للأخوة الكرام أعضاءً وزوار في هذا المنتدى العامر أهدي هذي المتواضعة
الصويب اللي ذرف دمعه وصـاح=ماخسرتم دموع ولاخسرتم صيـاح
الدموع أفضل علاج لمـن شكـى=والمصيبة مـن كتمهـا ماستـراح
من لقى صدرٍ يفضفض له حكـى=ومن لقى شخصٍ يشيل السد بـاح
ومن عـدم هـذا وهـذا مابـرى=يشكـي العلـة مجيـه والمـراح
في سكون الصمت عن بوحه سرى=والسكوت أحيـان للمبلـي فـلاح
صمتـي الدامـس ولاكلمـة زرى=يرتكز منها على صـدري رمـاح
وإن جرالي في زمانـي ماجـرى=ماخمشت الوجه وأطنبـت النيـاح
من ظهر مثلي على الجرح وضرى=يستمـد العـز مـن ذل الجـراح
نترك البايع ونشـري مـن شـرى=والصباح اللي ورى الممسى رباح
للخـوي فـي غـدرة أيامـه ذرى=في هجير القيـض ياردنـا قـراح
أأأأأأه من جيلٍ رمى المبـدأ ورى=في رسوبه يدعي زيـف النجـاح
لتولـى خايـن العهـد أفـتـرى=عزتي للـي بكـف النـذل طـاح
الردي لوكنـت و يـاه أقصـرى=عن لزومك في مسيس الوقت شاح
ماتقـل مـن جيتـه بـد الـثـرى=بالرخا يمـك وعنـد الضيـق راح
أصبح الطيب لقلـه فـي الـورى=مثل شيبٍ في سـواد الشعـر لاح
كان تسألنـي بقولـك وش تـرى=المآسـي ليلهـا بـعـده صـبـاح
ياشبيه الحال أنـا وأنـت خشـرى=صبرنا طير السعد وإحنـا جنـاح
ريـح ركابـك إذا شـيٍ طــرى=يستفـزك مـع متاهـات البـراح
كنـك اللـي بالقضيـة مــادرى=من قيود العرف مطلوق السـراح
لسهر عيني ولـك طيـب الكـرى=لايهمـك تالـي الضيقـة فسـاح
مع مديد الوقت ب نشوف ونـرى=في ثبـات الضلـع خلـك لريـاح
أنت غير مسجل في منتديات الوئام . للتسجيل الرجاء إضغط هنـا
في ثنايا الطريق 
