السلام عليكم ورحمة الله وبركاته ..
تحيه معطره باحلى عطر ليمون وارد من تايوان .. لكن اصلي مو تقليد (تايوان واصلي مستحيييييييييل تجتمع) :o
اممممممممممممممم ..
موضوعي صراحه ما ادري وش هو الى الان .. لكن انا في طور (توني شاريها ذي) .. مثل ما قلت لكم انا في طور الاعداد لها .. ولن استطيع البدء حتى تشاركون ..
طبعا انا قدرت بقدرة قادر اني احدد الشروط قبل لا احدد الفكره .. لا احد يسأل كيف .. لكن هذي الميكانزم (موب صاحي الولد بدا يبدع) .. والبرنسبل اوف اوبريشن في تصنيف عمليات الدماغ عندي(ياشين اللي حافظ له كلمتين ويذبها في غير مكانها يعنني مثقف) ..
المهم ان في بالي فكره .. ما ودي اقولها عشان ما اتورط واتدبس بها .. قلت خلني اجلس اتشرط عليهم ومين يشترك فيها ..ومن ما يشترك (لعبتي بمزاجي اللعب اللي ابي واطرد اللي ابي .. ومن الان كل البنات مطرودات :p )
الـــــــــــــشــــــــــــــــروطــــــــــــــ (تحسون تلفيقه المده حقت ال(ط) :
1- اني اختار انا اول مشارك .. وذلك ضمن اول ثلاثه يردون على موضوعي ..
2- ممنووووووووع منع خاص باتاً صارماً حتما لان لابد من هذا (يقال لي ملزم مرررره) انه يشارك هنا اي واحد زعووووووووول ..
يعني اللي بيجلس يقول لاست هزأني .. لاست غلط علي .. لاست مسخر فيني .. لاست حطم معنوياتي (شكله محد مشارك بعد هالكلام) .. هذي الاشكال مابيها تكفون .. اللي عنده استعداد يستقبل كل شي برحابة صدر .. يجي .. واللي حساس بغير نظرة اختنا بنت الاصايل .. ما ينفعون لهالموضوع ..
3- لحظه تعبت يدي وانا اكتب .. روحو لرابعاً على بال ما اريح ..
4-اني اذا سألته اي سؤال يجاوب ... ولعلمكم يالشباب اول سؤال بسأله وش اسم امك ؟(الا يا مشاركين) ..
5- انه يذكر لي عشر اسامي من اعز اعز اعز الناس في هالمنتدى .. مو محبه لكن صله ايضا .. يعني ناس على صله بهم وبينهم علاقه ما .. سواء صداقه .. او حب (مثل اللي بيني وبين عاشق الحجاز الله يذكره بالخير ويرجعه بالسلامه .. يوووووووه احيان احس اني اجيب النكد لنفسي .. بس وش اسوي احبه وهو مطنشني وغايب) .. ياحبيلي لهالآدمي الله ياخذ عمره .. آآ قصدي يرده بالسلامه ..
او حتى علاقة كره مثل اللي بيني وبين مظلوم .. ابو حواجب والصراصير (قويه ذي تحس الولد قلب مع البنات .. ماعليك جاسوس
![نقره لعرض الصورة في صفحة مستقلة](http://www.mahroom.net/vb/images/smilies/sm146.gif)
)..
المهم ناس يقابلهم خارج المنتدى .. سواء في الواقع او على النت ..
طبعا عشر اسامي شبه مستحيل .. الواحد نعمه ان لقى له واحد بس ..
يعني عطوني اسم (يفضل ثلاثه) لشخص عزيز عليكم في هالمنتدى ..وبينكم وبينه علاقه متصله ..
(ما ادري وصلت لرقم كم لحظه بروح اشوف واجي)
(جيت.. طلعنا وصلنا لرقم)
6- ما يجوز باي حال من الاحوال .. بعد انتهاء اللعبه تقول عبارات استهجان واستنكار .. مثل ( مجمعنا وملحطنا شهر عشان هالخرابيط .. او .. هذي اخرتها ياللي ما تستحي على وجهك.. او .. ليتهم رقدوا <=(مشفره)) ..
7- الوقت مفتوح لي .. عشان اعطيكم النتايج .. اسبوع شهر سنه .. بكيفي .. (والله لو اني منكم ما سجلت) .
8- هذا احد اهم الشرووووووووووووووووووووط ..
هيييييييييه انت ياللي تقرا سطر وتنقز سطر ..
لحظه هنا بالله اقرا الجاي زين ..
لابد من ان يكون المشترك كاتب مواضيع كثيره .. وخلونا نقووووووووووول .. اممممممممممممممم
400 موضوع .. وكحد ادنا 350 اذا كان معاك واسطه .. فطوركم زين وناوي تعزمني .. شي من هذا القبيل
مهم هالشرط .. لااااااازم تكون ابو اربع وابرعين مية موضوع .. يعني 400 موضوع وما فوق ..
9- اذا كان المشترك من البنات .. لا بأس سأسمح له تكرما من لدني (على باله قوي) .. لكن بشترط عليهن شرط بسيط لازم يكون موجود في كل بنت .. وهو ..
----------------- (~ ّ،، ّ~)------------
انها تكون شنب ..
ومو اي شنب .. من النوع اللي تاقف عليه العنز لامن الليالي غدن عوج ..
شنب من النوع المحترم .. اللي ما ينعرف اقصاه من اوله .. ولا اوله من اقصاه ..
طبعا انا اعرف مسبقا ان العضوات التاليات :
(فرح) ..(بنت عنيزه) ..(الشمس) ..
ومعاهم كذا وحده .. من اصحاب الاشناب .. وقد اكتشفتهن بطريقتي اذا يذكرون في الملتقى الله يذكر ايامه بكل خير
المهم انهن اشنااااااااااب من النوع الاصلي بعد .. هههههههههههه
---------------------------------
عاد الحين لازم اروح الحق على السحور .. واجيكم بعدين اكمل الشروط .. اللي بيشارك حياه الله ..
واللي ما يبي .. يحق له .. لانه ما راح يشارك الا الاهبل في مثل هالموضوع ..
ووالسلام ختام