|
||ترفيه وَمسآبقآت مَرَح ، تسلية ، مسابقات ، فعاليات .. الخ |
|
أدوات الموضوع |
24 / 06 / 2002, 15 : 10 PM | #1 | |||||||
عضو شرف
شكراً: 0
تم شكره 0 مرة في 0 مشاركة
|
من مذكرات مرزوقه ( آه يا سعيدان)
في الصفحه 89 باب ( اذبح الخال ولا تلمس خشمه ) من مذكرات مدام مرزوقه .. كتبت بخط يدها :
عزت علي نفسي من قسوة زماني . ****** وانا اللي من قسو الايام ليّن وحظي اللي في زماني رماني ****** او هو الزمن اللي لحظي مشيّن كانت نظرة الناس لي بعد الطلاق مثل الضفدعه المطلقه .. اللي طلعت من مستنقع الزواج الفاشل وطاحت بمستنقع كلام الناس والشماته ( ام التشبيه ) .. لكن نظرة اهلي كانت هي الأقسى .. كانوا يعتقدون ان انا السبب في الطلاق مثل الذبانه اللي زنت على راس شايب ممرور ولزّقها بزبيريه في الجدار .. ( ابوك يالتشبيه ) .. وكلهم ظلموني وقسوا علي وانا اشوف نفسي مثل الجراده اللي شافت نور وطارت له تبي تحس بالأمان ولما قربت طلع خط 220 ولفطني مثل مالفطني سعيدان بورقة الطلاق .. آه ياسعيدان .. تذكر الحلم الصغير .. وجدار من طين وحصير .. وقمرا ورى الليل الضرير .. عند الغدير .. وان مرت النسمه تكسّر مثل شعري لاجلست يومين ماغسلته عمري ماتخيلت سعيدان يفرط فيني .. كنت كل شي بحياته مثل ماكان يردد .. وكنت احس بحبه لما كان يقول : مرزوقه .. انتي مثل اللوح كثر ماتندق فيه المسامير مايتألم .. ولما كان يخطي ويشوفني ساكته كان يقول : مرزوقه .. انتي مثل عسكري المرور الأحول اللي يشوفني قاطع اشاره ويلحق واحد ثاني .. كنت فعلا اشوف اخطاء سعيدان واروح اعاتب صورته عشان ماجرح احساسه .. رغم اني اشك انه يملك احاسيس مثلنا .. عمري ماقلت له يشيل صور احلام وفطومه اللي مالي فيهم الغرفه .. حتى لما ضربني وشوّتني لما لمست خشمه وانا مدري .. جاني وتأسف وعطاني خمسمية ريال رضاوه .. صحيح بعد خمس دقايق خذ مني الف ريال سلف ولايومك ماشفتها لكن اهم شي انه راضاني وقتها .. الله يجازيك ياسعيدان .. ليه كذا ليه وش سويت لك .. اللي حبيته لعمري ياجنط حبيته لك .. لكن انا عارفه ان امه هي السبب .. الله يجازيها رقيّه .. كانت تكرهني .. وتحرّض ولدها سعيدان علي تبيه يطلقني .. كله عشان بنت اخوها نوف تبيه ياخذها .. كش عليها وعلى اسمها .. وش جاب نويف لمرزوقه .. صحيح شعرها ناعم وعيونها وساع وخشمها كبر الفنجال وانا كبر البياله لكن اهم شي الاخلاق .. وفوق هذا هي اصلا ماتحب سعيدان الخبل .. سعيدان اللي ماتقبل فيه سحليه حولا .. انا قبلت فيه لكن ماقول إلا : ارجوك روح الحين .. ساعدني انساك .. ولا تجي حتى لو اني بغيتك .. وان مر في بالي بقايا لذكراك .. بحاول انساها مثل مانسيتك .. الله عليك ياسعيدان .. نسيت شكثر ضحيت عشانك .. مستقبلي الفني كطقاقه .. تركته وضحيت به عشانك وعشان سمعتك في سوق الحمام .. حتى مستقبلي التجاري .. لما خطبتني وخيّرتني بين بسطتي اللي في اوشيقر وبينك واخترتك انت ومستقبلي الدراسي اللي اعتبره اكبر غلطه ارتكبتها لما فرطت في دراستي بعد مادبرت واسطه في متوسطه ليليه مع الاولاد .. تركتها عشانك لكن انا اللي استاهل .. انااللي استاهل صحيح فيني عيوب ماأنكرها .. لكن انت كنت عارف ياسعيدان وقلت لك عليها قبل الزواج واتذكر ردك كان : اهم شي الاخلاق .. وين الاخلاق الحين يوم تاخذني لحم وترميني عظم هاه قلي وين الاخلاق .. هاه هاه قلي اهئ اهئ اهئ أثاريني عايشتك وهم كبير .. انتا ظالم انتا قاسي انتا ماتملك احساس .. كل