أنت غير مسجل في منتديات الوئام . للتسجيل الرجاء إضغط هنـا
 |
 |
|
|||||||
| || اوْرآق مُلَوَنة .. عِناق الوَاقع بقلمٍ حر ، الموَاضِيْع العَامَہْ ، للنقاش الحر والموضوعات الجاده |
 |
|
|
أدوات الموضوع |
29 / 11 / 2001, 39 : 03 PM
|
#1 | |||||||
|
وئامي مجتهد
شكراً: 0
تم شكره 0 مرة في 0 مشاركة
|
فضيحه على الماسنجر
الســــــــــــــــــــــــلالام
مصلفح وخالد، إسمين من الأسماء المستعاره في الإنترنت، جمعهم منتدى واحد، بل جمع بين هبالهما وهسترتهما وخنبقتهما . تعرفوا على بعض من خلال أحد المواقع الحوارية وهو ( منتدى الدلوخ ) واللي يقضون فيه أغلب أوقاتهم . حصل بينهم نوع من الالفة والارتياح، ومن خلال ردود كل واحد منهم على مواضيع الاخر يظن الكثير انهم يعرفون بعض من سنين . مصلفح كان يحب سعة الصدر والطهبله والقرق . وخالد كان من نفس النمونة، وان كان يختلف عن خويّه بانه راعي بنيات ويبحث عن اليوزرات الناعمة . مره من المرات، طلب مصلفح بريد خالد وماسنجره علشان يتواصل معه أكثر ويتعرف عليه بشكل أعمق وأكبر . بعد ما حصل مصلفح على بريد خالد وماسنجره، أضافه عنده بالقائمة . وفي يوم لقاه داخل الماسنجر وكلمه ... وكان الحوار التالي : مصلفح / السلام عليكم . خالد / وعليكم السلام .. هلالالالالالالالالا وغلالالالالالالا مصلفح / هلا بك والله . خالد / ما أصدق عيوني!! هو أنت مصلفح والا شبيه له؟!! مصلفح ( بكل ثقة ممزوجة بشيء من الغرور ) / الا أنا هو . خالد / أخيراً التقينا بمكان غير المنتدى مصلفح / الله أكبر يابوش وبوتين اللي التقوا!! .. يارجال وسع صدرك، هنا والا في المنتدى كله واحد . خالد / لا ... في المنتدى ما يأخذ الواحد راحته ويتكلم ويرد بشكل سريع زي هنا . مصلفح / صدقت والله ياجنط ههههههه [ أفا .. بدأ يخور من الحين ] خالد / هههههههههه الله يرجك بدري على هالألفاظ .. خل ندرس أخلاق بعض الماسنجريه اول يالوح . مصلفح / خخخخخخخخخ وين يخوي مخطوبين لبعض خالد / اها بس إنثبر ولا يكثر .. على فكره .. وش هالرد اليوم على موضوعي ( كيف تكسب قلوب العذارى ) ؟؟!! مصلفح / وش فيه؟؟!! خالد / مثل وجهك مصلفح / يعني حلو .. الله يخليك لا تمدحني بوجهي ، خل المدح على الايميل علشان أصدقك . خالد / أجل هذا رد اللي تقول فيه ( قلوب العذارى مثل الكمثرى كل ما تأكل منها أكثر كل ما تتلذّذ فيها أكثر، بعكس الجحه كل ما تكثّر منها تشبع وينتلي بطنك ماء ) مسوي فيها فيلسوف يا راعي مبسط الخضره مصلفح / يارجال وش تبين أرد عليك أحسن من كذا؟!! هالرد يخب عليك وأكبر من دميجتك ياجنط . خالد / اذا بغيت تتفلسف يالوح، لا يكون في مواضيعي ياراعي الجح . مصلفح / مواضيعي!! ترفق ولا تطيح يا طه حسين!! انت وشلونك بس؟؟ خالد / أزين من لونك يالوح السنديان هههههههههههههه مصلفح / عن أذنك أبمشي وراي شغل . خالد / عسى مازعلت يالبطه؟! ... حتى لو زعلت ، عندك جدران الماسنجر عبّر عن شعورك فيها هههههههههههه مصلفح / أقول لا يكثر ومع السلامه . خالد / إذلف هههههههههه هذا كان اللقاء الاول بينهم على الماسنجر، واللي يتضح فيه مدى الرومانسيه والالفاظ الرقيقة المتبادله بينهم . استمر تواصل مصلفح وخالد عبر الماسنجر والمنتدى أشهر طويله، وكان كل واحد يفرح بدخول الأخر للماسنجر رغم عدم وضوح هالشيء في حواراتهما . بعد 6 شهور من التواصل مع