[poet font="Arial,24,black,bold ,normal" bkcolor="" bkimage="http://www.capricorn007.com/5678/sky3.gif" border="groove,8,chocolate" type=2 line=200% align=center use=sp char="" num="0,black"]
جتني تقول ارجوك قل لي انا مين=في هقوتك يا بو الخفوق الخضاري
قلت اش تبين اقول وانتي تعرفين=انتي حياتي كلها واحتضاري
ما صدقتني قلت هيا اسمعي زين=واياك تحكين الشكك في قراري
انتي بقلبي نبض دم الشرايين=وانتي بفكري هامسات اعتباري
وانتي بعيني سحر ماله شياطين=وانتي بجسمي روح تحمل شعاري
وانتي سماي وكوكبي لا تهونين=يا نجمة ما طافت الا مداري
وانتي جمال الكون في نظرة العين=وانتي سكون الليل وانتي نهاري
وانتي رجاي ولهفتي للبعيدين=وانتي هلي والنور في جوف داري
وانتي حروفي في بروز العناوين=وهمس القصايد والشعور الحراري
قالت كفي .. قلت اصبري لا ترجين=توي بعد ما قلت بعض المواري
انتي ورود الفل بين البساتين=وانتي طموحي غايتي واقتداري
وانتي مع اسمي كبر جاه السلاطين=وانتي خطاي وطيبتي واعتذاري
وانتي زماني في مدى العسر واللين=وانتي نداي وعزوتي وافتخاري
يا ما سهرت الليل لجلك من سنين=يا ما سهرت وهاجس الليل ساري
ازهم عليك اقول يمكن تردين=ان كان مني في لياليك طاري
واقول يمكن لي ذكرتك ذكرتين=في خلوة بين القمر والغداري
يا سيدة كل الحلا والمزايين=ياغنوتي باسلوب لحن القماري
غلاك عندي ما يبا له براهين=اليا غدا للهرج بايع وشاري
ياما شكيت بدمعتي للموامين=وياما رسمتك حرف لعيون قاري
طيفك احبه عن همومي يسلين=وطاريك احبه دون كل العذاري
انتي غدي مستقبلي وانتي الحين=هذا الختام ولا يطول انتظاري
__________
هلا وغلا بالمحارب
هلا بسيد الشعر
هلا بسيد النثر
هلا بالعاميه
هلا بالفصحى
روعه والله
تحفه
ابداع منقطع النظير
ليس غريب على المحارب
ولا المحارب بغريب عليه
تسلم القريحه
وتسلم الانامل الذهبيه
وتسلم على امتاعك لنا اخي الحبيب
تقبل تحياتي
سبحان الله اللى يعرفك عن قرب
يقول من وين جاب كلمة محارب والحرب.
دائما وأبدا أقول...
أن الاسماء المستعاره ليست بضرورة
تترجم واقع الشخص..
فكم من ليث حمل وديع ..
وكم وسيم قبيح ..
تقبل تقديري
[/poet]