شي مني كزوجه منحتك اياه حتى ردي عليك لما تخطي : غصب ٍ على عين جرحي اقبل اعذارك .. ********* واسامحك لو نهتني عزتي دونك .. كثر الخطايا بحقي زاد مقدارك .. ********* ومع كل هذا أخاف تخونك ظنونك .. انا تحطمت صحيح لكن ماقول ياسعيدان غير خل امك ونويف ينفعونك ويتحملون طمالتك طاوعك قلبك طاوعك قلبك تخليني وتروح وانا احسب اني غلاك ودنيتك .. كنت احسب اني بداوي بك جروح .. مادريت اقسى طعوني طعنتك لكن قبل ماأنهي هالصفحه احب اقولك شي سعيدان وهي حقيقه خبيتها عنك من زمان .. تذكر قبل نتزوج يوم كنت تدور علي كل ماطلعت من المدرسه .. ومعك الددسن م82 غماره وجنبك الكلب حقك ... يوم اقولك : الحين وش مركب هالثور معك .. ورديت انت علي وقلت هذا الكلب حقي مهوب ثور .. ترا انا كنت اكلم الكلب ماكنت اكلمك حقوق الطبع محفورة على جبهة مرزوقه |
|||||||
مين "أجازي"
مين يا ترى صار في طبعه "قــاســي" الكلمة كلمة مرة "تجرح" ومرة .. فيها " التراضـي"
|
||||||||
24 / 06 / 2002, 47 : 10 PM | #2 | |||||||
عضو شرف
شكراً: 0
تم شكره 0 مرة في 0 مشاركة
|
ياخي وانت مالقيت الا اسم مرزوقة وسعيدان ؟
صحيح إنك دقة قديييييييمة !! :D أمزح معك ياسفرفر 00روح ياشيخ ربنا يسترها معك ! |
|||||||
|
||||||||
24 / 06 / 2002, 28 : 11 PM | #3 | |||||||
عضو شرف
شكراً: 0
تم شكره 0 مرة في 0 مشاركة
|
انا اشهد انه رجال اللي يسوي كذا مع زوجنه:D :D :D :D :D
|
|||||||
مين "أجازي"
مين يا ترى صار في طبعه "قــاســي" الكلمة كلمة مرة "تجرح" ومرة .. فيها " التراضـي"
|
||||||||
24 / 06 / 2002, 34 : 11 PM | #4 | |||||||
عضو شرف
شكراً: 0
تم شكره 0 مرة في 0 مشاركة
|
اقول اردينا وينها|103| |103| |103|
لا تكون زعلت والله مالها دااااااااااااااااعي |11| |11| |11| |11| |11| |11| انا قلت رأيي فقط ولا ارى غلطا بذلك|81| |81| |81| |81| |
|||||||
مين "أجازي"
مين يا ترى صار في طبعه "قــاســي" الكلمة كلمة مرة "تجرح" ومرة .. فيها " التراضـي"
|
||||||||
24 / 06 / 2002, 39 : 11 PM | #5 | |||||||
عضو شرف
شكراً: 0
تم شكره 0 مرة في 0 مشاركة
|
ليش هو وش سوى 0
00عطني المختصر المفيد 0000ماني فاضي أقرا قصة حياتهم ! وبعدين إترك أردينا بحالها 0000 صحيح إنك نشبة 0 إذا في راسك حبوب ماطحنوها أهلك 000قلي وأنا أطحنها 0 00واترك البنية في حالها 0000فاهم !! 00 0( أشهد اني شديد وما عندي لعب ) 00هاع هاع هاااااع 0 |
|||||||
|
||||||||
25 / 06 / 2002, 03 : 12 AM | #6 | |||||||
عضو شرف
شكراً: 0
تم شكره 0 مرة في 0 مشاركة
|
اقول شف موضوعي فش خلقك تراه لك
واللي فيه عليك |
|||||||
مين "أجازي"
مين يا ترى صار في طبعه "قــاســي" الكلمة كلمة مرة "تجرح" ومرة .. فيها " التراضـي"
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مدربا الجزائر وأنغولا سعيدان بالتأهل | houda | ||صدى الملآعب .. | 2 | 20 / 01 / 2010 01 : 11 PM |
قصه سعيدان بمدارس البنات الاختلاط ترى حطيت لكم نغمات راشد الماجد | عبود طش مطش | ||ترفيه وَمسآبقآت | 0 | 08 / 04 / 2002 11 : 04 PM |
هذه النبرة من سعيدان ولكن.......... | مايهـــــــــاب | || اوْرآق مُلَوَنة .. | 1 | 07 / 04 / 2002 33 : 04 PM |
قصة سعيدان مع دمج الرئاسة للبنات | مايهـــــــــاب | || اوْرآق مُلَوَنة .. | 1 | 07 / 04 / 2002 17 : 12 AM |
مذكرات بعوضة | Shahd | ||ترفيه وَمسآبقآت | 1 | 08 / 03 / 2002 25 : 08 PM |