بعض، وفي أحد الأيام دخل مصلفح للماسنجر ولقى خالد على اتصال .. إستقبله خالد وكان الحوار التالي : خالد / هلالالالالالا يالوووووح . مصلفح / الله يغثك كيف غثيتني .. طيب إصبر لين أخذ نفسي من درج الماسنجر وبعدين عبّر عن مشاعرك ياجنط خالد / هههههههه يارجال إحمد ربك ان فيه أحد معطيك وجه بالماسنجر .. شكل ربعك محطينك بلوك ههههههههههههههه [ ماقال محظور .. على باله مثقف ] مصلفح / أحمد ربي إن ربعي الثانيين اللي معي بالقائمه مهوب مثل نوعيتك ياجنط اربعطعش . خالد / اقبل الدعوة للمحادثه الصوتيه ودي أسمع صوتك واشوف هو مثل خطك والا اشين ههههههه يرغب خالد في مشاركتك محادثة صوتية. هل ترغب في قبول الدعوة أم رفض الدعوة ؟ لقد رفضت الدعوة المرسلة من خالد لمشاركتك محادثة صوتية. مصلفح / ماعندي مايك ياجنط .. خلها وقت ثاني . خالد / أجل خذ رقم جوالي ( 055000000 ) وكلمني يمكن الجوال يحسّن صوتك ويجّمله . مصلفح / لالالالالالالالالالا ما ابيه . خالد / طيب هد أعصابك!!!! ترا مهيب بالقوه .. وبعدين لك الشرف ياثور إنك تكلمني . مصلفح / بصراحه أنا ودي اقولك شي ياخالد . خالد / وش تبي تقول؟! .. قل قلك ورقلك خخخخخ مصلفح / أنا مليت من التمثيل ولحد كذا كفايه . خالد / خلاص إعتزل وحفل إعتزالك على حسابي يافاتن حمامه مصلفح / أنا اتكلم جد يا خالد .. ياليتك تسمعني شوي خالد / إنجز إحتس وخلصنا مصلفح / أنا ماكان ودي إني أمثل عليك هالدور، لكن صدقني الموضوع جر نفسه حتى وصلنا للشيء هذا . خالد / وشلون؟؟؟؟؟!!! مصلفح / بصراحه أنا .. أنا مصلفح / أنا ... يالغالي .. والله يضايقني أني امثل عليك واكذب لكن اسمح لي اني ما علمتك من البدايه . خالد / تكذب عليّ؟؟؟؟!!! مصلفح / انا اخفيت عنك شيء ياخالد . خالد / يخوي وش فيك؟؟؟؟!!!!!!! تراك أشغلتني بكلامك وأحس إن فيه شيء مهم ودك تقوله . مصلفح / فعلاً عندي كلام مهم ولازم تعرفه . خالد / كلامك اليوم غريب ومو مثل العاده!!! وبعدين أشوف كلامك كله ( أمثل عليك .. اسمح لي .. كذبت عليك ) !!!!! مصلفح / انت تستاهل كل خير .. وأنا كل هالمده مثلت عليك ولا علمتك .. وأنا في حقيقة الأمر ....... صدقني ما أقدر أكمل ... خالد / أنت ايش؟؟؟؟؟؟!!!!!! خالد / أنت ايش يامصلفح؟؟!! ... تراك فعلاً ضيقت صدري . [ مصلفح ساكت ولا يرد ] خالد / انت ايش يامصلفح؟؟؟؟!!!! [ لازال مصلفح ساكت ] خالد / مصلفح انت معي؟؟ خالد / مصلفح [ مايرد مصلفح وساكت ] خالد / مصلفح كلمني على جوال ( 055000000) ضروري . مصلفح / هذي هي المشكله .. أنا ما أقدر أكلمك على الجوال .. وياليت نكون عالمسنجر افضل خالد / ليه ما تقدر؟؟؟!!! مصلفح / افهمها يا خالد .. انا ما اقدر وبس .. أنا .... خالد / أنت ايش؟؟!! مصلفح / مع السلامه [ طلع مصلفح من الماسنجر بسرعه و بشكل غريب ] قعد يفكر خالد باللي صار ويحاول تفسيره، وكان يكلم نفسه ويقول : مصلفح اليوم مو علي بعضه!! فيه شيء غريب . وبعدين كلامه اللي يقول فيه انه يمثل ويكذب عليّ!!! وش يقصد فيه؟!! ووش يعني؟!! وكيف كان يكذب عليّ؟!!!! الفاظه تغيرت وكل كلامه ( اسمح لي ، كذبت عليك ، ماعلمتك ) بعدين يوم قلت له كلمني بالجوال قال : لالالالالالا كنه مقروص!! هذا شككني في وضعه .... والله غريبه ... لايكون بنت!!!!!!!!!!! والله مهيب بعيده، أنا ما أعرف عنه أي شيء ، كل اللي أعرفه ان اسمه مصلفح