يثور ابْمَجْمَع اللحييني
ولا عساه بطلقة العصملـّي=اللي تمثنا مفرق الثدييني!!

وش الحل ؟؟???

وفزعت انا للبيطري متولـّي=ودفـّــيت متولـّي بكم قرشيني
وقلت ابك يا متولـّي ابْد الحلـّي=وقال الجمل عايز دوا نوعيني
قلت: ابك يا مصري ، تراني كلـّي=وما املك فدا عليـان لا تلهيني
تقرق عليـّه والبعير مولّي؟=اخلص ترا قرقك علَيْ مغثيني
ادوخت راسي من عصر ترطنلي!=وازعجتني يا نابي الصدغيني!
وصرف لي المصري علاج السلـّي=شراب وحبوب(ن) بسعر الفيني2000
وعانه يا وافي بارك(ن) في الظلـّي=وانا معه صالب على عظميني
امّا بري . ولا يا ما اطول غلـّي=لا حلّ وقت النحر بالسكيني
قبل انحره أرضا واقوم اصلـّي=واقول : يالله فالخلف وتعيني
عليان في منـْـحرك ما يصملـّي=قلبي ولا تحملني الرجليني
عليان وا تلّة فوادي تلـّي=نهار موتك كان حان الحيني
عليان انا لا زلت ارامح ظلـّي=فالقايلة لا طاف طيفك فيني
ويا وافي الوافي يخوك افطنلي=واطلبك كان انّه فطس تكويني!!
على شهمة الكبد كوية مَـلـّي=وعلى جوانب قلــّـتي ثنتيني!!!
اليا جزعت امهل ياخوك امهل لي=خلك فطين . النار لا تنهيني
لا تصدق عاد !!!!!!!!! وتروح تشب نارك!!!

وسلامتكم

[/poet]

أخوكم
ابو تركي10

بسم الله الرحمن الرحيم

ابو تركي

السلام عليكم ورحمة الله وبركاته

ههههههههههههههه


لا فض فوووووووووووووووووووووووك يا بو تركي

انا اقووووووووووووووووول غيابك طوّل

تعالج في عليااااااااااااااااان طول المده

لكن بشر عن عليان كيف صحته الان

الوافي

ترى الحسام يطرح الناااااااااااااااااار يعني دكتوووووووور

اي فزعه ........... انا مستعد

لله درك يا شاعر الفكاهه

لقد اضحكتني اضحك الله سنك

سجل اعجابي

اخوك

الحسام

""

""""""""""""""""""

يالبااا والله قلب عليااااااااااااان
ولبااا قلب راعيه
صحيح من قاااااااال اهل البل احوالهم احواااااااال
ايه هذي عطايا الله والله لايلومك يالمنسدح(يابو تركي)

اهب يابو عين ماصلتت على محمد اجل قنبل عليااااااااااان الله يقنبله
ويفك المسلمين من شرّه

"""

صح لساانك وعزة الله انك شاعر مواقف
يابو تركي
وشعرك له نكهه خاااااااااصه

""
والله يسعدك ويشفي علياااااان
ويشفي كل مريض من الانسااان والحيوان

تحياتي

الله يشفي .. عليااااان .. ويقومه بالسلامه ..


صح لسانك .. ابو تركي
وتسلم يمنااااااااااك




.





.

صح لسااانك يابوتركي ..

الشاعر الكريم واخي الاكرم .. الساخر المميز .. ابوتركي..


متميز دومااااا.. واسلوب طريف وجزل معاااا..


ابقى بخير ..اخت الجميع رعبوووبه..

........

...



الله الله الله


الله يشفي عليان ويطمئنكم عليه يااارب

وعسى عين صابته تلحق بالثانية


يابو تركي حليب مجلي هذا الاقشر الاغبر الاعور وش مسلطه عليكم
!!!

قدر الله وماشاء فعل
وابشر بالعوض يابو تركي لو تبي عين مجلي الثانية




اضحكتنا يابو تركي الله يسعدك ويوفقك ويشفي عليان ونشوف اولاد اولاده يااارب




سلمت ابو تركي



كلك ذوق


...

................


أبو ابراهيم

أنت تطرح الناااااااااااار ؟؟؟؟|4|

يا الله دخيلك من شره .

والله ما صدق خبر

ناوي يعرقي على راسي ههههههههههههههههههههههههههههههههه

الله يعافيك يا حسامنا الغالي ...

وتسأل عن عليان ؟؟
والله ماهوب نشيط هاليومين لكن الأمل بالله ..

ابو ابراهيم

شكري لك ليس له حدود على تشريفك لهذه المشاركة ..

لاهنت يا غالي

وتقبل مني أزكىوأرق تحية .. والسلام

أخوك
أبو تركي

<---هذا المستخدم متشقق من سعه الصدر

هههههههههههههههههههههههههههههههههههههه

مو فرح على عليان حشا لله...لكن مدري

بروح اكمل ضحكي وارجع ههههههههههههههه


الا وش فيك معدك منسدح

.

.

عــلــيــان وا تـــلّــــة فـــــــوادي iiتـــلّــــي
........نــهــار مــوتــك كــــان حـــــان iiالـحـيـنــي
عـلـيــان انــــا لا زلــــت ارامــــح iiظــلّــي
........فـالـقـايـلـة لا طــــــاف طــيــفــك فــيــنــي

هههههههههههههههههههههههههههههههههههه

سلمت ولا ندمت...صح الله لسانك

ماودك نمر ولد مجلي|3|

ترا وربي تحت امرك انا وتكارنه مكه كل آآآبوهم

خلنا ندبغه ليت يتفل العافيه|3| وعقب يتفل على " عليان" عل ربي يشفيه

عزكم الله جميع

تحيياتي لك بو تركي

...................

ابو منذر

قال قنبل عليان قال

ايوالله قنبله وخيّب رجاه ..

ابو منذر

والله يا عينن على ابو مجلّي لو يسلطها على صفحات الوئام
لتروح فيها ولينقلب اللون الحلو هاذا اللي قدّامك لأسود
ولا عد ينفع فيها تصليح وبرمجةة ( الشفا) ولا غيره ..

بس الحمد لله انه ما هوب حق انترنت ولا حواسب .. حدّه رادو ابو حجار ويخب عليه بعد.
آآآآآآآآآآآآآآآآآآآآآه يا سيفنا بس آآآآآآآآآآآه

ابو منذر

لاهنت على المرور العذب والتعليق الأعذب
وابقَ في رعاية القدير ..

تحياتي
ابو تركي