ورقة الحضــور

صح لسانك.

على نهج ارجال اسوقها بالطبع والا الدين
...............مسيرتنا على نهج النبي ماهي يهوديه
انا لاقمت جبت الصعب والقاسي لابد يلين
................لكن الحاضره ماهيب مثل تجيبها ليه

.
.
.

أجل نهج الرياجيل اختلف واصبح نهج غاوين
............... تبدل سنة محمد ... تسوّد ابيض النيّه
مصيبة طيحة العاجز تعذّر والعذر (بعدين)
............... تصفافقه الهبايب من صبا ولاّ شماليّه

والا ياراع لاتحرف هداك الله رايح وين؟؟
...............نصيحه لاتوخر حسنتك وتقدم السيه
جهلت بطبعي اللي وارثه بجدادي الماضين
...............لكنك لاتفسر شي لين تعرف خافيه

.
.
.

وآنا مبي ياغير الأجر منك وفيك وأفهم زين
...................... ثوابت ماتغيّر للقديم وللحداثيّه
عسى الله يرحم الميّت ويبيقي الحي والنعمين
.................... وعسى الله يسترك دام انها بالستر مغطيّه

	المشاركة الأصلية كتبت بواسطة راع المشاعر

	. . . وآنا مبي ياغير الأجر منك وفيك وأفهم زين ...................... ثوابت ماتغيّر للقديم وللحداثيّه عسى الله يرحم الميّت ويبيقى الحي والنعمين .................... وعسى الله يسترك دام انها بالستر مغطيّه

ههههههه طيب طيب ياراع..

ياسلام علييييييك ياشيخ صح الله لسااانك ..تشرفت بالعب معك

والله تمنيت ان الوقت يسعفني بس للاسف النوووم وعندي قووومه الصبح ..

صراحه استمتعت معك وياليت الوقت كان مناسب ..الشاعر راع المشاعر دمت شاعر ..

واستاذنك يابعد هلي والسمووووحه...

.
.
.

صح بدنك ياخلف
والله أن تشرفت أكثر باللعب معك
رغم انها المره الأولى والمحاوله الأولى لي بالمحاوره
لكن استفدنا من خبرتك يا كبيييييييير

بس ماتلاحظ اني قفلت عليك هههههههه
شاعر كبير ياخلف وأستر ماواجهت

ماشاء الله تبارك الله
خلف ،،راع ابدعتوااا
اشغلتنا شبة النار عن ملعبتكم
صحت السنتكم وصحت ابدانكم

:
صباااااااااح الشعر مع غرايبل شاعر زمانه

.
.
.

صح كلك ياشموووع
وشبة النار تال الليل ماتتفوّت!!

مساك ومساء الجميع خير

خلف راع صحت السنتكم محاوره كانت رائعه اتسمت بقوة وغزارة المعنى
قريتها فالبدايه كنت احسبها معنى عادي لكن
لله دركم كذا المحاوره بس ودي طولتوهاشوي امتعتونا بها تمنيت لوطالت اكثر

.
.
.

صح بدنك يابو رايد
ولو طالت كان صارت علوم!!