[ســـواج ●]

تجديد

السلام عليكم ورحمة الله وبركاته

موضوع كلمة من عندي وبيت شعر من عندك ليس بالجديد

وقاعدته أن يضع العضو ( كلمة ) ثم يأتي العضو الذي بعده ببيت من الشعر

متضمنا" ( الكلمة التي وضعها من قبله ) ثم يختار كلمة جديدة

ليكتب عليها العضو اللي بعده

بيتا" آخر من الشعر ...

متمنيا" للجميع مشاركات ممتعة ومفيدة

تنبيه هـآم : يمنع طرح اي بيت شعر ليس للعضو يعني منقول واي بيت شعر منقول سوف يتم حذف المشاركه .

والآن

نبدأ

والكلمة وهي

( وينك)

[wafei ●]

.................

...

هلا بك ســواج

من طول الغيبات جاب كلمة من عندي وبيت شعر من عندك

فكرة رائعه ياسواج
وهذي بيتين سخرناها لعيون " وينك "

وينك ؟؟ من البارح الين اني اصبحت
وانا انتظر طلتك تشرق علينا
نايم ؟ اها !! عساك في نومك ارتحت ؟
ولا جتك مثل حلوم دايم تجينا ؟

ودامالساعة 4 والمنتدى فاضي خلني ادّهرر

وينك ؟ عسى ماشر ؟ وين انت ؟ وش فيك ؟
اشغلتنا .. واشغلت قلب انشبك بك
في غيبتك ضاقت على قلب مغليك
اضعاف ضيقة غيبة ضيقت بك

الكلمة هي

" متضايق "

...

[رحـــــــــيل ●]

تجديد خطيرررررر واتمنى يتثبت الموضوع
أخوي سواااج الله يعطيك العافيه على هالفكره

بس ملاحظه بسيطه ..
اللي ع قد حاله ومايعرف يكتب شعر مايشارك ؟؟؟




بأجرب أكتب ولاحد يدقق



(( متضايق ))

متضايق اي والله وضاقت بي دنياي
............... من صـــدتك عـــنا وكـــــــثرت عـــتابك
ارفق بنا ياولـــيفي وكثر بطـــرياي
............... وان انشدوا عني لاتقول ميت على بابك




//

~ الشوق ~

[wafei ●]

/

صح لسانك رحوووله

الشوق


مادعاك الشوق مرة مثل ماشوقي دعاني
................................. ماشربت من الهوى كأسه ولاانت بمهتني به
انت يومنك تناسانا من كروت التهاني
.......................................... ..خايف ان هنيت لايقولون اثر وافي حبيبه !

الغرام

/

[خلف الجابري ●]

..
وعليكم السلام ورحمة الله وبركاته


متميز ياسوااج

اشكرك على هذا الطرح والفكره الرااائعه وعااش رااسك يالامير

موضوع يستحق التثبيت فعلا


دمت مبدعا دائما

[رحـــــــــيل ●]

..

صح بدنك وافي
//
وصح لسانك مليون



(( الغرام ))

قالو الغرام وقلت ماغيره غرامي
......... قالو تحبه قلت فوق معنى الحب حبه
قالوا تمنى قلت أشوفه بمنامي
......... و ليته يعرف اني اموت واحيا به


//

~ تعــــــال ~

[wafei ●]

~ تعــــــال ~

امممم

تعال سرعة قبل ناكل عشانا
............... تعال ابيك تذوق معنا فطايرك

عجل ترانا غاسلينٍ" ن " يدانا
................ لاتعتذر والله ماني بعاذرك

لاتضحكوووون جات كذا
ماتعشى ومشتهي فطور

الفطور

/

[رحـــــــــيل ●]

(( الفطور ))


جبنــــــه وزيتـــون وخبز وزبــــادي
.......... ماهو فطـــور ولايروق مزاجي
ياكود سمن وعسل وقرص الرمادي
.......... ودله وفنجال مبهره جنب ناري


<



( الصبح )

[wafei ●]

/

هههه
صح لسانك رحيل

باروح افطر بعد هالأبيات اللي تفتح الشهيه


/

[ســـواج ●]

[QUOTE=wafei;926812]

.................

...

هلا بك ســواج

من طول الغيبات جاب كلمة من عندي وبيت شعر من عندك

فكرة رائعه ياسواج
وهذي بيتين سخرناها لعيون " وينك "

وينك ؟؟ من البارح الين اني اصبحت
وانا انتظر طلتك تشرق علينا
نايم ؟ اها !! عساك في نومك ارتحت ؟
ولا جتك مثل حلوم دايم تجينا ؟

هلابك استاذ وافي

اشكرك على التثبيت

وصح لسانك وياهلابك دائما

ودي وتقديري لشخصك الكريم