ممنوع دخول البنات

عجائب البنات 00 البنات مخلوقات عجيبة
1) إذا مدحتها تعتقد انك تكذب
وإذا ما مدحتها ، فأنت ما تصلح لشي

2)وإذا ما توافقها على كل أراءها ، فأنت ضعيف
وإذا ما توافقها ، فأنت ما تفهم

3)إذا تزورها كثير فأنت غثيث
وإذا تزورها قليل فأنت غير مهتم

4)إذا تغار ،تقول أنك تزودها
وإذا ما ابديت الغيره ، تقول أنك ما تحبني

5)إذا تاخرت دقيقة تقول لك ماتدري أن أصعب شي هو الأنتظار
وإذا تاخرت هي تقول لك هذي أمور بنات

6)إذا تزور ربعك ،تقول انك تضيع الوقت على الفاضي
وإذا هي زارت صديقاتها تقولك هذا شي طبيعي

7)إذا ماتوقف لها حتى تقطع الشارع فانت ما عندك اخلاق
وإذا وقفت فأنت موقف تتفرج

8)إذا تشوف بنت ثانيه ،فأنت تغازل
وإذا شافوها الرجال قالت أنهم معجبين

9) إذا تلبس زين وتكشخ ، تقول انك مغازلجي
وإذا لبست عادي ، فأنت فتى مهمل

بأختصار 00
يدويشونك ، لكنهن محبوبات
ماتقدر تعيش معهم ، ولا تقدر تعيش من دونهم

وأبي رايكم يا شباب ؟

ممنوع على البنات التعليق .. الزعل مرفوض و العتاب مرفوع

مع خالص حبي واحترامي للجميع


__________________


خطط دبلو ما سيه للي يبغى يخطب
خطط دبلوماسيه للي وده يخطب
1. تروش وصنفر بدنك بليفة سنعة وأذا ماحصلت ترى ليفة المطبخ تفي بالغرض.

2. أذهب الى حلاق معتبر بو مئة او مئتين ريال وعندك خيارين لبناني او تركي ( يمكن ان تتصل بصديق أو تأخذ رأي الجمهور ) وخله يصلح لك ذقنك ويحف لك وجهك

3. ألبس ثوب جديد ومكوي عدل و غترة ملكي ماركة (قودي) علشان ماتقولون دعاية للمراسيم.

4. كب على روحك نص غرشة عطر من النوع الغالي علشان يقضي على ريحة المعسل والزجايرالي لاصقة في هدومك.

5. أشتر هدية للخطيبة من بو ريالين واحرص تكون مغلفة مضبوط كأنها من الفيصلية أو مجمع الراشد ولا تنسى تقشع السعر.

6. خذ معاك جوال رهيب واذا ما عندك أتسلفه من أحد ربعك ولا تنسى توصية يحشرك بالمكالمات والرسايل .

7. احفظ لك كم نكته من الأنترنت وكم بيت شعر من كتاب الأدب حق أخوك اللي في الثانوية لزوم الشاعرية والثقافة .

8. خذ معاك كم حبة شوكولاته لزوم تصرف اخوها الصغير ليكون يلزق فيك.

والآن ماذا يجب أن تفعل وانت في بيت ابوها:

1. خلك ثقيل و تكانه يعني جنتل لا يكون تفلها من أول يوم علشان يعرفون أنك اسد.

2. وزع أبتسامات في كل مكان وعلى كل الى تشوفه ماعدا الخدامة.

3. اذا شفت أخوها الصغير خذه وقطعه تبوس وعطه ريال (يعني انك حنين وتحب الاطفال).

4. تكلم كثير مع خطيبتك عن جمالها وحسنها وروعة ملابسها وأطرخها بكم بيت شعر من اللي انت حافظهم وأنت مغمض عيونك يعني أعمل فيها قيس بن الملوح.

5. تكلم عن الثقافة والتربية والمجتمع والمثل العليا وتأثير تلوث البيئة على زراعة قصب السكر في البرازيل وأيضاً عن منتدى شجون وانك مشرف فيه.

6. اذا جابوا لك الفاكهه والكيك لا تاكل بشراهه يعني اعمل فيها اتيكيت وانتبه يتملى وجهك وبراطمك بالكريمة حقت الكيك.

7. اذا لزق فيك اخوها الصغير أرمي له الطعم يعني الشوكولاته واذا مانفع عليك ان تستخدم نظرية (علي وعلى اعدائي) وتهفه كف. (و هذا وجهي اذا شفتها مرة ثانية)

8. أطلب من خطيبتك تفهم اهلها أنك عازمها بكره على مطعم كشخة أو عسكريم بو هديه ووصها لايكون تجيب معاها

احب اسمع رايكم

رشووووووووووود
هلا واله كيفك اخوي
خير الامور الوسط واحسن شي طنشهم ولا تسمع لكلامهم اللي ما يقضي




اما الخطبه ولا يهمك اول ما اخطب راح اسويها
بس حرام عليك يا شيخ كفاية انا ادفعلها المهر فاضي اجيب حلويات لاخوانها افرض يا اخي ان خوانها واجد بتدفعل قيمة الشكولاته