[سديم ●]

والله اني كنت الوم اللي يضيق ان غاب خله = لين جربت المحبه و الفراق وقلت : توووبه
لعنبو جد المفارق فيه هم وفيه ذله = اثر كل الحب لذه والفراق اكبر عيوبه
امس فارقت الغلا ومفارق الخلان عله = والعلاج الوصل لاتبلش طبيب ولا حبوبه
الزعل هو سبة الفرقا يهز الحب كله = ليتني طولت بالي قبل لايعلن غروبه
واهني اللي وسيع الصدر صدره وسع فله = غلطة الصاحب تجي وتروح ماهيب محسوبه
سامح الله طبعي اللي للتغير يالعله = قاضبٍ خلك عزيز ولين صارت لي عقوبه
ليش تحسب غلطة الصاحب على الصاحب مذله = ليش ماتحسب ميانه لو تجي عشرين نوبه
لاوربي كنت احبه حيل مادورت زله = لاتشكك في غلاه ولاتساعد في هروبه
لايمي قبلك تعبت الوم شعار المجله = وكنت مؤمن في مقولة اعذب الشعر الكذوبه
واثر كلٍ في حياته له تجارب مستقله = وانت لاتشره على مثلي وتبلالك بحوبه
كان جابتك الحميّه روح له تكفا وقله = لايخليني .. واذا وده يكفر من ذنوبه
يستخير وله غلا قلبٍ صدوقٍ مايمله = فدوةٍ له كل قلبي من شماله لي جنوبه
يوم قفا و الخفوق يفوح عقبه فوح دله = وسط وقدة واحدٍ عز الشتا والسهر دوبه
لاتقهوى بارده من برد فنجاله و زله = ثم قربها على جال الجمر و ارها شبوبه
وين يدله هالخفوق وكل مايدله يتله = طاري اللي ياكثر ما اتعبت رجلي في دروبه
لي طرا جريت ونة من بلاده مستحله = مثل ما راحت بلادي مع شعارات العروبه
كل هاجوسٍ يجيبه جعل شعري فدوةٍ له = واعذابي كل ما جابت لي القبله هبوبه
مشغلٍ قلبي بحبه دون خلق الله من الله = هيه ياللي ممتلكني حسن و اسلوب وعذوبه
ماسمعت ان الخوي له بالخوي تسعين زله = وانت طوف زلتي ياعل تفداك اللعوبه
صاحبي سيف الهجر لي صرت تقدر لاتسله = ماتظن العفو عند المقدره اكبر عقوبه
ايه انا اللي كنت الوم اللي يضيق ان غاب خله = بس جربت المحبه و الفراق وقلت توووبه

.


.



حمد السعيد



.




.

[محمد السبيعي ●]

ياسسسسسسسسسسسسسسسسسسسسسسسسسلاااام

رووووووعه ياسديم

كعادتك ماتجيبين الا الدرر

سلمت الايادي سديمناا

تحيااتي

محمد السبيعي

[شروق الوئام ●]

اتوقع هنا يتجلى بيت القصيد

الزعل هو سبـة الفرقـا يهـز الحـب كلـه***ليتني طولـت بالـي قبـل لايعلـن غروبـه

ليتنا جميعا نتحلى بهذه الصفه..بس من فين نجيب بال وسيع؟؟..

واهني اللي وسيع الصدر صدره وسـع فلـه***غلطة الصاحب تجي وتروح ماهيب محسوبـه

صاحبي سيف الهجر لي صرت تقدر لاتسلـه***ماتظن العفـو عنـد المقـدره اكبـر عقوبـه

العفو عند المقدره اكبر عقوبه؟؟ياللـــه عالتصوير الرائع ....


كلمه ذات هدف+ابداع في الفكره=قصيده اكثر من رائعه
صح لسان الشاعر:حمد السعيد
سديــــــــــم..سلمت يميـــــــــــنك على هذا المنقوووووول الرائع..

[مبارك القحطاني ●]

السلام عليكم




اختي الغاليه
سديم الخير









جعل يمينك ماتنجبر على هذا النقل الرايع وبيض الله وجهك يالغاليه

وصح الله لسان الشاعر حمد السعيد وتسلم يمينه













اشكرك يافندم











وتقبلي خالص تحياتي

[عازف الناي ●]

الغالية ( سديم )
الله يعطيك الصحه والعافية
أختيار مميز كما عهدناك وقصيدة رااائعه
صح لسان الشاعر وسلمت يمناك أختي
لاعدمناك ولاعدمنا إبداعاتك
وتقبلي خالص تحياتي وتقديري

[سديم ●]

السبيعي محمد

الاروع حضورك وتواصلك

شكرا لك

[wafei ●]

ماتظن العفـو عنـد المقـدره اكبـر عقوبـه

ماتظن العفـو عنـد المقـدره اكبـر عقوبـه

ماتظن العفـو عنـد المقـدره اكبـر عقوبـه





الشطر هذا لوحده يكفي








قمة الذوق الرفيع
يا
ســـــديم








سلمت يداك




كلك ذوق



...

[سديم ●]

هلاااا و غلاااا .. شروق ..

اسعدني حضورك

شكرا لك

[سديم ●]

وعليكم السلام ورحمة الله وبركاته

هلا بك .. البداح ..

الله يعطيك العافيه

وشكرا لتواصك

[الليدي عمشا ●]

الله الله

صاحبي سيف الهجر لي صرت تقدر لاتسلـه
ماتظن العفـو عنـد المقـدره اكبـر عقوبـه
.
.
.
ايه انا اللي كنت الوم اللي يضيق ان غاب خله
بس جربت المحبه و الفراق وقلـت توووبـه



تسلم يمينك

مبدعه كالعاده


تحيااااااااتي