ليله من ليالي الشميسي الرمضانية !!

ايه يا زين حياة اول
مافيه الا لعب وساعه صدر وفلة حجاج
مصاقيل وعكوس وطجمه ...


وفي رمضان نسهر على كيرم وفرفيرة وزبرقة سياكل.
واللي يركب اشارات وبواري للسيكل واللي يركب ريش واللي يشتري شطرطون وكل هذا لزوم الزبرقه !
الله يالدنيا
و اذا رجع الواحد للبيت المغرب عقب اللعب في السكة :
تعال شف وجهه تقول طاحون والا ثوبه عليه خريطة العالم من البلاوي وشوشته طايره ورجليه مجرحه وحالته حاله .

وفيه اشياء ما نشوفها الا في رمضان فقط منها
( التطلي ( الكاسترد ) المهلبية ، الشعيرية ، السمبوسه.
وكلها كوم وسطول التوت كوم ، لا ون تفنن فيه ونسويه آيسكريم في باغات مثل هالصوره .

ولعب الكورة في سكة السد والقول نخليه دريشة واحد من البيوت وكل يوم مكسرين دريشه وملاحق انا واصحاب الدرايش المكسره !؟
واذكر بعد فيه ناس اذا جاء رمضان يسوون طبول بعلب الحليب ويحطون عليه قراطيس اسمنت


تدرون ليش هالطبووووول
مسوين فيها مسحراااااتيه >>>> ثقافه اشوااااام:1aa:

هههههههههههههههههههههههههههههه

واتذكر مدفع الافطار وسوالف ام حديجان في الرادو !!! ايـــــــــــــــــهـ
وصوت اذان بن ماجد الله يغفر له ويرحمه

وصلاة التراويح وابن غراب الله يغفر له وياويل الله بيصلي جمبه الله يرحمه >>>
كان دايم يجرب اقربواحد له ويقول له اقر وخذ تعديل وتصحيح للتلاوه الله يجزاه خير

ايام والله حلووووه عطونا ذكرياتكم يالربع .
ياجيل المشق والجروووح والشووووش

صوره للحاره من فوق مئذنه المسجد


موضوع مدبلج مابين النقل والاضافه وبعض المداخلات