[سديم ●]

لاتنشغـل فينـي أنابحالـي ادرى = قلبٍ تعلق فيك ينسى مـع الوقـت
اكثرمن اللي صار لي ويش يجرى = بين الرجا و الياس فكـري تعلقـت
مثلي ولوشفته عن همومـه ازرى = ما قال ليتك في جروحـه ترفقت
هاك القصايد لاتضايقـت و اقرى = شف وش كثرفيها لبسماتك اشتقت
أثرالوفا ينبـاع عنـدك و يشرى = ماكنت اصدق فيك واليوم صدقت
يامشتهـي فرقاالمواليـف حذرى= تبعد وأنا من سكرة الحـب ما فقت
لاطافت الفرصه تحريت الاخرى = وتروح ماكنـي عليهـا تشوقت
ساري لوإن الليـل مافيـه قمـرى = اشيل من حمل الهوى فوق ما طقت
لاصار حظ أقشر والايـام قشرى = مافيه احد عاقل يلومـك ليا ضقت
صحيح بعض الناس فرقاه بشرى = وبعض البشر لاغاب ليله تضايقت
ليتك خذيت بليل الاحباب مسرى = غربت من كثر الطواري و شرّقت
السيل يبقاله على القـاع مجرى = ويبقالـك التذكار لو كنـت فارقـت
اشوف لك من وين مارحت ذكرى = ولاشفتها صديـت عنهـا و دنقت
ماكل جرحٍ لاخـذا أيـام يبرى = بعض الجروح يزيد شره مع الوقت

الشاعر .. متعب التركي

.

.

[مبارك القحطاني ●]

صحيح بعض الناس فرقاه بشـرى

وبعض البشر لاغاب ليله تضايقت

صح الله إختيارك

سديم ..

الله يعطيك العافيه

تحياتي

[مجووودى(قلبهاااا) ●]

يعطيك الف عافيه على الكلام الجميل


مبدعه دائمااا سدوووومه

ودائماا تبهرينا با الاروع


تقبلى مرووورى على صفحاتك الرئعه

[ملك بلا مملكه ●]

صح لسانك

قصيده جميله

وتقبل مروري

[الدلع شرقاوي ●]

مبدعه دائما سديم ..

يعطيك العافيه ..

وربي يحفظك

[المتهور ●]

ماكل جـرحٍ لاخـذا أيـام يبـرى=بعض الجروح يزيد شره مع الوقت

ســديـــمـ

.. .. ..

رووعـــهـ وذووقـ ياذووقـ

سلمــت يـدااكـ

لاعدمنـــا ذووقكـ الشِــعــريـ الرااقــيــ

يعطيـــــــــكـ العــافيــــهـ

تحيـــــــــاتـــيــ..

........

[سديم ●]

الله يعافيك .. البداح ..

اسعدني مرورك

شكرااااا لك
.
.

[سديم ●]

الله يعافيك .. مجوودي ..

شكراا للمتابعه
.
.

[سديم ●]

صح بدنك .. ملك بلا مملكه ..

شكراا لتواصلك
.
.

[سديم ●]

الله يعافيك .. الدلع شرقااوي ..

شكراا لمرورك

وشكراا للاطراء
.
.