السلااااااااااااام عليكم ورحمه الله وبركاته 00
( كان ودي اقول مساء الخير بس خفت من الوافي
يعطيني درس في فارق التوقيت 00 ماعليه الوافي المره
الجايه ابكتب حسب توقيت جرينتش :D :D )
اعرف ان المقدمه مااااااالها اي علاقه بنوع القصيده
اللي ابكتبها 00 بس اعذروني شكل السهر ما يلعب
ما اطول عليكم 00 القصيده رثائيه
وزي المره اللي فاتت الشاعر انا ما اعرفه
ياسعود والله ما نسيناه ياسعود
0000000000 ذكراه وسط قلوبنا ما حيينا
ياسعود لا تكثر من اللوم وتزود
0000000000 لا تفتكرنا عقب موته سلينا
حزني على موت الغضي ماله حدود
0000000000 ياكثر والله ماعليها بكينا
مير البكاء مافيه نفع ولا زود
0000000000 زود على مابي يزود الحنينا
سنتين راحت عقبها كلها سود
0000000000 وعقب السعاده من كدرها سقينا
صحيح انا ياسعود حي وموجود
0000000000 لاشك قلبي ميت من سنينـا
قلبي عليه الرمل بالقبر موجود
0000000000 مدفون قلبي عند صافي الجبينا
ياسعود مايحتاج حلف مع شهود
00000000000 يعلم بحالي اللي رقيب علينا
اليوم انا بابي عن هوى البيض مسدود
00000000000 انا وقلبي من الغرام اكتفينا
عزاه انا حتى من الحزن محسود
0000000000 هذا النصيب اللي مقدر يجينا
وسلاااااامتكم واعذروني 00
اختكم لافندر