ويكتب في منتدى الدلوخ، اكيد انه بنت لان البنات اللي يخشون الانترنت بالعاده يختارون اسماء خشنه وقبيحه واسماء عرابجه علشان يبعدون الشبهه عنهم والشكوك . . وهو اسمه مصلفح .. اكيد انه بنت .. بعدين هي اللي طلبت بريدي واضافتني عندها مو انا ، وهذا يدل انها معجبه فيني وفي مواضيعي وردودي وخفة دمي في منتدى الدلوخ . يالللللللللللللله [ قالها بحسره ] .. وانا كل هالمده على نياتي ولا أدري بوضعها، واعاملها على انها شاب واعطيها الساخن .. والله ما تستاهل .. ومن زين الطبايع أحط عليها وأذب وأقولها الفاظ قبيحه مثل ( لوح .. جنط .. ثور وغيرها ) والله ما تستاهل كل هالألفاظ . [ خالد اقنع نفسه بان مصلفح بنت .. وقرر انه يلطّف كلامه معه، ويغيّر من طريقة حواره وحديثه في أول فرصه يشوفه على الماسنجر ] أنتظر خالد دخول مصلفح [ أو دخولها ] يوم ويومين واسبوع . ماش .. مابين مصلفح ومختفي .. واخيراً بعد انتظار وترقب دخل خالد الماسنجر في أحد الايام ولقى مصلفح على الاون لاين وعلى طول كلمه : خالد / هلالالالالالالالالالالالالالا وغلالالالالالالالالالالا خالد / هلالالالالالالا والله بريحة أهلي . خالد / هلالالا بهالطله، هلالالالا بك وباسمك ورسمك . مصلفح / هلا والله . خالد / ويييييينك؟؟!! عسى ما شر؟؟!! خالد / تصدق مشتاق لك حيل حيل [ لا حظوا الألفاظ والعبارات اختلفت ] مصلفح / الله يسلمك . خالد / ليييييييييش كل هالقطاعه؟؟؟؟؟؟؟؟!!!!!! خالد / ما تدري انك غالي عند احبابك وبأنهم فاقدينك؟! مصلفح / انشغلت والله ياخالد .. المعذره خالد / فعلا .. أنا في الاسبوع الماضي حسيت ناقص مني شيء، حسيت إن أحد أطرافي مبتور [ الله من زين التشبيه ] مصلفح / لييييييش؟؟ خالد / أنت لك وحشه بشكل ماتتصوره وغيابك سبب لي قلق؟؟!! مصلفح / الله يسلمك .. لا تكبّر راسي تراني ما أستاهل . خالد / الا والله تستاهل كل خير .. المهم وش أخبارك أنت؟؟ مصلفح / تمام . خالد / على فكره كنت بتقول شيء الأسبوع الماضي لكنك طلعت ولا كملته . مصلفح / إيه .. كنت بقولك شيء مهم على أساس مايصير فيه شيء مخفي بيننا . خالد / طيب خذ رقم جوالي علشان نأخذ راحتنا اكثر [ الخبيث يلمّح ] مصلفح / لالالا إلا هذي ... صدقني ودي بس ما أقدر . خالد / ليييييش ما تقدر؟؟!!!! مصلفح / اخوي خالد ... تدري ليييش ما اقدر. لأني لأني - - - - - - أطـــــــرم..يعني اخرس .. ولا أقدر أتكلم . يواجه خالد مشكلات في شبكة اتصال ولم يعد مشتركاً في المحادثة. قد لا تكون الرسائل القليلة الأخيرة قد تم تلقيها بنجاح. [ قفل الماسنجر خالد ] عقبها ... حذف خالد مصلفح من القائمه عنده ويادار مادخلك اطرم آآآآآآسفه على الاطاله .... ( جاني على البريد) |
|||||||
|
تحياتي وأشواقي .
|
||||||||
|
|
29 / 11 / 2001, 43 : 08 PM
|
#2 | |||||||
|
وئامي دائم
شكراً: 0
تم شكره 0 مرة في 0 مشاركة
|
يؤ يؤ يؤ
يا عممممرررررررررررري ....... حراااااام يكسسسسر الخاااااااااطر
 صراحه ما جا على بالي ابببببد انه اطرم مسكييييييييييين لا و هذا خالد المفروض ما يسويله بلوك ماله داعي يعني شفيها اذا كان اطرم بس حلووووووه القصصصصه تسلمين يا سوزان |
|||||||
|
مجنوووووونه بس محششششه
|
||||||||
|
|
|
30 / 11 / 2001, 52 : 02 AM
|
#3 | |||||||
|
عضو شرف
 
شكراً: 0
تم شكره 0 مرة في 0 مشاركة
|
......صباح الخير...
