أنا بالهدنيا دونك غريب...(ممنوع دخول أصحاب القلوب الرقيقة)
ممكن تقطع القلب بس استحملوني هالمرة وهذه آخر مرة تشوفون موضوع مثل هذا
تعال وين بتروح...؟حق مين بتخليني...؟
بتتركني خلاص نسيت شنهو راح يصير حق إنسان حبك وغلاك ليه قلي سبب واحد واجهني صارحني لاتخليني باهالدنيا ضايع.
اذا انت تركتني من الي راح يرسم البسمة على شفتي من الي بيمسح دموعي ويداوي جروحي ويسمعني ويفهمني ويحس بآهاتي.
لمن أشوف الورود تهدى من حبيب لحبيبه من الي راح يعطيني وردة حتى لو ورقة منها حتى لو غصن ميت محد راح يذكرني.
لمن أشوف حبيب يضحك مع حبيبه لمن تكون الدنيا وراهم مرمية من الي بيجلس معي ويسامرني ويضحكني.
لمن أشوف إنسان رمى راسه بعد تعب طوييييل على صدر من يحبه وين الصدر الي بيقبل فيني.
وين اليد الحنونة الي بتمسح دمعتي بكل حب وشفافية وحنان وعطف.
وين اللسان الي يصير بلسم لجروحي بكلماته الدافيه الي تقتل كل هم وكل حزن فيني.
من الي بيملي علي يومي بضحكاته وهمساته وكلماته.
حاولت أصبر ماأسمع صوتك لكن ماقدرت حاولت أكابر وقول أنا ماأحتاج له لكن ماقدرت حاولت أوقف الدموع الي تنزل عليك لكن ماقدرت حاولت أكتم الآهات لكن ماقدرت حاولت أنسى أيامك لكن ماقدرت حاولت وحاولت وحاولت...
أنا بشر والله بشر عندي قلب عندي مشاعر أحس وربي أحس لاتجرحني بهالسهولة لاتهدم كل السنين الي بنيتها معاك تعال لي أبغاك تعال لي أبغاك تعاااااال أرجوك أنا أحتاجك.
من بيعوضني حنانك ومحبتك وصوتك الدافي من الي بيسأل عني وعن أخباري من الي بيفرح إذا فرحت من الي بيزعل إذا زعلت من..؟ من ..؟.
شاقول حق الي قلت لهم أنا مرتااااح عندي حبيب فاهمني شاقول حق عذالي شاقول حق الي عايرتهم وقلت لهم انتوا مساكين تحبون لأجل مصالح أما احنا نحب حب نخلي الدنيا كلها تركع لنا.
وقف راجع أوراقك يمكن تشوف لي عذر واحد يخليك على الأقل تسمعني شوف يمكن تذكر شيء يخليك تحس فيني.
وين كلامك أنت حياتي وروحي وعمري وعيوني ودنيتي وين كلامك هذا راح وإلا كلام الليل يمحيه النهار...؟
وإذا أنت معزم تفارقني وتتركني تذكر إنك والله لو تلف العالم كله ماراح تشوف حب مثل حبي ولاقلب مثل قلبي القلب الي تعب معاك الي حطك بوسطه وقفل عليك علشان مايمسك شيء يخليك تقول آه خلاص إذا أنت مقتنع اتركني والي مصبرني عندي أمل بربي وأعرف إن الي خلقك خلق غيرك وأحسن منك خلاص روح روح بس راجع موقفك قبل لاينساك القلب ويتحجر عليك ويسكر أبوابه بوجهك ذيك الساعة لاعيني بتدمع لك ولاقلبي بيفكر فيك ...