كليجا هلونديه

كل انحن نعرف الكليجا القصيمية اللذيذه الرايقه وخاصه اذا جت حاره والدبس
اللي في وسطها يتقاطر مع اول عرمه وحبيبات السكر الصغيره تلاصق في الشفايف
واذا صار الواحد في الشتاء فهي عز الطلب تبي تدفيه وتبعث فيه الشعور بالطعم
الممتع وما عنك وعن تحميتها على الدفايه تراها تذوب وتخليك تدوخ من زينها < == قال لك يسوي دعايه

لكن ماركه (قلد ولا يردك احد) بدت تنهش في جسد هالكليجا الطيبه والقهر
ان التقليد جا من دوله اوروبيه من هولندا ؟
واليكم الخبر :

قامت مجموعه هولنديه بتقليد بسكويت الكليجا وتعبئته في اكياس وترويحه لنا في
السعوديه واغلب الظنون تؤكد ان صاحب الشركه الهولنديه متهاوش اصلا مع قصيمي

في سكة المشراق اللي في حارة حي الزهور في هولندا وحب انه يسوي هالشركه

عناد فيه وعشان يهز الكيان الكليجاوي القصيمي ويقولون انه كاتب في لوحه
المدخل حق الشركه ( تسقط الكليجا القصيميه ) لا وكاتب بعد على قراطيس

الكليجا المقلده ( بوه رفاهيه كل يوم )
طبعا الماركه الهولنديه هي التقليد وللاسف التقليد تفوق
على الأصل؟ ... لكن تبون الصز ؟ والله ياهل الهولنديه انها شي يهبل عجزت
اقاومها رغم انها غاليه كرتونها بمية ريال فيه ميتين ؟
حجم صغير؟؟؟
ومحاتسيكم او بمعنى اصح ( مكاتبكم) ماكل 25 حبه كليجه هولنديه في اقل من ساعه ؟
وهذي نسبة ادمان تخوف بس مدام الواحد اعيصل ماعليه ان (ماضرته فلاهيب
نافعته ) او العكس ؟ اقروها العكس اجل منيب قاعد اعدلها
واللي مستغربه ان الأمر بدا يكبر ويتعدى حدوده لأن الهولنديين ناوين يصدرون
كليجاهم على شكل ( تنك ) وفي هالحاله يبي يندقم سوق كليجا القصيم ؟
وما ادري اذا كانوا القصمان يبون يطورون مستوى كليجتهم او ياقفون حاطين
كتوفهم على يديهم قصدي يديهم على كتوفهم

الى الحين ننتظر تصريح
قصيمي على هذه المصيبه
السوق ودق
و مراسلينا موجودين هناك

يله بنت عنيزه
صرحوووووووووووا يالقصمان

صباح الخير أجمل غبي ..

والله ياخوي مع احترامي لك ولكل القصمان و محبي الكليجا القصيمية , الهولنديين مافكروا فيكم ولا في كليجتكم .. :o

الشرهة على اللي استوردها وسماها بهالاسم .. أصلا لو يدرون وش احنا مسمين أشهر كعك عندهم كان وقفوا تصديره لنا.. :p

من المعروف أخوي إن الكعك هذا تشتهر فيه هولندا , وكثير لما يسافرون هناك يرجعون ومعهم هدايا أنواع وأشكال منه .. شي مكيس وشي معلب وشي كبير وشي صغير ..
نوع حالي مرة ونوع أقل حلى .. يعني

ومن فترة كان يباع في السعودية لكن ماتحصله إلا في السوبرماركتات الكبيرة , وسعره جدا غالي بينما هو في هولندا مايكلف ريال ...

عشان كذا كنت أنتظر وبفارغ الصبر أبوي يسافر لهولندا أو ماجاورها عشان يجيب لي :D

خلاصة الكلام إنه له طعم مسكت .. أشتري منه بالكوم وأخلصها في يوم ..

تحطيم والله .. طيب إذا اشتهيتها اليوم اللي بعده .. شسوي





الشمــــــــــــس

هلا اجمل غبي

شي جميل لقينا احد ينافسنا علي الكليجا

بس صدقني كليجا القصيم غير

الهولندينن دورهم عند البقر والورود وغيره

يعجزون

هلا فيك الشمس

مافكروا فينا


بس يفكرون كثثثثثثثثير بكم وبصناعاتكم الخطيييييييره


وش دعوي

سلام ..

هلا خالد ..

والله مافهمت وش تقصد من ورا كلامك , ولا أبي أفسره لشي وأنا ماني متأكدة ..

لكن إللي أبي أقوله للكل .. ماأبي أحد يقرا ردودي بحساسية وعنده استعداد يفسر ويأول كل شي عشان يزعل ..

ردي كان على أجمل غبي لما قال أنه الهولنديين يحاولون يقلدون الكليجا ..

وهذا أبدا ماهو صحيح .. وفعلا الهولنديين مافكروا فيكم ولا في كليجتكم :p

وبعدين قول .. إحنا مين .. ؟

لا تكون مفكرني متجنسة أمريكي ولا شي .. ؟

والله ماهي بعيدة :p

تحية لك خالد

الشمــــــــس

:
:
:

يااااهوه ... ايش كليجا هولنديه .. والا قصيميه .. اهم شي الاخلاق

بعدين .. الصناعه الوطنيه مافيه مثلها ..

وهم بعدين انت الحين قهرتني من يوم قريت موضوعك
وانا جالس ادور كليجا .. ياربيه على الدفايه ..

وبيني وبينك ... الهولنديه الي ردت على موضوعك
لايهمك كلامها .. منقهره :D

يالله تحياتي لكم


الكوبرا.. اجمل غبي .. الضاهر لازم اخبر الوالده

سامعه بكليييجاااا

بس مااذكر شوو هيي

لا لا لا

حسبي الله عليهم حتى هولاندا تنافس

ليه؟؟؟

طيب وش ذنبنا اذا بقرهم انجنت :D

مالقو غير الكليجا حسبي الله عليهم


شف ياخوي احب اطمن جميع محبين الكليجا القصيميه

انهم ولله الحمدل تداركنا الوضع وبدينا نصنع كليجه بنكهات مختلفه
عندك مثلا كليجا بنكهة التوفي...وفيه بالكاكاو....واخير كليجه بالفراوله
وحاليا في دراسه اننا نصنع ايسكريم الكليجه :D وشولون تجي مدري

بنت عنيزه

لااااااااا مادريتي فيه نكهه جديده

بنكهه الكرررررررررررررراث:D