حبيبتي
ماقلت لك .......
توك صغيره تعشقين
ماتقدرين ....ماتقدرين
قصيده من كتاباتي احبتي
اتمنى ان تلامس احساسكم
يعني خلاص اصبحت واحد من الناس
.................................... واول حبيبك دنيتك كل ناسك
من غير لاذنبن فعلته ...... ولاباس
.................................. غير اني حبيتك وعلّيت ساسك
لا واحسافه ماحضنتي لي احساس
............................... وماظن كنتي صادقه في احساسك
كنتي بدرب الحب قصيرة انفاس
.............................. من قبل ماتبدي كتبتي افلاسك
طفله وترسم قلب في وسط كراس
............................ ماتعرفي ان الحب لو جاك حاسك
كم قلت لك هذا الهوى جرح وانفاس
................................. قبل الهوى ليتك وزنتي قياسك
ياما شربتي من خفوقي معي كاس
........................ ........ وكنتي بخيله ماتمدين كاسك
وياما انجبرت احني لك القلب والراس
............................... هذا مع اني رافعن دوم راسك
وياما سقيتي ايام عمري معك ياس
........................... وانا زرعتك روح في وسط ياسك
وش عاد باقي غير حبرن وقرطاس
........................... وذكرى جروحن ماتفارق حواسك
روحي وعديني مثل باقي الناس
............................عبدالله وكان بيوم هو كل ناسك