يـــــا ليـتـنــي يُـمّــــه مهبــــــــول

شي عجيب .. يخلي الفكر..
يحتار في أمر البشر..
ومافيه جواب..
يقدر يخلينا ننتظر..
علم أكيد..
يبين لنا وشو الخبر..؟!
والعاقل الي يقول:
محد بحاله مكتفي..
الا الذي..
نايم من سنين طويلة..
في الثرى..
وسط القبر..


في الشارع الشرقي..
تلاقي من يقول:
وشوله تكتب هالشعر..؟!
وفي الشارع الغربي..
تلاقي من يقول..
وشوله تكتب هالنثر..؟!
وفي اخر الشارع تلاقي واحد..
قاعد ..
ويضحك عليك..
ليمن كتبت كلمة حنيّنه..
فيها غزل..
ما قلتها الا لعيون..
أخت القمر..


ومحد بحاله مكتفي..
الا الذي..
نايم من سنين طويله..في الثرى..
وسط القبر..
وش نقول..؟!
والكلام الي كتبنا..
في القراطيس الكثيره..
(كل ابوه) أصبح عذول..
وش نقول..؟!
صارت الدنيا مصالح..
لبست العالم مشالح..
والأمر كله رضى..
والرضى عين القبول..
وش نقول..؟!
الجراد ..
انتشر فينا قبل وقت الحصاد..
ما يصير..
لا نخل يبقى .. ولا حتى شعير..


يا رفيق
يا أخو .. ياهيه..
يا عالم
يا حبيب و ياصديق
وش بلى السكة تضيق..
والأمر كله رضى..
والرضى عين القبول..
وش نقول..؟!
حيارى
حيارى..صحيح..
واللي في جسمه متعافي..
قلبه في صدره جريح
ان قعد..
صالي النار تحته..
وان وقف..
قام من الفزعة يصيح..
حيارى..


يزيل الحزن من قلبي..
شعوري اني ..
غريب في وسط عالم..
يحس بغربته مثلي..


ياليتني (يمه) مهبول..
أقدر اقول..
لما أشوف الشين..
يا عالم..
ترى هذا غلط..
هذا خطأ..
أرمي بها (كلمة صراحه)..
و (انقلع)..
ما انتظر رد القبول..
يا ليتني (يمه) مهبول..



قرأت هذه الحــروف للاخ الفــاضــل السلـطـــــان واعجبتنــي كثيــــراً.. احببتكـــم ان تقرأوها ..


لكـــــــم تحيـــــاتي

مراحب اختي ليالي نجد
واختيار رائع
اختيار يدل على ذوقك الرفيع لاختيارك الكمات
تسلم الايادي

ليالس صح لسانك
اختيار جميل وموفق
وتسلم الايادي
................
..............
تقبلي تحياتي وتقديري
اخوك المشــــــــــــــاق

غاليتى .......... ليالى نجد

أختيارك رائع تمتازين بحس ذوقى
راقى ورفيع فى انتقائك.......
كلمات رائعة والاروع حقيقة هى المعانى
التى تضمنتها تصور بالضبط الواقع الذى نحياه الان
أشكرك على أختيارك الرقى وهذا أمر طبيعى
لانه من ذوق ليالى نجد ...
ملاحظة
الكرت أكثر من رائع أشكرك على ذوقك
ما قلتلك من الاول انك صاحبة ذوق راقى
ورفيع