احبتي
اسعد الله ايامكم بطاعته
نغيب عن الشعر
ويغيب عنا
ولكن يبقى الحب
لنعزف على قيثارته اجمل وارق العباراات
فاعذروني على هذا العزف ان صح التعبير
وتقبلوه كما هو
مع اعتذااااااري للجميع
عن الغيااااب
على هجر القصيد وغيبة احبابي وحكي الناس= ابصبر لين يفرجها ولي العرش سبحانه
وابرسل لاجمل احلامي... حياتي... صادق الاحساس=بعذبات القصيد اللي يزين ذكرها الحانه
حياتي لارتمت عذب المعاني في خضم الياس=نثرتك في سما صمتي قصايد عشق ولهانه
وضميتك على صدرٍ عروقه يالغضي يباس=سقاه الوقت بهمومه وكحل حزنه اعيانه
حياتي جيت انا ضامي لثغرك طاهر الانفاس=تلاعب بي(... ....... ) بوقتٍ شحت امزانه
حياتي جيت لك كلي وطيفك يا الغضي نبراس=ابسري في ضياه اللي سهرت الليل من شانه
والى مني ذكرت الجيد ذاك وقدك المياس=وهمس شفاك وآهاتك نسيت الوقت واحزانه
وخرس عيونك اللي يا الغضي دايم وهي نعاس=تناظرني على بعدي وهي ولهى و خجلانه
وتحياتك وعبراتك وقولة يا حسن لاباس=علام الشعر ياعمري بوجهك صك بيبانه
كتبت اسمك على جيد القصايد مثل عقد الماس=ازين فيه انا شعري و(تزهو)فيه قيفاانه
وضميته على صدري وابكتب داخل الاقواس=(ابصبر لين يفرجها ولي العرش سبحاانه)
)