لا تحسب إنك يـــــوم رزوك تسوى !!!!

أبيات متواضعه

أقدمها لكم على أمل أن تنال رضاكم و إستحسانكم

لا تبخلوا علينا بالنقد الهادف فبنقدكم نتقدم للأمام

أشكركم جميعا مع خالص التقدير و الأحترام

الحر ما ينفر من طْيورشلــــــــوى=يا طــــــايرٍ غرد و خلـــّى وليفــــــــه
الله بلانــــــا فـــــــــي محبتك بلــــوى=وهمومنا قبل المعرفــــــه خفيفــــــه
لا تحسب إنك يـــــوم رزوك تسوى=لولاي أعزك ما سويت النصيفــــــــه
منتـــــــاب ملزومٍ عليــــّـــه تنحـوى=كنك مديرٍ زاهـــــــدٍ بالوظيفــــــــــه
الي تبي ياصلك من دون دعــــــــوى=وريح ضميرك من عــذورٍ سخيفــــه
وإن كــان مابك خشيه و فيك تقوى=وغرك جمــــالك و الثمان الرهيفــــــــه
أو صار لك نفسٍ على البعـــد تقوى=قلها علن و أبشر بدسم الطريفــــه
ومالي لغير الله مناصٍ و شكـــوى=ومن عافنا عفنـاه وأهله و ريفـــه
ولــو بان فيّه للعرب منك مكـــــوى=قلت الهـوا يشخف خشومٍ منيفــه

	الحر ما ينفر مـن طْيورشلـوى يا طايرٍ غـرد و خلّـى وليفـه الله بلانـا فـي محبتـك بلـوى وهمومنا قبـل المعرفـه خفيفـه لا تحسب إنك يوم رزوك تسوى لولاي أعزك ما سويت النصيفـه

الله اكبر .!!
شموخ فخر كبرياء
ياساتر..!!

صح لسانك
وسلم لنا مداد قلمك ايها الشاعر

\\

حلوه !

ممتازه !!

بس آفتقدت آلحب !!

كيف تحبهآ وتقول لآ تحسب يوم رزوك تسوى !!

يعني حبك مآ يسوى !!

يآ سيدي ههههههههه مقبوله .. يعجبني آلحب آلمتمرد
يعني ميت فيك وتفوو عليك !!

رآئعه وننتظر جديدك

\\

	المشاركة الأصلية كتبت بواسطة شروق الوئام

	الله اكبر .!! شموخ فخر كبرياء ياساتر..!! صح لسانك وسلم لنا مداد قلمك ايها الشاعر

يا هلا بك شروق الوئام

عوافي يا شروق و لا فخر و لا كبرياء
و القهر يعمل عمايله

شكرا ع المرور و المشاركه الحلوه

	المشاركة الأصلية كتبت بواسطة متعاطفه بحدود

	\\ حلوه ! ممتازه !! بس آفتقدت آلحب !! كيف تحبهآ وتقول لآ تحسب يوم رزوك تسوى !! يعني حبك مآ يسوى !! يآ سيدي ههههههههه مقبوله .. يعجبني آلحب آلمتمرد يعني ميت فيك وتفوو عليك !! رآئعه وننتظر جديدك \\

يا هلا بك متعاطفه بحدود و ردك الحلو

شكلك متعاطفه معها بلا حدود هههههه

قصدي : لولاي كان ما تسوى عندهم شي < شايف نفسه
و في النهايه تتكبر علي و تتركني

أثر الحب واضح في البيت الأخير

لكن مالها الا كذا

القصيده من الخيال و علشان كذا طلبت رأيكم و نقدكم

و ما قصرتوا طيبتوا خاطري بالردود الزينه

مشكورين كلكم و يا هلا فيكم

شهادتي فيك مجروحة خيووو

دايم مبدع الله لايضرك

وكالعاده قصيدتك رائعه : )

صح لسانك

	المشاركة الأصلية كتبت بواسطة الراقيــة

	شهادتي فيك مجروحة خيووو دايم مبدع الله لايضرك وكالعاده قصيدتك رائعه : ) صح لسانك

يا هلا بك يا لراقيه

و شهادتك أعتز بها و لو كانت مجروحه

تسلمين و شرفتينا بمرورك العطر

تحيـــــــــــــــــاتي

شاعرنا الكبير


سلمت يداك وبيض الله وجهك


قصيدة جميله


جزلة من جزل


اعذر لي جهلي


مامعنى تنحوى


منكم نتعلم استاذي


لك مني صادق التحايا

	المشاركة الأصلية كتبت بواسطة حسن المحمدي

	شاعرنا الكبير سلمت يداك وبيض الله وجهك قصيدة جميله جزلة من جزل اعذر لي جهلي مامعنى تنحوى منكم نتعلم استاذي لك مني صادق التحايا

يا هلا بك أخي محمد

و انت أستاذنا الأول و العين ما تعلا على الحاجب

و لا أحد يلام على جهله باللهجه العاميه

لانها تختلف من قريه الى قريه ؛ فما بالك

و نحن في منتدى يرده الناس من مختلف الأوطان

كلمة تنحوى فعل ماضي بمعنى تنعفق
يعني لا يعجبه شيئ

و هي ماخوذه من التنحوي اي تغيير النواحي
و الاتجاهات

اشكرك على حضورك و مشاركتك البناءه

تقبل تحياتي

مع اني لا افضل الشعر العامي ولا اتذوقه كما في الفصحى الا اني اعجبت بشعرك

سلمت اناملك شاعرنا...................