الثلاثيه مقطوعة الذنب (تفضل ياكرباااج)

اهداء للاخ العزيز الكبير كربااااج

ارجوان تنال اعجاب الجميع
,,,,,,,,,,,

لاتحاف المنتدى بالمقطوعات

من مقطوعات الجسر



(الثلاثيه المرحه مقطوعة الذنب)

الماء راهي ياكرباااج= في عبلة خفا وسواج
وانته عارف مايحتاج= ورد الما كانك ظميان
الماء ترى وقت الصيف= يجيله زحمه ومخيف
كل العالم تقري الظيف= وحنا ياكرباج اخوان
حولنا مع ريع العتش= درب ظيق ولافتش
والسكس اله نمره لتش= والرمحيه للسبعان
الجمل يمشي قدام= يمشي مردوم السنام
نحث البل بالهمام= ناصين اديار العتبان
الغنمان تشيَل شيل= اتشيَل فوق اترنبيل
يسريبها تال الليل= يهبي يامال السرحان
ضيعت اوصاف المحبوب= وابله راحت للجنوب
يادوب اذكرها يادوب= اظن انه من قحطان
عهدي به قد وصل الرينن= رايح وين وجاي من اين
تكفا لاتبعد يالزين= ترى قلبي لك ولهان
استلمها ياكرباااج= عالجها كان الها علاج
والا اقلعها للافلاج= حنا برظه مهتمين

ثلاثية روووووووووووووووعه



صح لسانك يالجسر

دائمامبدع الله لايضرك

كعادته دائما


الابداع يحتظن الجسر


وكعادة الجسر دائما


يرفع من شأن الابدااااع


صح لسانك وسلم بنااااانك


سجل اعجابي وتقبل تحياتي

عهدي به قد وصــل الرينن
رايح وين وجــاي مـن ايـن
تـكـفــا لاتـبـعــد يـالــزيــن

تـرى قلـبـي لـــك ولـهـان

الله عليك الجسر ثلاثية ولا أجمل منها الا جمال اسلوبك ..

صح لسانك وتسلم يمينك ..

ياسلااااااااااااااام سلم

استلم لاعدمتك

ديوتي ديوتي ياشعار = شي ٍ صار وشي ماصار
وشلون الشاعر محتار= قاف امثولث فا لاوزان
عندي اشوي املاحظات=والا اذكرها الكم بسكات
والا احسمها بالفورمات = يعني مافيه شي ٍ كان
شطر مثولث ومعروف = والشطر الاخر مردوف
لا. تعتبروني ملـــقوف = والا اني غادي عميان
يالجسر؟ يحفــظك الله = شاعر؟ ولا مثلك والله
جسَر ولاعندك ذلـــه = ومتمكن ؟وانتــه طربان
نرجع لصلب الموضوع= افكارك يالجسر اتروع
واحذر تدخل فالممنوع= مادام ان الوضع الوان
انا سبقتـــك بيوميـــن = من الرفيعه لام اقوين
انا وجاري مظهورين = البل تبغى اقصى الصمان
شربنا مشروب ابعير = ولانثنيها ابدا ً ومايصير
وصدرنا والنيه خــير = والماء؟؟ يكفي للعربان
اربـــع ليـــالي ويوم = من الشرفيه اليا ام ارجوم
والماء مشروبه معلوم = وانته يالجسر الفهمان
محبوبك يتبع لنـــوق = يالجسر مالك والله عوق
لوهي سوسو والاشوق= تتبع لنووووق ابفستان
والا؟؟ تلبــس تنــــوره = وبلوزتها آخر صــوره
مفتــوحه او مـــزروره= المهم ماركاااات ايفيان
والمكياج اية مكـــياج =من ماركة (ماك) والا التاج
هذا ما بهذل كـــرباج = من سوق الشعله لجيااااان
اتكيـــــت يعني؟ ذواق= ومحبوبك هذا راع انياق
والمشكل انه سواق = يدعس للوايــــــــــت حفيان
اسمه راح ماله لمعه= قحــــطانيه وايضا ً رفعه
وابوها كـــاحل دمعه = يعني كنســـــــل ياولهان
وجهة نظـر واستغراب =والله يجمع كل احباب
ماني قفـــــال الابـواب = واستغفر الله يافلاااااان

كربااااااااااااااااج
والاجر على الله

الراقيه
.......

يسعد ايامك ولياليك

اشكرك على المرور
..............

نتطلع لجديدكم

تقبل تحياتي ومودتي

....

حسن المحمدي

.....

هلاوالله وغلا باطله المسفهله

كم انا سعيد بتواجدك

انت راع الابداع والذوق طال عمرك

وعلى ماقال المثل العين ماتعلى على الحاجب

اشكرك على المرور

تقبل تحياتي
,,,,,,

ابوخالد البجادي

......

يسعد ايامك

الجميل هو تواجدك معنا والجميل ذوقك الراقي

عطني علومك كلها

اشكرك على التواجد والحظور


تقبل اوفر واغلا التحايا
...

كربااااج
........

يسعد اوقا تك بالهدو والطمئنينه

بصراحه لاتبارى انت ممن يفحم الخصم

عليك تذوق غريب من نوعه

تجيد الردود وبزياده. ان دل على شي فإنما يدل على تمكنك من نفسك ومن شاعريتك
نال اعجابي ردك المصحوب باافاق عاليه في قالب فكاهي ممزوج بالمداعبه

كنت اتمنى ان اجد شاعر مثلك منذو سنوات لاستفيد من اسلوبه وخبرته ومعانيه
وجزالته وحسن نواياه والحمد لله وجدت ضالتي كمايجد راع الذاهبه ضالته


لاحرمت من ابداعاتك وتواجدك

اضحكتني بعض الابيات

اتكـيـت يعـنـي؟ ذواق
ومحبوبك هذا راع انيـاق
والمشكـل انـه ســواق
يدعـس للوايـت حفيـان

ايوالله يدعس للوايت حفيان
هههههههه


والمكيـاج ايـة مكيـاج
من ماركة (ماك) والا التاج
هـذا مـا بهـذل كربـاج
من سوق الشعله لجيااااان


تسلم يمنك لافظ فوك
لاحرمن من ابداعاتك


ازف لك الشكر والود

تحياتي لشخصك الكريم
.......

,,,,,,,,,,,,,

ا

ستلم ياكربوجي لاعدمتك

......

.....

اثرك راعي مطايا= تمشي والبل حفايا ؟!
على راسك كوايا= وتفليها في البرقان
ذودك يمكن مغاتير= ماتتعبك المشاوير
كم دلو طاحت في البير= وبعيرك وشبه جربان
لاتطلب شي معدوم= من عقبك ماذقت النوم
لوتاكل رز ميدوم= الله يلهمك السلوان
لقينا غرو مطنوخ= ويتمشى في صلبوخ
يسكن فله مهب كوخ= ويتمنظر في الجدران
قلت انتم ماترحمون= اول اسمه حرف النون
ياالشاعريابن لعبون = ماتعرف له لوعنوان
ياشيبي منهم شيباه= لودورته ماتلقاه
ياكرباج انا وياه= لين اصفر الصبح وبان
ياليلي ياليل الهول= دخلنا في المرمى قول
لاصاحي ولامهبول= ويجازيني بالحرمان

......

....