قصه جميله.... وطريفه.. بس نهايتها.. مثل وجه خالد.. الى مايستحى.... الحين..وش فيها اذا كان...اطرم. مادام فيها اخلاق..... ......  اختك ابس.. 
|
|||||||
|
[c]
|
||||||||
|
|
|
30 / 11 / 2001, 53 : 06 PM
|
#4 | |||||||
|
عضو شرف
شكراً: 0
تم شكره 2 مرة في 2 مشاركة
|
مرحبا .. .
اختي سوزان .. الف شكر لك على القصه الجميله ... فعلاً الاشخاص باخلاقهم وافعالهم لا بصفاتهم واشكالهم .. فسبحان الله .. تصرف خالد هذا غريب .. فقليل منا من يجد شخص صادق صدوق يحب الخير لجميع بدون مصلحه او يرتجي منفعه من ورى عمله ... يعطيك الف عافيه اختي سوزان .. تحياتي مظلوم |
|||||||
|
|
||||||||
|
|
|
04 / 12 / 2001, 06 : 01 AM
|
#5 | |||||||
|
وئامي جديد
شكراً: 0
تم شكره 0 مرة في 0 مشاركة
|
بعد السلام
والله سالفه عجيبه وحزينه
وصراحه خالد نذل بس والله حزنتينا ويعطيك العافيه |
|||||||
|
ترى الدنيا حلوه بس من يفهمها
|
||||||||
|
|
|
04 / 12 / 2001, 17 : 02 PM
|
#6 | |||||||
|
سفير
 الوئام
شكراً: 0
تم شكره 0 مرة في 0 مشاركة
|
:D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D
سلمتى على الابداع ياغاليه |
|||||||
|
|
||||||||
|
|
|
04 / 12 / 2001, 41 : 05 PM
|
#7 | |||||||
|
سفير
الوئام
شكراً: 0
تم شكره 0 مرة في 0 مشاركة
|
حرام علــــــــــــــــــــــيه
|
|||||||
|
|
||||||||
|
|
|
08 / 12 / 2001, 34 : 02 AM
|
#8 | |||||||
|
وئامي جديد
شكراً: 0
تم شكره 0 مرة في 0 مشاركة
|
هاهاهاهاهاهاي...................................
والله حلوه ياسوزان وحشتنا مقالبك وسواليفك اللي مالها داعي هاهاهاي (امزح)!!!!!!! |
|||||||
|
|
||||||||
|
|
|
09 / 12 / 2001, 13 : 09 PM
|
#9 | |||||||
|
وئامي فعال
شكراً: 0
تم شكره 0 مرة في 0 مشاركة
|
حلووووووووه منك سوزان.....
==== :D :D :D :D :D :D :D :D :D :D :D :D :D ===== تحياتي.... 
|
|||||||
|
مرر الموس على التوقيع لان لك عندي هديه
|
||||||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تحميل الماسنجر 8.1 و الماسنجر بلس 4.8 عربي و إنجليزي.. آخر إصدار + رابط مباشر | GoodLife8 | منتدى برامج الكمبيوتر | 0 | 19 / 03 / 2009 49 : 02 AM |
| اخر فضيحه للمنتخب السعودي مع اخر خبر مع المصدر | The Dark Prince | ||صدى الملآعب .. | 11 | 03 / 02 / 2007 56 : 01 PM |
| فضيحه فضيحه صور الاعضاء اخييييييييه لايفوتكم | لمياء | ||ترفيه وَمسآبقآت | 24 | 29 / 08 / 2002 42 : 06 AM |
| فضيحه البان الصافـــــــــــــي | ظـِلال الأنوثـة | || اوْرآق مُلَوَنة .. | 7 | 08 / 05 / 2002 04 : 04 AM |
| فضيحه ،،،،،،،،،، احلف | لمسات | ملتقى الأصدقاء | 7 | 08 / 03 / 2002 44 : 10 AM |
