الى متى وانت متخبي ورا الشاشـة=ما يوم تنشد عن اللي فيك مغرينـي
ترسل على النت رغم انت غشاشه=وفيض المشاعر سكن مابينك وبيني
مشغول فكري مع التوقيع وافلاشـه=في المنتدى يوم اشوف اسمك يسلّيني
عندك احاسيس لكن خلـف كمّاشـة=واسلوب جذاب لقلـوب المحبينـي
كثرة ردودك تجيب علـوم جيّاشـة=مثل المطر من زلاله بات يروينـي
ارفق بقلب ٍ ضناه الوجد يـا باشـة=من بدّة الناس مدري ليـه مشقينـي
كل ٍ يعالج جروحه عقب مطراشـه=الاّ انت يا سيّدي بالمـوت ناوينـي
مثل الذي يطرد الشوكـة بمنقاشـه=أركى عليها وغاصت بالشرايينـي
من لامني في المحبة يطوي فراشـه= ولو غاب عني بنات الفكـر تغنينـي
في ديرتي ما نقول للثوب دشداشـة=لكـن باقولـه دام انـك حكمتينـي
ولو البجادي طريق الحب ما عاشه=ما قالت البنت هو وش معجبه فيني
صح لسانك يالبجااادي
هذه القصيده للبجادي واعجبتني وجاريتها اتمنى ان تعجبكم
اثرك مع النت تبحث من ورى الشاشه=وتفتـش النـت تبحـث بالعناويـنـي
تلعب بالالحـان وتغنـي علـى آشـه=وتجر لحـن الغـرام وزدت تلحينـي
مع لحظة الشـوق والافكـار منداشـه=تشيل صوتـك علـى مـوال ياعينـي
مشغول فكرك مـع التوقيـع وأفلاشـه=والله يعلـم بمضـمـون المغنيـنـي
حتى رسمت القوافـي رسـم نقاشـه=بيدين عذرا غنـوج ووصفهـا زينـي
عذرا غـدت للمولـع هـم وابلاشـه=تتـل قلـب المولـع نظـرة العينـي
لاطرّقـت بالعيـون السـود برماشـه=نظرة خجل راح بحسـاب المولينـي
واليا أكشفت عن ثغرهـا لاق بقماشـه=ومبيسـم الشـوق يذبحنـي ويحيينـي
كـن النهـود بنحرهـا دوم منحاشـه=ماحملتهـن علـى (000) تقنيـنـي
أصغيـراتٍ ماهـن ليديـن نـواشـه=من دونهـا منثنـي سقـم المعادينـي
عودٍ حفظهـا وكـلٍ عـاش بدباشـه=مارد خيره عن اضعـوف ومساكينـي
هيضتني يوم زدت الـراس بطياشـه=وجاوبت صوتك صدى من بين الاثنيني
شعرٍ كتبـه البجـادي ويـن حواشـه=خلاصة الفكر بااوصـاف المزايينـي
برق الوســــــــــــــــــــــم