سلام الله على الكنور

السلام عليكم ورحمة الله
اسعد الله اوقاتكم بالمسرات
بعد طول غياب احببت اتحافكم واتحاف الرواد لهذا المنتدى الطيب
اترركم مع الحدث

تفضلو يااعزاء

انا لا من صفى جوي وقمت ارودع القيفان=قسم بالله تجيني طوع ماوالله تعصاني
انا غنيت واغني ولا اني بشجع الشجعان=لكن احب اجدد في اللحن مع طرق الالحاني
رجعنا للديار الطيبه للروض والرياضان=رجعنا للنفود اللي سقاها غر الامزاني
ديارسبيع جعل اسبيع في عز ورخى وامان=هل الطالات والنخوه كرام ومزبن الجاني
سلام الله على جيبٍ وقف في فاظه الصمان=وعلى ذودٍ لياودهت تطرب تعشق الحاني
وسلام الله على بيت الشعر منصوب في القيعان=وسلام الله على الكنوريعشق قيره الثاني
وسلام الله على الوايت يطفي لهفة الظميان=يجيك مصدر بالماءلوالله منت عطشاني
وسلام الله علينا قدر مانوقد من الظيان=شبوب البردماتبرد لياشبيت ظياني
وسلام الله على الخلفات منها نملي القدحان=لياجونا النشامى جبت لك صطلي وقدحاني

صح لسانك خيووو


اي والله باين ان القاف ماتعصاك



قصيده جزله


بس عندي سعال

هذا انت اللي مرتز جنب الجيب؟؟

<<ماهيب ملقوفه ابتن ابتن

اهلا بالراقيه
,,,,,,,

يسعدني هاالطله
انا سعيد بتواجدك ومرورك
وشرايك فيني ماني شخصيه؟؟!!!!

،،،،،

تحياتي لك وتقديري

صح لسان الجسر

ويا هلا ومرحبا والله والحمد لله على السلامه وكل عام وانت بخير


والله قصيدك يشرح البال يا فلان

لكن انت وينك نبي نشرب من حليب البل هههههههههههه



يعطيك العافيه يالجسر ولا تبطي علينا بجديدك

ارحب يالجسر

وحمد لله على السلامه

وصح لسانك على الجزاله

اهلا وسهلا بالاستاذ عازف
....

حياك الله وبياك
انا سعيد بتواجدك الله يسلمك
ابشر والله بالحليب والعلم الزين بس انت تجي
البل في العتش تعال بس والله لشربك من الحليم لين تقوم تطمر الجرفان

هلا والله وغلا

تحياتي واشواقي

صح لسااااااانك
وحمدلله على السلامه

راع المشاعر
....

اهلا وسهلا بك
انا سعيد بمرورك وتواجدك معنا
ربي يسعد ايامك ولياليك

.....
تحياتي واشواقي

وسلام الله عليك يالجسر

وصح لسانك وتسلم قريحتك الشعرية

اقول ما شاء الله يازين منظر بيت الشعر والأبل حوله ..

ودي بحليب انياق يالجسر وشلون = اجيك ... والاّ بالمدينة تجيني

هلابك حياك من طول الغيبات جاب الخيرات وصح لسانك على البيوت الحلوه

ولكن اقول يالجسر صبحك بالخير صاير تعزم بعض الاعضاء وتترك البعض الاخر ياخوي تراك شوكتنا بالصور الحلوه
يازين جلسة في بيت الشعر
على كل حال انا تراني الخميس يمكن اطلع للبر
حدد مكانك وترا عندي قصايد وعلوم وحكي معليش لوكنت ثقيل

شكرا شكرا تقبل تحياتي